完整藏文原文 · 德格版页 当前仅加载第 13 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
ཁང་དག་གི་མཚན་མ་གཟུང་བར་བྱ། ཁྱིམ་གྱི་སྒོར་སོང་ནས་ཁར་གསིལ་དཀྲོགས་ཏེ་དལ་ནས་བགས་ཀྱིས་སྒོ་ལ་གཏུགས་པར་བྱ། དེ་སྟེ་བུད་མེད་གཉིད་ལོག་ན་སེ་གོལ་གཏོགས་ལ་སད་པར་བྱ་སྟེ། རྡུང་བ་ཞིག་ལ་ཞུགས་ན་གཏུན་བུ་ཐབས་གཉིས་གསུམ་རྡུང་བའི་བར་
D7a.013.0287b01.01དུ་བསྡད་པར་བྱ། འོན་ཏེ་སྲེག་པ་ཞིག་ལ་ཞུགས་ན་ཁུར་བ་གཅིག་བསྲེགས་ཀྱི་བར་དུ་བསྡད་པར་བྱ། དེ་སྟེ་འཐག་པ་ཞིག་ཏུ་གྱུར་ན། ལན་གཉིས་གསུམ་བསྐོར་གྱི་བར་དུ་བསྡད་པར་བྱ། དྲན་པ་ཉེ་བར་གཞག་པར་བྱ། སེམས་མི་གཡེལ་བར་བསོད་སྙོམས་
D7a.013.0287b02.01བླང་བར་བྱ། ཇི་ཙམ་ཆོག་པ་དེ་ཙམ་བླང་བར་བྱ། དེ་སྟེ་དགེ་སློང་བསོད་སྙོམས་སྤྱོད་པས་འདོད་ན་དགེ་འདུན་གྱི་ནང་དུ་བཟའ་བར་བྱ། མགྲོན་དུ་བོས་ན་ཡང་བདག་གིར་བྱས་ཏེ། བསོད་སྙོམས་སྤྱོད་པའི་བྱ་བ་ནི་དེས་གཏང་བར་བྱ་སྟེ། འདི་ནི་བསོད་སྙོམས་སྤྱོད་
D7a.013.0287b03.01པའི་བྱ་བ་ཞེས་བྱའོ། །ཟས་ནོད་པའི་བྱ་བ་གང་ཞེ་ན། ཟས་ནོད་པའི་དགེ་སློང་གིས་དུས་དང་ཚོད་རིག་པར་བྱོས་ལ་བསོད་སྙོམས་ལོང་ཤིག །ཤེས་པར་བྱ། དྲན་པ་མངོན་པར་གཞག་པར་བྱ། སེམས་མི་གཡེལ་བར་བྱ། མི་རྙོགས་པར་བྱ། མི་འདྲེས་པར་བྱ།
D7a.013.0287b04.01ཅི་ནས་ཀྱང་མཛེས་ཤིང་དབེན་པར་བྱ། ཅི་ནས་ཀྱང་དེ་ལ་མི་གཙང་བ་འབགས་པ་དང་། རིངས་ཤིང་བརྟུན་པའི་ཚུལ་དུ་མི་བྱ། གཙང་ཞིང་མཛེས་པར་བྱ། རིངས་ཤིང་འདུན་པ་ལྟར་འོང་བར་བྱ། སྐབས་སུ་མ་བབ་པའི་དོན་གཞན་མི་གཉེར། གཙུག་ལག་ཁང་དུ་སོང་
D7a.013.0287b05.01ནས་དགེ་སློང་དེ་ལ་བཞིན་གྱི་མདངས་བཟང་བ་དང་། ཁྲོ་གཉེར་མེད་པ་དང་། ཚིག་སྙན་པ་དང་། མགུ་བར་བྱོས་ལ་ཟན་ལོང་ཤིག །འདི་ནི་ཟས་ནོད་པའི་བྱ་བ་ཞེས་བྱའོ། །དགོན་པའི་བྱ་བ་གང་ཞེ་ན། དགོན་པའི་དགེ་སློང་གིས་མདངས་བཟང་བར་བྱ། ཁྲོ་གཉེར་མེད་
D7a.013.0287b06.01པར་བྱ། དྲན་པ་མངོན་པར་གཞག །ཐོག་མར་སྙན་ཚིག་བྱ། ཚུར་ཤོག་བདེ་བར་འོངས་སམ་ཞེས་ཚིག་སྙན་པས་བསུ། ཁྱེད་ཅག་ལེགས་པར་གནས་སམ། ལེགས་པར་སྤྱད་དམ། ལེགས་པར་བྱ་བ་བྱས་སམ། ཞེས་ཐོག་མར་དྲིས་ཤིག །དགོན་པའི་དགེ་སློང་
D7a.013.0287b07.01