完整藏文原文 · 德格版页 当前仅加载第 13 函德格 59a 版页；藏文 NFD、目录标记与异常页序保留在来源切片中，重复版页行以稳定序号区分。
དེར་ཁྲོད་པ་གཉིས་སུ་བྱ། །རུང་བ་གཉིས་པ་བཟའ་བ་དང་། །བཅའ་བ་བུ་རམ་དེ་བཞིན་ནོ། །རྣམ་པ་ལྔས་ན་སྤངས་པ་ཞེས་བྱ་སྟེ། བཟའ་བར་མངོན་པ་དང་། བཟའ་བ་སྦྱིན་པར་མངོན་པ་དང་། བཟའ་བ་བྱིན་ལེན་བྱེད་པར་མངོན་པ་དང་།
D7a.013.0059a01.01བཟའ་བ་སྤོང་བར་མངོན་པ་དང་། སྟན་ལས་ལངས་པར་མངོན་པའོ། །ཇི་ལྟར་ན་བཟའ་བར་མངོན་པ་ཞེ་ན། བཟའ་བ་རྣམ་པ་ལྔ་དང་བཅའ་བ་རྣམ་པ་ལྔ་སླར་སྤོང་བར་བྱེད་པའོ། །ཇི་ལྟར་ན་བཟའ་བ་སྦྱིན་པ་མངོན་པ་ཞེ་ན། སྐྱེས་པ་དང་བུད་མེད་དང་མ་ནིང་དུ་མངོན་པའོ་
D7a.013.0059a02.01ཇི་ལྟར་ན་བཟའ་བ་བྱིན་ལེན་བྱེད་པ་མངོན་པ་ཞེ་ན། བཟའ་བ་ལྔ་དང་བཅའ་བ་ལྔ་འབྲིམ་པར་གྱུར་པའོ། །ཇི་ལྟར་ན་བཟའ་བ་སྤོང་བར་མངོན་པ་ཞེ་ན། བཟའ་བ་ལྔ་དང་བཅའ་བ་ལྔ་མི་འདོད་ཅེས་སྤངས་པ་ཡིན། ཇི་ལྟར་ན་སྟན་ལས་ལངས་པར་མངོན་པ་གང་ཞེ་ན། གང་
D7a.013.0059a03.01སྟན་ལས་ལངས་པའོ། །རྣམ་པ་ལྔས་ན་མ་སྤངས་པ་ཞེས་བྱ་སྟེ། དེ་ལྟ་བུ་ལས་སླར་བཟློག་པ་རྣམ་པ་ལྔར་བརྗོད་པར་བྱའོ། །གཞན་ཡང་རྣམ་པ་ལྔའི་ཕྱིར་མ་སྤངས་པ་ཞེས་བྱ་སྟེ། མི་རུང་བའི་བཟའ་བ་བཟའ་བ་དང་བཅའ་བ་བཅའ་བ་མི་རུང་བར་འདྲེས་པས་སྤོང་
D7a.013.0059a04.01བ་དང་། བཞག་པའམ་བཞག་པར་འདྲེས་པས་སྤོང་བ་དང་། མི་ཕན་པའམ་མི་ཕན་པར་འདྲེས་པས་སྤོང་བ་དང་། མི་འདོད་པའམ་མི་འདོད་པར་འདྲེས་པས་སྤོང་བ་དང་། མ་འགྲངས་པའམ་རྫོགས་པར་མ་གྱུར་པའོ། །རྣམ་པ་ལྔས་སྤངས་པ་ཞེས་བྱ་སྟེ། དེ་ལས་
D7a.013.0059a05.01སླར་བཟློག་པ་རྣམ་པ་ལྔར་བརྗོད་པར་བྱའོ། །གཞན་ཡང་རྣམ་པ་ལྔས་ལྷག་མ་དང་བཅས་པའི་ཚིག་གིས་སྤངས་པ་ནི་མ་སྤངས་པ་ཞེས་བྱ་སྟེ། རེ་ཞིག་ཆོག་གོ་ཞེས་ཟེར་བ་དང་། རེ་ཞིག་ཞོག་ཅིག་ཅེས་ཟེར་བ་དང་། རེ་ཞིག་བཟའོ་ཞེས་ཟེར་བ་དང་། རེ་ཞིག་མི་དགོས་
D7a.013.0059a06.01སོ་ཞེས་ཟེར་བ་དང་། རེ་ཞིག་འགྲངས་སམ་མ་འགྲངས་བལྟའོ་ཞེས་ཟེར་བ་འདི་ལྔ་ནི་མ་སྤངས་པ་ཞེས་བྱའོ། །རྣམ་པ་ལྔའི་ཕྱིར་སྤངས་པ་ཞེས་བྱ་སྟེ། ཆོག་གོ་ཞེས་ཟེར་བ་དང་། ཞོག་ཅིག་ཅེས་ཟེར་བ་དང་། ཟོས་ཟིན་ཏོ་ཞེས་ཟེར་བ་དང་། མི་དགོས་སོ་ཞེས་ཟེར་བ་
D7a.013.0059a07.01