完整藏文原文 · 德格版页 当前仅加载第 13 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ནིང་དང་། ཟ་མ་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་།
D7a.013.0183b01.01རྐུན་གནས་དང་། སོ་སོར་གནས་པ་དང་། མི་གནས་པ་དག་ལ་སོགས་པ་དང་གདིང་བ་གཅིག་གི་སྟེང་ན་ལྷན་ཅིག་ཏུ་མཆིས་པར་རུང་ངམ། ཨུ་པཱ་ལི་དེ་ལྟར་ནི་མི་རུང་མོད་ཀྱི། དེ་ལྟ་བུའི་རྐྱེན་ཅིག་བྱུང་ན་གནང་ངོ་དེ་བཞིན་དུ་སྟན་གཅིག་གམ། ཁྲི་གཅིག་གམ། ཁྲིའུ་གཅིག་གམ།
D7a.013.0183b02.01པར་ཏང་གཅིག་ཏུ་མི་རུང་མོད་ཀྱི། དེ་ལྟ་བུའི་རྐྱེན་ཅིག་བྱུང་ན་རུང་ངོ་། །བཙུན་པ་ཁྱིམ་པ་དང་སྟེགས་བུ་ལ་སྟན་བཏིང་བའི་སྟེང་ན་ལྷན་ཅིག་ཏུ་མཆིས་པར་རུང་ངམ། མི་རུང་མོད་ཀྱི། དེ་ལྟ་བུའི་རྐྱེན་ཅིག་བྱུང་ན་རུང་ངོ་། །པར་ཏང་དག་བཏིང་ཡང་མི་རུང་མོད་ཀྱི་དེ་ལྟ་བུའི་རྐྱེན་ཅིག་བྱུང་
D7a.013.0183b03.01ན་པར་ཏང་དག་བཏིང་བར་གྱུར་པའང་དེ་བཞིན་ནོ། །དེ་བཞིན་དུ་དགེ་ཚུལ་ཕ་དང་། དགེ་སློང་གསར་བུ་ནས་སོ་སོར་གནས་པའི་བར་དུ་སྟེ། དེ་བཞིན་དུ་གནས་ལ་ཉེས་པའི་དམིགས་མ་བྱུང་གི་བར་དུ་ལྷན་ཅིག་ཏུ་འདུག་ན་འདས་པ་དང་བཅས་པར་འགྱུར་རོ། །བཙུན་པ་བསླབ་
D7a.013.0183b04.01པ་སྩལ་བ་གཉིས་ཤིག་སྟན་གཅིག་གི་སྟེང་ན་ལྷན་ཅིག་མཆིས་སུ་རུང་ངམ། ཨུ་པཱ་ལི་དེ་ནི་མི་རུང་ངོ་། །རྐྱང་པའི་སྒོ་གསུམ་པའི་མདོའི་ཚིགས་སུ་བཅད་པ་ལྔ་པའོ།། །།འདུལ་བ་གཞུང་དམ་པ། བམ་པོ་བཞི་བཅུ་རྩ་གཉིས་པ། མདོར་ན། མི་བསླང་བ་དང་ཁྲིའུ་
D7a.013.0183b05.01གཅིག །བྲེལ་བར་གྱུར་པའང་དེ་བཞིན་ཏེ། །ཅུང་ཟད་བྲེལ་བར་གྱུར་པ་དང་། །རྩྭ་དང་ཤིང་ཡང་དགེ་འདུན་གྱིའོ། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་པའི་ཚེ། དགེ་སློང་དག་ཁྲིའུའི་
D7a.013.0183b06.01སྟེང་ན་བཙོ་བླག་གི་ལས་བྱེད་ཅིང་འདུག་པ་དང་། དྲུག་སྡེ་དག་དེ་ཉིད་དུ་འདུག་ཅིང་གནོད་པར་བྱེད་དེ། དེ་དག་བྲེལ་བཞིན་དུ་བསླང་བ་དང་དེ་དག་ལ་གནོད་པར་གྱུར་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་
D7a.013.0183b07.01