完整藏文原文 · 德格版页 当前仅加载第 13 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། པུས་མོ་དང་། བརླ་དང་། མཛུབ་མོ་རྣམས་ཀྱིས་བཟུང་བ་དང་། དེ་ཁུ་བ་བྱུང་ངོ་། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དོ། །དགེ་སློང་ཞིག་གིས་རྣམ་པར་སྔོས་པ་ལས་ཁུ་བ་བྱུང་བ་དང་། བམ་པ་དང་
D7a.013.0016a01.01སྦོས་པ་དང་རྣམ་པར་དམར་བ་དང་། རྣམ་པར་ཞིགས་པ་དང་། ཀེང་རུས་ལ་ཁུ་བ་ཕྱུང་ན་ཐམས་ཅད་དགེ་འདུན་གྱི་ལྷག་མར་འགྱུར་རོ། །མདོར་ན། འཕྲུག་པ་འདྲུད་པ་མཛུབ་མོ་དང་། །ཆུ་ལས་སྦྲིད་པར་གྱུར་པ་དང་། །ནང་གི་དགུར་ནི་བྱས་པ་དང་། །སྤྱོད་པ་རྣམ་པ་ཉི་ཤུའོ། །
D7a.013.0016a02.01དགེ་སློང་ཞིག་གིས་འཕྲུག་པ་ལས་ཁུ་བ་བྱུང་ན་ཉེས་པ་མེད་དོ། །འདྲུད་པའང་དེ་བཞིན་ནོ། །དགེ་སློང་དེས་ཕོ་མཚན་ལས་བཟུང་བ་དང་། ཁུ་བ་བྱུང་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་སྦོམ་པོར་འགྱུར་རོ། །དགེ་སློང་ཞིག་བསོད་སྙོམས་ལ་
D7a.013.0016a03.01སྤྱོད་པ་དེ་ན་ན་ཆུང་གཞོན་ནུ་ཞིག་གདངས་ཏེ་འདུག་པར་གྱུར་པས་འཕགས་པ་ཚུར་སྤྱོན་ཁོ་མོ་ལ་འདི་དང་འདི་ལྟ་བུ་མཛོད་ཅེས་སྨྲས་ནས་དེས་དེར་མཛུབ་མོ་བཅུག་གོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་སྦོམ་པོར་འགྱུར་རོ། །
D7a.013.0016a04.01དགེ་སློང་ཞིག་ཁྲུས་བྱེད་པ་ན་ཕོ་མཚན་ཆུའི་རྒྱུན་དུ་བསྡད་པ་དང་དེ་སྦྲིད་པས་ཁུ་བ་བྱུང་ངོ་། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་སྦོམ་པོར་འགྱུར་རོ། །དགེ་སློང་ཞིག་གིས་མགོ་བོ་དང་། རྣ་བ་དང་། སྣའི་ནང་དུ་ཁུ་བ་ཕྱུང་
D7a.013.0016a05.01ན་ཐམས་ཅད་དགེ་འདུན་གྱི་ལྷག་མར་འགྱུར་རོ། །དགེ་སློང་ཞིག་གིས་རྩིབ་ལོགས་དང་། རྒྱབ་དང་། བྲང་དང་། ལྟོ་གཉེར་དང་། སྐྲའི་ནང་དུ་ཁུ་བ་ཕྱུང་ན་ཐམས་ཅད་དགེ་འདུན་གྱི་ལྷག་མར་འགྱུར་རོ། །དགེ་སློང་གིས་ལག་པ་དང་། ཕྲག་པ་དང་། དཔུང་བའི་
D7a.013.0016a06.01ནང་དུ་ཁུ་བ་ཕྱུང་ན་ཐམས་ཅད་དགེ་འདུན་གྱི་ལྷག་མར་འགྱུར་རོ། །དགེ་སློང་གིས་རྐེད་པ་དང་། བྱིན་པ་དང་། རྐང་པ་དང་། བརླ་རྣམས་ཀྱི་ནང་དུ་ཁུ་བ་ཕྱུང་ན་ཐམས་ཅད་དགེ་འདུན་གྱི་ལྷག་མར་འགྱུར་རོ། །དགེ་སློང་ཞིག་གིས་ལ་བ་དང་། ཕྱིང་བ་དང་། པར་ཏང་
D7a.013.0016a07.01