完整藏文原文 · 德格版页 当前仅加载第 13 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་ཕན་པའི་འདུ་ཤེས་དང་། རྐྱེན་གྱི་འདུ་ཤེས་ཉེ་བར་བཞག་སྟེ་བཅའ་བར་བྱའོ། །འདི་ནི་བཅའ་བའི་རབ་ཏུ་ལྡན་པ་ཞེས་བྱའོ། །མྱང་བའི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ལ་མྱང་བ་རྣམ་པ་ལྔ་རྣམས་གསུངས་པ་འདི་ལྟ་སྟེ། མར་དང་། འབྲུ་མར་
D7a.013.0266b01.01དང་། སྦྲང་རྩི་དང་། བུ་རམ་དང་། མར་སར་དང་། མྱང་བ་འདི་ལྔ་རྣམས་ནི་དགེ་སློང་རྣམས་ཀྱིས་ཤེས་བཞིན་དུ་སྒྲ་ཆུང་བ་དང་། བལྕག་སྒྲ་མེད་པས་ན་བའི་འདུ་ཤེས་དང་། སྨན་གྱི་འདུ་ཤེས་དང་། ཕྱིར་ཕན་པའི་འདུ་ཤེས་དང་། རྐྱེན་གྱི་འདུ་ཤེས་སུ་ཉེ་བར་བཞག་སྟེ་མྱང་བར་བྱའོ། །
D7a.013.0266b02.01འདི་ནི་མྱང་བའི་རབ་ཏུ་ལྡན་པ་ཞེས་བྱའོ། །བཟའ་བའི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ལ་བཟའ་བ་རྣམ་པ་ལྔ་གསུངས་པ་འདི་ལྟ་སྟེ། འབྲས་ཆན་དང་། ནས་ཆན་དང་། འབྲས་ཕྱེ་དང་། ཤ་དང་། ཁུར་བ་དང་། བཟའ་བ་འདི་ལྔ་སྟེ། དགེ་
D7a.013.0266b03.01སློང་རྣམས་ཀྱིས་ཤེས་བཞིན་དུ་སྒྲ་ཆུང་བ་དང་། བལྕག་སྒྲ་མེད་པར་ན་བའི་འདུ་ཤེས་དང་། སྨན་གྱི་འདུ་ཤེས་དང་། རྐྱེན་གྱི་འདུ་ཤེས་དང་། ཕྱིར་ཕན་པའི་འདུ་ཤེས་ཉེ་བར་བཞག་སྟེ་བཟའ་བར་བྱའོ། །འདི་ནི་བཟའ་བའི་རབ་ཏུ་ལྡན་པ་ཞེས་བྱའོ། །ལྷུང་བཟེད་ཀྱི་རབ་ཏུ་ལྡན་
D7a.013.0266b04.01པ་གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ལ་ལྷུང་བཟེད་རྣམ་པ་གཉིས་གསུངས་ཏེ། ལྕགས་ལས་བྱས་པ་དང་། ཁམ་པ་ལས་བྱས་པའོ། །ལྷུང་བཟེད་རྣམ་པ་བརྒྱད་ནི་མི་གནང་བ་སྟེ། གསེར་དང་། དངུལ་དང་། བཻ་ཌཱུརྱ་ལས་བྱས་པ་དང་། ཤེལ་ལས་
D7a.013.0266b05.01བྱས་པ་དང་། ཤིང་ལས་བྱས་པ་དང་། རྡོ་ལས་བྱས་པ་དང་། མཆིང་བུ་ལས་བྱས་པ་དང་། ཁར་བ་ལས་བྱས་པ་སྟེ། འདི་ནི་ལྷུང་བཟེད་ཀྱི་རབ་ཏུ་ལྡན་པ་ཞེས་བྱའོ། །གོས་ཀྱི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ལ་གོས་རྣམ་པ་བཅུ་གསུམ་
D7a.013.0266b06.01གསུངས་ཏེ། འདི་ལྟ་སྟེ། སྦྱར་མ་དང་། སྟོད་གཡོགས་དང་། མཐང་གོས་དང་། གདིང་བ་དང་། ཁྲུས་རས་དང་། གཡན་པ་གཡོགས་པ་དང་། སྟོད་ཆགས་དང་། སྟོད་ཆགས་ཀྱི་འཐེབ་དང་། སྨད་གཡོགས་དང་། སྨད་གཡོགས་ཀྱི་འཐེབ་དང་། ལུས་ཕྱི་བ་དང་།
D7a.013.0266b07.01