完整藏文原文 · 德格版页 当前仅加载第 13 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་རྟེན་ལ་རིམ་གྲོར་བྱ་བའི་ཕྱིར་སྤེལ་བར་བྱ་སྟེ། གང་དེའི་རྙེད་པ་སྐྱེས་ནས་དེས་མཆོད་རྟེན་ལ་མཆོད་པར་བྱ། གང་དེ་ལས་ཀྱང་ལྷག་ན་དེས་མཆོད་རྟེན་ལ་ཡོན་དུ་དབུལ་བར་བྱ་སྟེ། འདི་ནི་མཆོད་རྟེན་གྱི་མི་ཟད་པའི་རབ་ཏུ་ལྡན་པ་ཞེས་བྱའོ། །མཆོད་རྟེན་སླར་བཅོས་པའི་
D7a.013.0265b01.01རབ་ཏུ་ལྡན་པ་གང་ཞེ་ན། འཇིམ་པའི་གོང་བུའམ། རྡོ་ཐལ་གྱི་གོང་བུའམ། ས་མར་གྱི་གོང་བུས་མཆོད་རྟེན་སླར་བཅོས་པར་བྱ་སྟེ། འདི་ནི་མཆོད་རྟེན་སླར་བཅོས་པའི་རབ་ཏུ་ལྡན་པ་ཞེས་བྱའོ། །མཆོད་རྟེན་གྱི་རྒྱན་གྱི་རབ་ཏུ་ལྡན་པ་གང་ཞེ་ན། མཆོད་རྟེན་
D7a.013.0265b02.01བརྒྱན་པར་བྱ། གདུགས་དང་། རྒྱལ་མཚན་དང་། བ་དན་ལ་སོགས་པ་དཔྱང་བ་རྣམས་དང་། དྲིལ་བུ་དང་། འཁོར་ལོ་དང་། གཡུང་དྲུང་རིས་དང་། དཔལ་གྱི་གྲུ་གུ་རིས་དང་། དགའ་བ་ཅན་གྱིས་བསྐོར་བ་དང་། ཕྲེང་བ་དང་། སེ་མོ་དོ་དང་། མུ་ཏིག་གི་
D7a.013.0265b03.01ཕྲེང་བ་དང་། དར་དང་། སེང་དར་དང་། ཀོ་ཤོན་དང་། རས་བལ་དང་། སྲིན་བལ་དང་། གསེར་དང་། དངུལ་དང་། བཻ་ཌཱུརྱ་དང་། ཤེལ་དང་། དུང་དང་། མན་ཤེལ་དང་། བྱི་རུ་དང་། དངུལ་དང་། ས་ལེ་སྦྲམ་དང་། ཨསྨ་གར་བ་དང་། མུ་སར་གལྦ་དང་།
D7a.013.0265b04.01མུ་ཏིག་དམར་པོ་དང་། གཡས་སུ་འཁྱིལ་བས་བསྐོར་པ་ཞེས་བྱ་བ་ལ་སོགས་ཏེ། གང་གཞན་ཡང་འཇིག་རྟེན་ན་རྒྱན་དུ་བྱ་བའི་རབ་ཏུ་སྦྱོར་བ་ཐམས་ཅད་ཀྱིས་མཆོད་རྟེན་ལ་བརྒྱན་པར་བྱ་སྟེ། འདི་ནི་མཆོད་རྟེན་གྱི་རྒྱན་གྱི་རབ་ཏུ་ལྡན་པ་ཞེས་བྱའོ། །མཆོད་རྟེན་ལ་
D7a.013.0265b05.01མཆོད་པའི་རབ་ཏུ་ལྡན་པ་གང་ཞེ་ན། མཆོད་རྟེན་ལ་མཆོད་པར་བྱ་བ་ནི་ཕྲེང་བ་དང་། དྲི་དང་། བྱུག་པ་དང་། བདུག་པ་དང་། མེ་ཏོག་དང་། གུར་གུམ་གྱི་ཆག་ཆག་དང་། ལྡོང་རོས་དང་། ཡུངས་མར་གྱི་བྱུག་པ་དང་། མེ་ཏོག་གི་ཕྲེང་བ་དང་། མེ་མར་གྱི་ཕྲེང་བ་དང་།
D7a.013.0265b06.01དྲིའི་ཕྲེང་བ་དང་། ཨ་རུ་རའི་ཕྱེ་མ་དང་། ཨ་ག་རུའི་ཕྱེ་མ་དང་། ཙན་དན་གྱི་ཕྱེ་མ་དང་། ཀ་ལ་ནུ་ས་རི་དང་། གསེར་གྱི་མེ་ཏོག་དང་། དངུལ་གྱི་མེ་ཏོག་དང་། རིན་པོ་ཆེའི་མེ་ཏོག་དང་། རོལ་མོ་ལ་སོགས་པ་དང་། གང་ཡང་གཞན་ཡང་འཇིག་རྟེན་པའི་མཆོད་པའི་ཡོ་
D7a.013.0265b07.01