完整藏文原文 · 德格版页 当前仅加载第 13 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡང་བྱོས་ཤིག་ཅེས་གསུངས་ན། གཏན་པ་བཏིང་བས་སེམས་རྣམ་པ་གསུམ་བསྐྱེད་ན་གཏན་པ་བཏིང་ཞེས་བགྱིའམ། དེ་སྟེ་གོས་འདི་ནི་དགེ་འདུན་གྱི་གཏན་པར་གཏིང་སྟེ། བདག་གིས་ཞེས་སེམས་རྣམ་པ་གཉིས་བསྐྱེད་པར་བགྱི། སེམས་དེ་ལྟར་རྣམ་གཉིས་
D7a.013.0226a01.01བསྐྱེད་དེ་གཏན་པར་བཏིང་ན་གཏན་པ་གདིང་བ་ལ་ཉེས་བྱས་སུ་འགྱུར་རོ། །སྤང་བའི་གོས་གཏན་པར་བཏིང་ན་གཏན་པར་བཏིང་བར་མི་འགྱུར་རོ་ཞེས་གསུངས་ན། སྤང་བའི་གོས་གང་ལགས། ཞག་བཅུ་ལས་འདས་པའམ། ནུབ་གཅིག་བྲལ་བར་གྱུར་པའོ། །མི་རུང་བའི་གོས་གཏན་པར་
D7a.013.0226a02.01བཏིང་ན་གཏན་པར་བཏིང་བ་མ་ཡིན་ནོ་ཞེས་གསུངས་ན། མི་རུང་བའི་གོས་གང་ལགས། གོས་གང་རྒྱུ་མི་རུང་བར་གྱུར་པའོ། །བཙུན་པ་བཅོམ་ལྡན་འདས་ཀྱིས་གོས་བགོས་པ་རྙིང་པ་གཏན་པ་བཏིང་ན་གཏན་པར་བཏིང་བ་མ་ཡིན་ནོ་ཞེས་གསུངས་ན། གོས་རྙིང་པ་བགོས་པ་དེ་གང་ལགས།
D7a.013.0226a03.01གོས་གང་དགེ་སློང་གིས་རྟག་ཏུ་བགོས་པའོ། །མ་བགོས་པའི་གོས་གཏན་པར་བཏིང་ན་གཏན་པར་བཏིང་བ་ཡིན་ནོ་ཞེས་གསུངས་ན། མ་བགོས་པའི་གོས་གང་ལགས། གོས་གང་རྒྱུ་ལས་གསར་དུ་བཏགས་པའོ། །མ་བགོས་པ་རུང་བའི་གོས་གཏན་པར་བཏིང་ན་གཏན་པར་བཏིང་
D7a.013.0226a04.01བ་ཡིན་ཞེས་གསུངས་ན། མ་བགོས་པ་རུང་བའི་གོས་གང་ལགས། གོས་གང་ཁོད་དང་ལྡན་པ་དེ་གཏན་པར་བཏིང་ན་གཏན་པར་བཏིང་བ་ཞེས་བྱའོ། །མདོར་ན། མ་བཏིང་བར་ནི་དགེ་འདུན་བྱེ། །བཏིང་ནས་བྱེ་བར་གྱུར་པ་ནི། །ཕྱོགས་གཅིག་པ་ནི་གང་གིས་བགྱི། །ཟིན་པར་བྱ་བར་
D7a.013.0226a05.01གྱུར་པའོ། །བཙུན་པ་གཏན་པ་མ་བཏིང་བའི་གནས་སུ་དགེ་འདུན་བྱེ་ནས་དེ་དག་ལས་ཕྱོགས་གཅིག་གམ་ཕྱོགས་གཉིས་པས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་གཏན་པ་བཏིང་བ་ཞེས་བྱའོ། །དེ་ཐམས་ཅད་ཅི་གཏན་པ་བཏིང་བ་ཞེས་བགྱིའམ། ཨུ་
D7a.013.0226a06.01པཱ་ལི་མ་ཡིན་ཏེ། གང་གིས་བཏིང་བ་དེ་དག་ལ་ནི་བཏིང་བ་ཞེས་བྱའི་གང་གིས་མ་བཏིང་བ་དེ་དག་ནི་གཏན་པ་མ་བཏིང་བ་ཞེས་བྱའོ། །བཙུན་པ་བཏིང་བའི་གནས་སུ་དགེ་འདུན་བྱེ་ནས་དེ་དག་ལས་ཕྱོགས་གཅིག་པའམ་ཕྱོགས་གཉིས་པོས་ཀྱང་རུང་གཏན་པ་བྱུང་ན་གཏན་པ་ཕྱུང་བ་ཞེས་
D7a.013.0226a07.01