完整藏文原文 · 德格版页 当前仅加载第 13 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་དགའ་བར་བྱས་ལ། བདག་ཅག་ལ་ནི་འདི་ཡོད་དོ་ཞེས་སྨྲ་བར་བྱ་སྟེ། འདི་ནི་ཀུན་དགའ་ར་བའི་གནས་བརྟན་གྱི་བྱ་བ་ཞེས་བྱའོ། །གནས་ཁང་གི་བྱ་བ་གང་ཞེ་ན། དགེ་སློང་གང་གནས་ཁང་ན་འདུག་པ་དེས་གནས་ཁང་དེ་དུས་དུས་སུ་ཆག་
D7a.013.0282a01.01ཆག་གདབ། ཕྱག་དར་བྱ། ཕྱགས་པ་དོར་བར་བྱ། ལྕི་བས་ཤིན་ཏུ་འཇམ་པོར་བྱུག་པར་བྱ། སྔོ་ཅུང་ཟད་བྱུང་ན་ཡང་མེད་པར་བྱ། གས་པ་དང་། ཞིགས་པ་དང་། གོགས་པ་རྣམས་སླར་བཅོས་པར་བྱ། བུམ་པ་ཆུས་བཀང་སྟེ་གཞག་པར་བྱ་སྟེ། ཡོངས་སུ་
D7a.013.0282a02.01སྤྱད་པའི་བུམ་པ་དང་། གཙང་མའི་རིལ་བ་དང་། སྣམ་ཕྱི་སའི་རིལ་བ་དང་། རྐང་པ་བཀྲུ་བ་རྣམས་བཀང་སྟེ་བཞག་པ་དེ་ནི་གནས་ཁང་གི་བྱ་བ་ཞེས་བྱའོ། །གནས་ཁང་གི་གནས་བརྟན་གྱི་བྱ་བ་གང་ཞེ་ན། གནས་ཁང་གི་དགེ་སློང་གནས་བརྟན་གྱི་བྱ་བ་ནི་དེས་འདི་ལྟ་བུ་ལ་
D7a.013.0282a03.01འཇུག་པར་བྱའོ། །དགེ་སློང་གསར་བུ་གང་དག་དེ་ན་འཁོད་པར་གྱུར་པ་དེ་དག་ཤེས་པར་བྱ་བ་ནས་སྔ་མ་བཞིན་ཏེ། དགེ་སློང་གནས་བརྟན་གྱིས་ཐམས་ཅད་ལ་ཐོག་མར་འཇུག་པར་བྱ། རྒྱུད་མི་གཏང་བར་བྱ་བའི་བར་དུ་སྟེ། འདི་ནི་གནས་ཁང་གི་དགེ་སློང་གནས་བརྟན་གྱི་བྱ་བ་ཞེས་
D7a.013.0282a04.01བྱའོ། །ཁང་པ་འཁོར་དུ་བཅས་པའི་བྱ་བ་གང་ཞེ་ན། ཁང་པ་འཁོར་དང་བཅས་པ་དེ་ན་དགེ་སློང་གང་འདུག་པ་དེས་ཁང་པ་འཁོར་དང་བཅས་པ་དེ་དུས་དུས་སུ་བྱི་བདར་བྱ་བ་ནི་སྔ་མ་བཞིན་ཏེ། རྐང་པ་བཀྲུ་བའི་རྣམས་བཀང་སྟེ་གཞག་པའི་བར་དུའོ། །ཁང་པ་འཁོར་དང་བཅས་པ་
D7a.013.0282a05.01དེ་ན་དགེ་སློང་གྲོགས་པོ་གང་འཁོད་པའི་རྣམས་ལ་ཡང་བྱམས་པའི་ལུས་ཀྱི་ལས་ཀྱིས་མཚུངས་པར་སྤྱད་པར་བྱ། བྱམས་པའི་ངག་གི་ལས་དང་། བྱམས་པའི་ཡིད་ཀྱི་ལས་ཀྱང་མཚུངས་པར་སྤྱད་པར་བྱ། དེར་ཡང་ཐབ་མོ་མི་དབྱུང་བར་བྱ། མཚང་འདྲུ་བ་དང་། འཁྲུག་པ་དང་།
D7a.013.0282a06.01རྩོད་པ་མི་དབྱུང་བར་བྱ། དེ་སྟེ་དེར་འཐབ་པ་དང་། སྨོད་པ་དང་། འཁྲུག་པ་དང་། རྩོད་པ་ཞིག་བྱུང་ན་ཞི་བར་ནུས་ན་ནི་དེ་བཞིན་ལེགས། དེ་སྟེ་ཡང་མི་ནུས་ན་གུད་དུ་སོང་ཤིག །འདི་ནི་ཁང་པ་འཁོར་དུ་བཅས་པའི་བྱ་བ་ཞེས་བྱའོ། །ཁང་པ་འཁོར་དུ་བཅས་པའི་གནས་བརྟན་
D7a.013.0282a07.01