完整藏文原文 · 德格版页 当前仅加载第 13 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་སང་བདག་གི་ཁྱིམ་དུ་གཅེར་བུ་པ་མང་པོ་དང་། དགེ་འདུན་དང་ལྷན་ཅིག་ཏུ་བཤོས་གསོལ་གྱིས་ཁས་ལོང་ཤིག །གང་པོས་བསམས་པ། ཁྱིམ་བདག་འདི་ནི་གོར་མ་ཆག་པར་དགེ་སྦྱོང་གཽ་ཏ་མ་ལ་སུན་པར་གྱུར་ནས་བདག་ཅག་ལ་རབ་ཏུ་
D7a.013.0169a01.01དད་པར་གྱུར་ཏེ་དེ་ནི་བདག་ཅག་གི་རྙེད་པ་རབ་ཏུ་རྙེད་པ་སྟེ། གང་པོ་བདག་ཅག་གི་དགེ་འདུན་གྱི་རིགས་ལ་རབ་ཏུ་དད་པར་གྱུར་ཏོ་སྙམ་ནས་དེས་ཁས་བླངས་སོ། །དེ་ནས་ཁྱིམ་བདག་མེ་སྐྱེས་དེ་དག་སྤྱན་དྲངས་ནས་སོང་ངོ་། །དེ་ནས་ཁྱིམ་བདག་མེ་སྐྱེས་ཀྱིས་དེའི་ནུབ་མོ་
D7a.013.0169a02.01རབ་ཏུ་བསོད་པའི་བཅའ་བ་དང་བཟའ་བའི་ཁ་ཟས་དག་སྦྱར་ནས། ནང་པར་སྔར་ལངས་ཏེ་ལངས་ནས་སྟན་བཏིང་། རིལ་བ་དག་ཆུས་བཀང་སྟེ་བཞག་ནས་གང་པོ་དག་ལ་སྤྱན་འདྲེན་པའི་དུས་གསོལ་པ། ཀྱེ་གང་པོ་བཤོས་རྣམས་བཤམས་ཀྱིས་དུས་མཁྱེན་པར་མཛོད་
D7a.013.0169a03.01ཅིག །དེ་དག་དོང་བ་དང་། དཔལ་སྦེད་ཀྱིས་དེའི་གནས་སུ་འོངས་ཏེ་སྨྲས་པ། འཕགས་པ་གང་པོ་དགེ་སྦྱོང་གཽ་ཏ་མ་ནི་ཁྱིམ་བདག་གི་ཁྱིམ་དུ་བཞུད་དེ་དེ་ནང་དུ་བཞུད་ཀར་སྒོའི་ཐེམ་པ་ལ་ཞབས་བཞག་ནས་འཛུམ་པ་སྟོན་ཏེ། དེ་ནས་ཉན་ཐོས་ཀུན་དགའ་བོ་ཞེས་བྱ་བས་སྟོད་
D7a.013.0169a04.01གཡོགས་ཕྱོགས་གཅིག་ཏུ་གཟར། པུས་མོ་གཡས་པའི་ལྷ་ང་ས་ལ་བཙུགས་ཏེ་ཐལ་མོ་སྦྱར་ནས་དེ་བཞིན་གཤེགས་པ་དང་དེ་བཞིན་གཤེགས་པའི་ཉན་ཐོས་དག་ནི་རྒྱུ་མ་མཆིས་རྐྱེན་མ་མཆིས་པར་འཛུམ་པ་མི་མཛད་ན། བཙུན་པ་ཅིའི་རྒྱུ་ཅིའི་རྐྱེན་གྱིས་འཛུམ་པ་མཛད་
D7a.013.0169a05.01ཅེས་ཞུས་པ་དང་། དེས་ཀྱང་ཀུན་དགའ་བོ་དེ་དེ་བཞིན་ནོ། །དེ་དེ་བཞིན་ཏེ། ཀུན་དགའ་བོ་དེ་བཞིན་གཤེགས་པ་དང་དེ་བཞིན་གཤེགས་པའི་ཉན་ཐོས་དག་ནི་རྒྱུ་མེད་རྐྱེན་མེད་པར་འཛུམ་པ་སྟོན་པར་མི་མཛད་དེ། དེ་ཇི་ལྟ་བུར་དགོངས་པ་བཞིན་ལུང་བསྟན་ཏོ་ཞེས་སྨྲས་
D7a.013.0169a06.01ནས། དེ་ལ་སྐྱེ་བོ་མང་པོ་དག་ཀྱང་རབ་ཏུ་དད་པར་གྱུར་གྱིས་ཁྱོད་ཀྱིས་ཀྱང་ཁྱིམ་བདག་མེ་སྐྱེས་ཀྱི་ཁྱིམ་དུ་འགྲོ་བའི་ཚེ་དེ་ལྟར་བྱ་བའི་རིགས་སོ། །འོན་ཀྱང་སྐྱེ་བོ་མང་པོ་དག་རབ་ཏུ་དད་པར་འགྱུར་རོ། །དེས་ཁས་བླངས་སོ། །དེ་ནས་གང་པོ་གཅེར་བུ་པ་མང་པོས་བསྐོར་ནས་
D7a.013.0169a07.01