完整藏文原文 · 德格版页 当前仅加载第 13 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཁོལ་ཞིང་འདུག་གོ། །ཁྱིམ་བདག་གི་ཆུང་མས་འཕགས་པ་ཅུང་ཟད་ཀྱང་མ་མཆིས་ཀྱིས་བཞུད་ཅིག་ཅེས་སྨྲས་པ་དང་། དེ་དག་གིས་སྨྲས་པ། རྫེའུ་ནང་ན་ཁོལ་ཞིང་འདུག་པ་དེ་ཅི་ཡིན། འཕགས་པ་འདི་ནི་ཁྱི་ཤའོ། །ཅི་ཁྱེད་ཅག་ཁྱི་ཤ་ཟའམ། འཕགས་པ་མུ་
D7a.013.0157b01.01གེ་བྱུང་བས་ན་འཚལ་ལོ། །དེ་ལྟར་ན་ངེད་ཅག་ཀྱང་བྱིན་ཅིག །འཕགས་པ་ཁྱེད་ཀྱང་གསོལ་ལམ། ཀྱེ་ངེད་ཅག་གི་སྲོག་ཁྱེད་ལ་རྟེན་ན་ཁྱེད་ཅག་ཟ་ན་ངེད་ཅག་ཀྱང་ཅིའི་ཕྱིར་མི་བཟའ། དེ་དག་གིས་བྱིན་ནོ། །དེ་བྱིན་པ་དང་ཁྱེར་ཏེ་སོང་ངོ་། །ཁྱི་དག་གིས་སྣར་བསྣམས་པ་
D7a.013.0157b02.01ཚོར་ནས་དེ་དག་གིས་བསྐོར་ཅིང་། བདག་བདག་གི་སྐད་ཀྱིས་ཟུགས་ཤིང་དུ་སྟེ་ཕྱི་བཞིན་དུ་འབྲང་བ་བྲམ་ཟེ་དང་ཁྱིམ་བདག་གིས་མཐོང་ནས་དེ་དག་གིས་སྨྲས་པ། འཕགས་པ་ཅིའི་སླད་དུ་ཁྱི་དག་གིས་གཙེས་བཞིན་དུ་འདོང་། དེ་དག་གིས་སྨྲས་པ། བདག་ཅག་བསོད་
D7a.013.0157b03.01སྙོམས་ཁྱི་ཤ་ཅུང་ཟད་ཅིག་རྙེད་དོ། །འཕགས་པ་ཅི་ཁྱེད་ཅག་ཁྱིའི་ཤ་ཟའམ། ཀྱེ་འདི་ལྟ་བུ་བསོད་སྙོམས་མི་རྙེད་པའི་དུས་ན་ངེད་ཅག་ཅི་ལྟོགས་བཞིན་དུ་འཆིའམ། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ།
D7a.013.0157b04.01གང་དགེ་སློང་དག་གིས་ཁྱི་ཤ་ཟོས་པས་ནི་ཉེས་པའི་དམིགས་སུ་གྱུར་ཏེ། དེ་བས་ན་དགེ་སློང་དག་ཁྱི་ཤ་མ་ཟ་ཤིག །དགེ་སློང་དག་གིས་ཁྱི་ཤ་ཟོས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དྲུག་སྡེ་དག་གིས་ཁྲ་དང་། འུག་པ་དང་། བྱ་མི་
D7a.013.0157b05.01ཤ་ཟ་བ་དེ་དག་གི་ཤ་ཡང་ཟ་བ་དང་། བྲམ་ཟེ་དང་ཁྱིམ་བདག་མ་དད་པ་དག་འཕྱ་བར་གྱུར་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྲ་དང་། འུག་པ་དང་། མི་ཤ་ཟ་བ་དག་གི་བྱའི་
D7a.013.0157b06.01ཤ་མ་ཟ་ཤིག །དགེ་སློང་དག་གིས་ཁྲ་དང་། འུག་པ་དང་། མི་ཤ་ཟ་བ་དག་གི་བྱའི་ཤ་ཟོས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། མ་བྱིན་པར་ལེན་པ་དག་གིས་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་དྲེའུ་ཞིག་བརྐུས་ཏེ་ཁྲིད་ནས་
D7a.013.0157b07.01