完整藏文原文 · 德格版页 当前仅加载第 13 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་བྱ་བ་གང་ཞེ་ན། ཁང་པ་འཁོར་དུ་བཅས་པའི་དགེ་སློང་གནས་བརྟན་གྱི་བྱ་བ་ནི་དེས་འདི་ལྟ་བུ་ལ་འཇུག་པར་བྱའོ། །དེ་ན་དགེ་སློང་གསར་བུ་གང་འཁོད་པར་གྱུར་པ་དེ་དག་ཀུན་ཤེས་པར་བྱས་ནས། སྔ་མ་བཞིན་ཏེ། ཐམས་ཅད་དུ་ཡང་དགེ་སློང་གནས་བརྟན་ཐོག་མར་འཇུག་
D7a.013.0282b01.01པར་བྱ་བ་དང་། རྒྱུད་མི་གཏང་བར་བྱ་བའི་བར་དུ་སྟེ། འདི་ནི་ཁང་པའི་འཁོར་དང་བཅས་པའི་གནས་བརྟན་གྱི་བྱ་བ་ཞེས་བྱའོ། །ནགས་ཀྱི་བྱ་བ་གང་ཞེ་ན། ནགས་ཞེས་བྱ་བ་ནི་སྐྱེད་ཤིང་གི་ནགས་དེ་ན་དགེ་སློང་འཁོད་པ་རྣམས་ཀྱིས་བདག་ཅག་གནས་འདི་ན་འཁོད་ལ་འཚོ་བའི་
D7a.013.0282b02.01བར་ཆད་དུ་འགྱུར་བའམ། ཚངས་པར་སྤྱོད་པའི་བར་ཆད་དུ་འགྱུར་བ་ལྟ་ཡོད་དམ་མེད་ཅེས་རྒྱང་གྲགས་གཅིག་ཚུན་ཆད་འཁོར་ཡུག་ཏུ་བརྟག་པར་བྱའོ། །དེ་སྟེ་ཡོད་པར་མཐོང་ན་རིང་དུ་དོར་བར་བྱའོ། །དེ་སྟེ་མེད་པར་མཐོང་ལ་དགོས་པར་གྱུར་དང་རྒྱང་གྲགས་གཅིག་ཚུན་
D7a.013.0282b03.01ཆད་དུ་སྡོམ་པ་བསྐོ་བར་བྱ། རུང་བའི་ས་ཡང་བསྐོ་བར་བྱ། གསོ་སྦྱིན་གྱི་གནས་ཀྱང་བསྐོ་བར་བྱ། དེ་ན་ཕན་ཚུན་ཁ་ཟས་ཀྱི་ལོངས་སྤྱོད་དང་། ཆོས་ཀྱི་ལོངས་སྤྱོད་ཀྱིས་སྤྲོ་བ་བསྐྱེད་པར་བྱ། དེ་ན་འཐབ་པ་མི་འབྱུང་བ་དང་། མཚང་འདྲུ་བ་མི་འབྱུང་བ་དང་། ཁོན་པ་མི་
D7a.013.0282b04.01འབྱུང་བ་དང་། རྩོད་པ་མི་འབྱུང་བར་བྱ་བ་དེ་ནི་ནགས་ཀྱི་བྱ་བ་ཞེས་བྱའོ། །མལ་སྟན་གྱི་བྱ་བ་གང་ཞེ་ན། དགེ་སློང་རྣམས་ཀྱིས་མལ་སྟན་དུས་དུས་སུ་བརྟག་པར་བྱ། བསྐམ་པར་བྱ། སྤྲུག་པར་བྱ། བགྲང་བར་བྱ། སྦ་བར་བྱ། དེ་སྟེ་དྲི་མ་ཅན་དུ་གྱུར་ན་བཀྲུ་བར་བྱ།
D7a.013.0282b05.01རྡོལ་ཏམ་ཟད་པའི་ཆོས་སུ་གྱུར་ན་ཅི་ནུས་སུ་བཙེམ་ཞིང་གླན་པར་བྱ། འཚེམ་ཞིང་གློན་དུ་གཞུག་པར་བྱ། དགེ་སློང་གིས་ཕྱོགས་བཞིའི་དགེ་འདུན་གྱི་གོས་བགོས་ནས་བཤང་བའི་སར་འགྲོ་བར་མི་བྱ། གཅི་བའི་སར་མི་འགྲོ། དུགས་ཁང་དུ་མ་ཡིན། རྐང་པ་བཀྲུ་བའི་སར་
D7a.013.0282b06.01མ་ཡིན། ཚང་མང་དུ་མ་ཡིན། ཆར་འབབ་པ་ལ་གྱོན་ཏེ་འདུག་པར་མི་བྱ། ཉི་མ་ཚ་བ་ལ་མ་ཡིན་བསྲོ་ཁང་དུ་གཞག་པར་མི་བྱ། ཅི་ནས་གནོད་པར་འགྱུར་བའི་ས་ཐམས་ཅད་དུ་ཕྱོགས་བཞིའི་དགེ་འདུན་གྱི་གོས་དང་འཇུག་པར་མི་བྱ། བགོ་བར་མི་བྱ། གཞག་པར་མི་བྱ། དགེ་སློང་
D7a.013.0282b07.01