完整藏文原文 · 德格版页 当前仅加载第 13 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་མངོན་སུམ་དུ་ཚོགས་པ་ལ་ཕུལ་བར་གྱུར་ཏེ། དགེ་སློང་གང་གནས་འདིར་ལོ་ཕྱི་མར་གནས། ཡང་ཕྱིར་གནས། གསུམ་ཕྱིར་གནས། དེ་བཞིན་དུ་ལོ་ཕྱི་མ་བཅུའི་བར་དུ་གནས་པ་དེ་དག་ལ་དབུལ་ལོ་ཞེ་ན། དེར་དབྱར་གྱི་ཟླ་བ་ཐ་མར་གྱུར་ལ་གཏན་པ་
D7a.013.0224b01.01བཏིང་བར་ཀྱང་གྱུར་ཏོ། །དེ་དབྱར་གྱི་ཟླ་བ་ཐ་མར་གྱུར་དུ་ཟིན་ཀྱང་གང་ལ་བྱིན་པ་དེ་དག་དབང་སྟེ། སྔ་མའི་ཟླ་བ་དང་པོ་དང་གཉིས་པོ་ནས་བཅུའི་བར་དུ་རྒྱས་པར་བརྗོད་དོ། །དགེ་སློང་དབྱར་གནས་གནས་པ་ལས་དགེ་འདུན་གྱི་དོན་ཅིག་ལ་མཚམས་ཀྱི་ཕྱི་རོལ་དུ་སོང་
D7a.013.0224b02.01ན་དེའི་དབྱར་གྱི་སྐལ་བ་དབང་བ་གང་ནས་སྩལ། གང་གི་དོན་གྱི་ཕྱིར་སོང་བ་དང་། གང་དུ་རིང་དུ་གནས་པར་གྱུར་པའོ། །དབྱར་ཞིག་པ་ལ་གོས་ཀྱི་སྐལ་བ་སྩལ་བར་བགྱིའམ། ཁ་ཅིག་ལ་ནི་སྦྱིན་པར་བྱའོ། །ཁ་ཅིག་ལ་ནི་མི་སྦྱིན་པར་བྱའོ། །གང་ལ་སྩལ་
D7a.013.0224b03.01བར་བགྱི། གང་ལ་སྔ་མ་དང་ཕྱི་མ་ཡོད་པ་དང་། གང་དུ་རིང་དུ་གནས་པར་གྱུར་པ་ལའོ། །གང་ལ་མི་སྩལ་བར་བགྱི། གང་ལ་སྔ་མ་ཡང་མེད་ལ་ཕྱི་མ་ཡང་མེད་པ་དང་། གང་རིང་དུ་མ་གནས་པར་གྱུར་པའོ། །མདོར་ན། ནད་པ་ཡི་ནི་དོན་ལ་སྟེ། །ནད་གཡོག་ཏུ་
D7a.013.0224b04.01ནི་གྱུར་པ་དང་། །རུང་བར་བྱས་དང་བསླབ་པ་བྱིན། །ནོར་རྣམས་རུང་བར་ཇི་ལྟར་བྱ། །དགེ་སློང་ནད་གཡོག་བགྱིད་པ་དེ་དོན་ཅིག་ལ་མཚམས་ཀྱི་སླད་རོལ་དུ་མཆིས་པ་དང་། དེ་མཚམས་ཀྱི་སླད་རོལ་དུ་མཆིས་པའི་འོག་ཏུ་ནད་པ་དུས་ལས་འདས་ན་ནད་གཡོག་ལ་གོས་རྣམས་
D7a.013.0224b05.01སྩལ་བར་བགྱིའམ་མི་སྩལ་བར་བགྱི། ཁ་ཅིག་ལ་ནི་སྦྱིན་པར་བྱའོ། །ཁ་ཅིག་ལ་ནི་མི་སྦྱིན་པར་བྱའོ། །གང་ལ་སྩལ་བར་བགྱི། གང་ནད་པའི་དོན་གྱི་ཕྱིར་བྲེལ་བར་གྱུར་པ་དེ་ལ་ནི་སྦྱིན་པར་བྱའོ། །གང་རང་གི་དོན་ཏམ་གཞན་གྱི་དོན་ལ་བྲེལ་བར་གྱུར་པ་དེ་ལ་ནི་མི་སྦྱིན་
D7a.013.0224b06.01ནོ། །ཁྱིམ་པ་ཞིག་ནད་པའི་གཡོག་བགྱིད་ན་གོས་སྩལ་བར་བགྱིའམ་མི་སྩལ་བར་བགྱི། གསུངས་པ། མི་སྦྱིན་ཏེ། དགེ་སློང་མ་དང་། དགེ་སློབ་མ་དང་། དགེ་ཚུལ་མ་ཡང་དེ་བཞིན་དུ་མི་སྦྱིན་ནོ། །དགེ་ཚུལ་ཕ་ཞིག་ནད་གཡོག་བགྱིད་ན་དེ་ལ་ནད་གཡོག་གི་
D7a.013.0224b07.01