完整藏文原文 · 德格版页 当前仅加载第 13 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
གོ། །ཕྱོགས་གཅིག་ཏུ་འདུག་པ་དང་། བཅོམ་ལྡན་འདས་ཀྱིས་ཡུལ་ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་ནང་པར་སྔར་སྐྲ་ཡང་གཤེར། གོས་ཀྱང་གཤེར་བཞིན་དུ་འདིར་ཅི་ལ་འོངས། བཙུན་པ་བདག་གི་ཕྱི་མོ་རབ་
D7a.013.0155b01.01ཏུ་སྡུག་ཅིང་ཡིད་དུ་འོང་བ་ཞིག་དུས་འདས་པ་དང་། དེ་ཕྱིར་ཕྱུང་སྟེ་བསྲེགས་ནས་ཤི་བའི་ཆོ་ག་བགྱིས་ཏེ། དེའི་ཕྱིར་ནང་པར་སྔར་གོས་ཀྱང་གཤེར། སྐྲ་ཡང་གཤེར་བཞིན་དུ་འདིར་མཆིས་སོ། །རྒྱལ་པོ་ཆེན་པོ་ཕྱི་མོ་རབ་ཏུ་སྡུག་གམ། བཙུན་པ་རབ་ཏུ་སྡུག་ཅིང་ཡིད་དུ་
D7a.013.0155b02.01མཆི་སྟེ། བཙུན་པ་ཕྱི་མོ་སོས་པར་བྱས་བལ་གླང་མང་པོ་འཚལ་ཞེས་མཆི་བ་ཞིག་མཆིས་ན་ཡང་བདག་གིས་བལ་གླང་མང་པོ་ཡང་གཏོང་ངོ་། །དེ་བཞིན་དུ་རྟ་མང་པོ་དང་། ཤིང་རྟ་མང་པོ་དང་། རྒྱལ་སྲིད་ཕྱེད་འཚལ་ན་ཡང་ཕྱི་མོ་སོས་ན་རྒྱལ་སྲིད་ཕྱེད་ཀྱང་གཏོང་ཕོད་
D7a.013.0155b03.01དོ། །བཙུན་པ་བདག་གིས་དེ་ལ་དེ་བཞིན་དུ་མྱ་ངན་དང་། དེ་བཞིན་དུ་ཉོན་མོངས་པ་དང་། དེ་བཞིན་དུ་མྱ་ངན་གྱིས་གཟིར་བཞིན་དུ་བསྒྲིམས་ཀྱང་ཕྱི་མོ་སྡུག་ཅིང་ཡིད་དུ་འོང་བ་དུས་འདས་པ་དང་། བདག་གིས་འདི་སྙམ་དུ་བསམས་སོ། །བཅོམ་ལྡན་འདས་ཀྱིས་ལེགས་
D7a.013.0155b04.01པར་གསུངས་པ་ནི་ངོ་མཚར་ཆེ་སྟེ། སེམས་ཅན་ཐམས་ཅད་དང་། སྲོག་ཆགས་ཐམས་ཅད་དང་། འབྱུང་པོ་ཐམས་ཅད་འཚོ་བའི་མཐའ་ནི་འཆི་བར་འགྱུར་རོ། །མཐར་ནི་འཆི་བ་ལ་ཐུག་པས་ན་སྐྱེས་ན་འཆིའོ་ཞེས་བཅོམ་ལྡན་འདས་ཀྱིས་གསུངས་པ་ནི་ངོ་མཚར་
D7a.013.0155b05.01ཆེའོ་ཞེས་གསོལ་པ་དང་། རྒྱལ་པོ་ཆེན་པོ་དེ་དེ་བཞིན་ནོ། །དེ་དེ་བཞིན་ཏེ། སེམས་ཅན་ཐམས་ཅད་དང་། སྲོག་ཆགས་ཐམས་ཅད་དང་། འབྱུང་པོ་ཐམས་ཅད་ཀྱང་འཚོ་བའི་མཐའ་ནི་འཆི་བར་འགྱུར་ཏེ། མཐར་འཆི་བ་ལ་ཐུག་པས་ན་སྐྱེས་ཕན་ཆད་མི་འཆི་བ་མེད་
D7a.013.0155b06.01དོ། །རྒྱལ་པོ་ཆེན་པོ་གང་རྒྱལ་རིགས་ཆེ་ཞིང་མཐོ་བ་དང་། བྲམ་ཟེའི་རིགས་ཆེ་ཞིང་མཐོ་བ་དང་། ཁྱིམ་བདག་གི་རིགས་ཆེ་ཞིང་མཐོ་བ་དེ་དག་ཀྱང་འཚོ་བའི་མཐའ་ནི་འཆི་བར་འགྱུར་ཏེ། མཐར་འཆི་བ་ལ་ཐུག་པས་ན་སྐྱེས་ཕན་ཆད་མི་འཆི་བ་མེད་དོ། །ཡང་རྒྱལ་པོ་
D7a.013.0155b07.01