完整藏文原文 · 德格版页 当前仅加载第 13 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
མཁན་པོའི་རབ་ཏུ་ལྡན་པ་གང་ཞེ་ན། དགེ་སློང་དེ་དག་མཁན་པོ་མེད་པར་རབ་ཏུ་བྱུང་ཞིང་བསྙེན་པར་རྫོགས་པར་བྱས་པས་ན་མ་དུལ་བར་གྱུར། ངན་པར་དུལ་བ་དང་། ཚུལ་དང་མི་ལྡན་པ། སྨད་གཡོགས་མི་སྡུག་པར་གྱོན། བླ་གོས་མི་སྡུག་པར་གྱོན། སྤྱོད་པ་ཉམས་ཤིང་
D7a.013.0268b01.01མི་སྡུག་པར་སྤྱོད་པ་ལ་ཞུགས་པ་དང་། ཆ་ལུགས་ངན། ཆ་ལུགས་མི་སྡུག་པ་ལ་ཞུགས་ནས་དེ་ལ་སུ་ཡང་ནད་གཡོག་མི་བྱེད་པར་གྱུར་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། མཁན་པོ་
D7a.013.0268b02.01ཡོད་པ་དང་། དེས་དེ་དག་འདུལ་བར་བྱེད། ལུང་བསྒོ་བར་བྱེད། རྗེས་སུ་ཡང་སྟོན་པར་བྱེད། འཆོས་པར་བྱེད་ན་ཡང་བསྙེན་བཀུར་དང་ནད་གཡོག་བྱེད་པར་འགྱུར་རོ་ཞེས་གསུངས་སོ། །བཅོམ་ལྡན་འདས་ཀྱིས་བསྙེན་བཀུར་བྱོས་ཤིག་ཅེས་གསུངས་པ་འདི་ནི་མཁན་པོའི་
D7a.013.0268b03.01རབ་ཏུ་ལྡན་པ་ཞེས་བྱའོ། །ལྷན་ཅིག་སྤྱོད་པའི་རབ་ཏུ་ལྡན་པ་གང་ཞེ་ན། དེ་དགེ་སློང་གི་རབ་ཏུ་ཕྱུང་བསྙེན་པར་རྫོགས་པར་བྱས་ན་མཁན་པོ་ལ་རིམ་གྲོ་མི་བྱེད་ནས་དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ།
D7a.013.0268b04.01ལྷན་ཅིག་སྤྱོད་པས་ནི་མཁན་པོ་ལ་རིམ་གྲོ་བྱོས་ཤིག །གཞར་བར་བྱོས་ཤིག །བལྟ་བར་བྱོས་ཤིག །མགུ་བར་བྱོས་ཤིག །རྗེས་བཞིན་དུ་འབྲང་བར་བྱོས་ཤིག །བསྙེན་བཀུར་བྱོས་ཤིག །བྱ་བ་ཐམས་ཅད་ཀྱང་མཁན་པོ་ལ་མ་དྲིས་ཀྱི་བར་དུ་མ་བྱེད་ཅིག །རྣམ་
D7a.013.0268b05.01པ་གསུམ་མ་གཏོགས་ཏེ། བཤང་གཅི་དང་། སོ་ཤིང་དོར་བ་དང་། མཚམས་ཀྱི་ནང་ནས་མཆོད་རྟེན་ལ་ཕྱག་འཚལ་བ་མ་གཏོགས་སོ། །ལྷན་ཅིག་སྤྱོད་པ་དང་ལྡན་པས་ཀྱང་བྱ་བ་ཐམས་ཅད་མཁན་པོ་ལ་དྲིས་ཤིང་བྱོས་ཤིག །བཤང་གཅི་དང་། སོ་ཤིང་དོར་བ་དང་།
D7a.013.0268b06.01མཚམས་ཀྱི་ནང་དུ་མཆོད་རྟེན་ལ་ཕྱག་འཚལ་བ་མ་གཏོགས་སོ། །ལྷན་ཅིག་སྤྱོད་པ་དང་ལྡན་པ་དག་གིས་ཀྱང་ལྷན་ཅིག་སྤྱོད་པའི་མཁན་པོ་ལ་བཀུར་སྟི་བྱོས་ཤིག །བླ་མར་བྱོས་ཤིག །མཆོད་པར་བྱོས་ཤིག །མགུ་བར་བྱོས་ཤིག །དེའི་བྱ་བ་ཞིག་ཡོད་ན་ཡང་ལེ་ལོ་
D7a.013.0268b07.01