完整藏文原文 · 德格版页 当前仅加载第 13 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལྕི་བའམ། ཡང་བའམ། ལྷག་མ་དང་བཅས་པའམ། ལྷག་མ་མ་ལུས་པའམ། ཐམས་ཅད་ལས་འདས་པའམ། བདག་ལ་ཉེས་པ་གང་སྨྲ། ཚུལ་ཁྲིམས་ཉམས་པའམ། ལྟ་བ་ཉམས་པའམ། སྤྱོད་པ་ཉམས་པའམ། འཚོ་བ་ཉམས་པའམ། ཐམས་
D7a.013.0049b01.01ཅད་ཉམས་པའམ། ཉམས་པ་གང་སྨྲ། འགྲོ་བ་དང་། འགྲེང་བ་དང་། འདུག་པ་དང་། ཉལ་བ་དང་། མ་ཉལ་བ་རྣམས་སྤྱོད་ལམ་གང་བྱས་པ་ལས་སྨྲ། གྲོང་དུ་བྱས་པའམ། དགོན་པ་ལ་བྱས་པའམ། ལམ་དུ་བྱས་པའམ། ལམ་གོལ་བར་བྱས་པའམ།
D7a.013.0049b02.01མཚན་མོ་བྱས་པའམ། ཉིན་པར་བྱས་པ་རྣམས་ལས་བདག་གིས་གང་དུ་བྱས་པ་སྨྲོས་ཤིག །གླེངས་པའི་དགེ་སློང་གིས་གླེང་བར་བྱེད་པའི་དགེ་སློང་ལ་རྣམ་པ་འདི་ལྔས་སྐབས་ཕྱེ་ལ་ཡི་དམ་བཅར་ཆུག་སྟེ་ཚིག་འདི་སྐད་སྨྲོས་ཤིག །གླེང་བར་བྱེད་པ་ཇི་ལྟར་ཡི་དམ་
D7a.013.0049b03.01བཅས་པའི་ཉེས་པ་སྨྲོས་ཤིག་ཅེས་བྱའོ། །མདོར་ན། འཇིགས་པར་གྱུར་དང་འཁྲུལ་བ་དང་། །ཚངས་པའི་ཆད་པ་རིམ་གྲོ་མེད། །བསྡིགས་པའི་ཆད་པ་མངོན་སུམ་དང་། །བདེན་པ་རྣམས་ཀྱང་དེ་བཞིན་ནོ། །གང་གི་ཚེ་གླེང་བའི་དགེ་སློང་གིས་སྐབས་ཕྱེ་བར་
D7a.013.0049b04.01གྱུར་པ་དེའི་ཚེ་ན་གླེང་བར་བྱེད་པའི་དགེ་སློང་གིས་གནས་ལྔར་ཡིད་བརྟན་པར་བྱ་སྟེ། ཚེ་དང་ལྡན་པ་མ་འཇིགས་ཤིག །ཁྱོད་འཇིགས་པར་མ་བྱེད། ཁྱོད་སྐྲག་པར་མ་བྱེད། ཀུན་ཏུ་མ་སྐྲག་ཤིག །ཀུན་ཏུ་སྐྲག་པར་མ་བྱེད་ཅིག །མ་སྔངས་ཤིག །སྡངས་པར་
D7a.013.0049b05.01མ་བྱེད་ཅིག །མ་འཛེམ་ཤིག །འཛེམ་པར་མ་བྱེད་ཅིག །གླེང་བར་བྱེད་པའི་དགེ་སློང་གིས་གླེངས་པའི་དགེ་སློང་ལ་གཞན་ཡང་གནས་ལྔར་ཡིད་བརྟན་པར་བྱ་སྟེ། ཚེ་དང་ལྡན་པ་ཁྱོད་ཀྱི་འཁྲུལ་བ་མི་འཛིན་ཏོ། །ཁྱོད་ཀྱི་སྔངས་པའི་སྐབས་མི་འཛིན་གྱི། ཚེ་དང་ལྡན་
D7a.013.0049b06.01པ་ཁྱོད་ལ་གཏན་ལ་བབ་པར་འཛིན་ཏོ། །ཚེ་དང་ལྡན་པ་ལན་གསུམ་གྱི་བར་དུ་དམ་བཅའ་བ་ལ་གཞག་གོ། །གླེང་བའི་དགེ་སློང་གིས་གླེང་བར་བྱེད་པའི་དགེ་སློང་ལ་གཞན་ཡང་གནས་ལྔར་ཡིད་བརྟན་པར་བྱའོ། །དེ་སྟེ་ཚེ་དང་ལྡན་པ་ཁྱོད་ཚངས་པའི་ཆད་པས་རིགས་པར་
D7a.013.0049b07.01