完整藏文原文 · 德格版页 当前仅加载第 13 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
འབྲུ་དང་། །གློ་བུར་འོངས་དང་གནས་པའོ། །མདོར་ན། ས་བོན་དུམ་པ་ཤིང་རྟ་གྲུ། །ཁུར་དང་འོ་མ་ཚོང་པ་དེ་བཞིན་ཏེ། །བྱ་རོག་སྦྲང་མ་བཙོ་བླག་ལས། །ཨུ་པཱ་ལི་བཞི་ཆོག་ཀུན་ཤེས་པའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ད་ཀ་གནས་པ་
D7a.013.0190b01.01ན་བཞུགས་ཏེ། གང་གི་ཚེ་རྒྱལ་པོ་གཟུགས་ཅན་སྙིང་པོས་བུམ་པ་སྟོང་གི་ས་བོན་བཏབ་པ་ཕུལ་བ་དེའི་ཚེ་དགེ་སློང་དག་གིས་དེའི་ཐོག་ཟོས་ནས་ཞིང་ཡང་ཐ་བར་བོར་ཏེ་རྩྭ་ཀུ་ཤའི་གནས་སུ་གྱུར་ཏོ། །དེ་ནས་རྒྱལ་པོ་གཟུགས་ཅན་སྙིང་པོ་ཕྱི་རོལ་དུ་བྱུང་བས་དེ་དག་མཐོང་ནས།
D7a.013.0190b02.01དེས་བློན་པོ་ལ་ཀྱེ་སུས་འདི་ལྟར་ཞིང་ཀུན་ཐ་བར་བོར་ནས་ཀུ་ཤའི་གནས་སུ་གྱུར་ཅེས་སྨྲས་པ་དང་། དེས་ལྷས་འཕགས་པ་དག་ལ་བུམ་པ་སྟོང་གི་ས་བོན་གྱིས་བཏབ་པ་ཕུལ་བ་ད་དེ་དག་གིས་ལེགས་པར་བླངས་པ་དེ་དག་གཟིགས་མོད་ཅེས་སྨྲས་པ་དང་། རྒྱལ་པོས་ཇི་འཕགས་པ་དེ་དག་
D7a.013.0190b03.01གིས་ཐུན་ཤས་སུ་ཡང་མ་བཏང་ངམ་ཞེས་དེ་དག་གིས་དགེ་སློང་དག་ལ་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཞིང་དག་ནི་ཐུན་ཤས་སུ་ཐོང་ཤིག །དགེ་སློང་དག་གིས་ཐུན་
D7a.013.0190b04.01ཤས་སུ་བྱིན་ནོ། །ཞིང་པས་ཞིང་གཤིན་པའི་རྣམས་ནི་ཐམས་ཅད་བདག་ཅག་ཁྱེར་ཡང་དེ་དག་གིས་སྐལ་བ་མ་བླངས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། ཞིང་ཤས་ཀྱི་སྐལ་བ་ལོང་ཤིག །
D7a.013.0190b05.01དགེ་སློང་དག་གིས་བླངས་ཏེ་དེ་ཉིད་དུ་བཞག་ནས། བཅོམ་ལྡན་འདས་ཀྱིས་བཀའ་སྩལ་པ། སྐལ་བ་གཙུག་ལག་ཁང་དུ་སྐྱོས་ཤིག་ཅེས་གསུངས་པ་དང་། སྔར་ཞིང་པ་ཉིད་ཀྱིས་དེར་བསྐྱས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། སྔོན་དུ་ཞིང་བདག་གིས་དེར་
D7a.013.0190b06.01སྐྱོས་ཤིག །དེ་དག་སྐྱེད་པ་ན་ཡང་བརྐུས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྲུང་བའི་དགེ་སློང་རྣམས་སྐོས་ཤིག །ཤིང་རྟའི་ནང་དུ་སྐྱེད་པ་ལས་ཤིང་རྟ་ཆག་ཀྱང་དགེ་སློང་གིས་གྲོགས་མ་
D7a.013.0190b07.01