完整藏文原文 · 德格版页 当前仅加载第 13 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག་པར་གནང་ངོ་ཞེས་བསྒོ་བ་དང་། དེས་སྨྲས་པ། བཙུན་པ་ཀུན་དགའ་བོ་བདག་གཅིག་པུ་ལའམ། དེ་སྟེ་དགེ་འདུན་ཐམས་ཅད་དེས་སྨྲས་པ། ཁྱོད་གཅིག་པུའོ། །བཙུན་པ་ཀུན་དགའ་བོ་འདིས་གླེངས་པས་ན་ཚངས་པ་མཚུངས་པར་སྤྱོད་པ་
D7a.013.0183a01.01དག་གིས་ཀྱང་འདི་སྐད་དུ་གྲོ་ཞིན་བྱེ་བ་ཉི་ཤུ་པ་བསྟན་པ་ལ་རབ་ཏུ་བྱུང་ནས་སྔོན་གྲོང་ཁྱེར་ཙམ་པ་ན་ལོ་ལེགས་པར་གྱུར་པའི་ཚེ། བལ་གླང་བདུན་གྱིས་དྲང་བ་ཡང་སྤངས་ཏེ་རབ་ཏུ་བྱུང་ན་ད་ཐུག་པ་ཙམ་ལ་ཡང་ཆགས་སོ་ཞེས་ཟེར་གྱིས། བཅོམ་ལྡན་འདས་ཀྱིས་བདག་གི་ཕྱིར་
D7a.013.0183a02.01དགེ་འདུན་ཐམས་ཅད་ཀྱང་ཐུག་པ་གནང་ན་བདག་ཀྱང་གཟོད་འཚལ་བར་བགྱིའོ་ཞེས་གསོལ་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་ན་གནང་གིས་གྲོ་ཞིན་བྱེ་བ་ཉི་ཤུ་པའི་ཕྱིར་དགེ་
D7a.013.0183a03.01འདུན་ཐམས་ཅད་ཀྱང་ཐུག་པ་འཐུང་ཤིག །གང་གི་ཚེ་རྒྱལ་པོ་གཟུགས་ཅན་སྙིང་པོ་བཅོམ་ལྡན་འདས་ཀྱིས་དགེ་འདུན་རྣམས་ཐུག་པ་འཐུང་བར་གནང་ངོ་ཞེས་ཐོས་ནས་དེས་དགེ་འདུན་ལ་ས་བོན་བུམ་པ་སྟོང་གིས་བཏབ་པའི་ཞིང་དག་ཕུལ་བ་དང་། དགེ་སློང་དག་གིས་མ་
D7a.013.0183a04.01བླངས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཕྱིར་ན་བླང་བར་བྱ་སྟེ་དེ་ལ་ཐེ་ཚོམ་དུ་མ་བྱེད་ཅིག །དེ་བས་ན་ཞིང་ལས་བྱུང་བ་རྣམས་དགེ་འདུན་གྱིས་སྤྱད་པར་གྱིས་ཤིག །རྐྱང་པའི་སྒོ་གསུམ་པའི་མདོའི་ཚིགས་སུ་བཅད་པ་བཞི་པའོ།། །།མདོར་ན།
D7a.013.0183a05.01གདིང་དང་བསྙེན་པར་རྫོགས་པ་དང་། །དགེ་ཚུལ་ཕ་དང་གསར་བུ་དང་། །སྙོམས་ཞུགས་དང་ནི་མི་གནང་བ། །བསླབ་པ་བྱིན་པ་གཉིས་པའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་
D7a.013.0183a06.01རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་དང་ཁྱིམ་པ་གཉིས་ལྷན་ཅིག་ཏུ་གདིང་བ་གཅིག་ལ་མཆིས་སུ་རུང་ངམ། ཨུ་པཱ་ལི་དེ་ནི་མི་རུང་མོད་ཀྱི། དེ་ལྟ་བུའི་རྐྱེན་ཅིག་བྱུང་ན་གནང་ངོ་། །བཙུན་པ་དགེ་ཚུལ་ཕ་དང་། དགེ་སློང་གསར་བུ་དང་།
D7a.013.0183a07.01