完整藏文原文 · 德格版页 当前仅加载第 13 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱིས་ཆུ་ལེགས་པར་གཟོས་ཏེ་ཞོག་ཤིག །ཆུ་སྣོད་ཀྱང་ཞོག་ཤིག །ཁ་ཟས་ཀྱང་གཟོས་ལ་ཞོག་ཤིག །ཟས་ཀྱི་སྣོད་ཀྱང་ཞོག་ཤིག །མེ་ཡང་གཟོས་ཏེ་ཞོག་ཤིག །ཞུགས་ལིང་ཡང་གཟོས་ཏེ་ཞོག་ཤིག །མར་མེ་དག་ཀྱང་གཟོས་ཏེ་
D7a.013.0288a01.01ཞོག་ཤིག །མེ་མར་གྱི་སྣོད་ཀྱང་གཟོས་ཏེ་ཞོག་ཤིག །མེ་མར་གྱི་སྙིང་པོ་ཡང་གཟོས་ཏེ་ཞོག་ཤིག །མར་དང་། འབྲུ་མར་དང་། སྦྲང་རྩི་དང་། སྣད་པའི་བཅིང་བ་ཡང་ཤོམས་ཏེ་ཞོག་ཤིག །ཀོ་བའི་དུམ་བུ་ཡང་ཤོམས་ཏེ་ཞོག་ཤིག །རྒྱུས་པ་དང་། འབྲེང་
D7a.013.0288a02.01བུ་དང་། སྨྱུང་བུ་ཡང་ཤོམས་ཏེ་ཞོག་ཤིག །ཁབ་དང་། གྲི་དང་། སྐུད་པ་དང་། ཟས་རྣམས་ཀྱང་ཤོམས་ཏེ་ཞོག་ཤིག །སྨན་རྣམས་ཀྱང་ཆོངས་ཤིག །བརྟན་པའི་ཁར་བ་ཡང་ཆོངས་ཤིག །དགོན་པའི་དགེ་སློང་རྣམས་ཀྱིས་མེ་ཤེལ་དང་། ཆུ་ཤེལ་
D7a.013.0288a03.01གཞན་ལ་མ་བསྟན་ཅིག །དགོན་པའི་དགེ་སློང་གིས་ཁྲོན་པ་རྒྱུས་ཤེས་པར་གྱིས་ཤིག །ཉེ་སྤྱོད་ལ་མཁས་པ་དང་། མཚན་མོ་ལ་མཁས་པ་དང་། ཡུལ་ཕྱོགས་ལ་མཁས་པ་དང་། དགོན་པའི་དགེ་སློང་གིས་མདོ་སྡེ་ལ་མཁས་པར་བྱ། འདུལ་བ་ལ་མཁས་པར་
D7a.013.0288a04.01བྱ། མ་ལྟ་བུ་ལ་མཁས་པར་བྱ། སྨྲ་བ་ལ་མཁས་པ་དང་། ཆོས་སྟོན་པ་ལ་མཁས་པ་དང་། ཕུང་པོ་ལ་མཁས་པ་དང་། ཁམས་ལ་མཁས་པ་དང་། སྐྱེ་མཆེད་ལ་མཁས་པ་དང་། རྟེན་ཅིང་འབྲེལ་བར་འབྱུང་བ་ལ་མཁས་པ་དང་། གནས་དང་གནས་མ་ཡིན་པ་ལ་
D7a.013.0288a05.01མཁས་པར་བྱ། དགོན་པའི་དགེ་སློང་རྣམས་ཀྱིས་ཆོས་ཤེས་པར་བྱ། དོན་ཤེས་པར་བྱ། དུས་ཤེས་པ་དང་། ཚོད་ཤེས་པ་དང་། བདག་ཉིད་ཤེས་པ་དང་། འཁོར་ཤེས་པ་དང་། གང་ཟག་ཤེས་པ་དང་། གང་ཟག་གི་ཁྱད་པར་ཤེས་པར་བྱ། དགོན་པའི་དགེ་སློང་
D7a.013.0288a06.01རྣམས་ཀྱིས་དྲེགས་པ་མི་བསྐྱེད། གཅམ་བུར་མི་བྱ། བཀུར་སྟིར་བཅས། དབང་གཞན་ལ་རག་ལས་པར་བཅས། ཁ་མི་རྒོད། ཚིག་བརྟན་པར་བྱ། ངོ་ཚ་དང་ཁྲེལ་ཡོད་པར་བྱ། གཏམ་མི་མང་བ་དང་། ཐབ་མེར་འགྱུར་བའི་རྣམས་མི་སྨྲ། བརྩོན་འགྲུས་སུ་བྱ། ལེ་ལོར་
D7a.013.0288a07.01