完整藏文原文 · 德格版页 当前仅加载第 13 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་མ་བཅུག་ན་གསུམ་དེ་ལ་ཕོབ་ཤིག །གཉིས་བཅུག་ལ་གསུམ་མ་བཅུག་ན་སུམ་ཆ་དེ་ལ་ཕོབ་ཤིག །གཅིག་མ་བཅུག་ལ་བཞི་བཅུག་ན་བཞི་ཆ་དེ་ལ་ཕོབ་ཤིག །དེ་སྟེ་ཐམས་ཅད་མ་བཅུག་ན་ཇི་ཙམ་སྟོར་བ་དེ་ཐམས་ཅད་དེ་ལ་ཕོབ་ཤིག །དེ་སྟེ་བསྡམ་
D7a.013.0201a01.01པ་རྣམ་པ་ལྔས་བསྡམས་ན་སྟོར་བ་ནི་སྟོར་དུ་ཟད་དོ། །གཙུག་ལག་ཁང་ན་གཙུག་ལག་ཁང་སྐྱོང་ལ་སྐྱིན་པ་མ་དབབ་ཤིག །གླེང་གཞི་ནི་མཉན་དུ་ཡོད་པ་ན་སྟེ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་དག་
D7a.013.0201a02.01གི་ཆོས་གོས་ཁྲུ་ཚད་དུ་གྱིས་ཤིག་ཅེས་བཀའ་སྩལ་ན། བཙུན་པ་ཁྲུ་ཐུང་ལ་ལུས་རིང་ན་དེ་ཡང་ཆོས་གོས་ཁྲུ་ཚད་དུ་བགྱིའམ། ཨུ་པཱ་ལི་དེ་ནི་ལུས་ཀྱི་ཚད་དུ་གྱིས་ཤིག །གང་ལུས་ཐུང་ལ་ཁྲུ་རིང་ན་ཇི་དེ་ཡང་ལུས་ཀྱི་ཚད་དུ་བགྱིའམ། བཅོམ་ལྡན་འདས་ཀྱིས་བཀའ་སྩལ་པ། ཨུ་
D7a.013.0201a03.01པཱ་ལི་ལུས་ཐུང་ལ་ཁྲུ་རིང་ན་དེ་ཡང་ལུས་ཀྱི་ཚད་དུ་གྱིས་ཤིག །ལུས་ཀྱང་ཆེ་ལ་ཁྲུ་ཡང་རིང་ན་ཁྲུ་ཚད་དུ་གྱིས་ཤིག །གཞན་དུ་ན་འདས་པ་དང་བཅས་པ་སྟེ། ཇི་ལྟར་བཅས་པ་ལས་ལྷག་པ་ཞིག་རྙེད་ན་ཡང་། དེ་ལ་ནི་བྱིན་གྱིས་མི་བརླབ་མོད་ཀྱི་འོན་ཀྱང་རུང་ལ་བྱིན་གྱིས་བརླབས་ཏེ་རུང་
D7a.013.0201a04.01བར་བྱས་ན། སློབ་དཔོན་ནམ། མཁན་པོའམ། མཛའ་བོའི་ཡིན་པར་སྔོས་ལ་སྤྱོད་ཅིག །རྐྱང་པའི་སྒོ་བཞི་པའི་མདོའི་ཚིགས་སུ་བཅད་པ་དགུ་པའོ།། །།མདོར་ན། ཤམ་ཐབས་རྗེས་སུ་གནང་བ་དང་། །ཤམ་ཐབས་འཐེབ་ཀྱང་དེ་བཞིན་ཏེ། །སྟོད་ཆགས་མཆོད་པ་
D7a.013.0201a05.01བྱ་བ་དང་། །བྱིན་ལེན་མ་བྱས་དེ་བཞིན་ཏེ། །རྔུལ་དང་རྐྱང་པ་བསྟན་པ་བརྗོད། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་པ་ལ་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་དཔྱིད་ཀྱི་དུས་ལ་བབ་པས་ཤམ་ཐབས་རྣམས་རྡུལ་གྱིས་དྲི་
D7a.013.0201a06.01མ་མི་ཞིམ་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཤམ་ཐབས་ཀྱི་འཐེབ་ཆོངས་ཤིག །སྦྱར་མ་ཡང་རྡུལ་ཏེ་དྲི་མི་ཞིམ་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སྟོད་ཆགས་ཆོངས་ཤིག །དེ་ཡང་དེ་བཞིན་དུ་དྲི་མི་ཞིམ་པར་གྱུར་ནས།
D7a.013.0201a07.01