完整藏文原文 · 德格版页 当前仅加载第 13 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
བཏང་ངོ་། །དེས་སྨྲས་པ། འོ་ན་བདག་ཀྱང་དད་པར་གྱུར་ན་ནང་དུ་གཏོང་ངམ་ཞེས་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དེ་སྟེ་དད་པར་གྱུར་ན་ནང་དུ་ཐོང་ཤིག་ཅེས་བཀའ་སྩལ་པ་དང་། དགེ་སློང་
D7a.013.0102b01.01དག་གིས་དེ་སྐྱབས་གསུམ་དུ་བཏང་ནས་ནང་དུ་བཏང་ངོ་། །དེས་ཡང་དགེ་སློང་དག་རྐང་པ་ལ་རེག་ནས་ཁ་དང་མགོ་ལ་རེག་ཅིང་གོས་ངན་པས་སྨད་གཡོགས་ནས་སྒྲེན་མོར་འདུག་པ་མཐོང་བ་དང་། དེ་མ་དད་དེ་འཕྱ་བ་ལ་ཞུགས་སོ། །དགེ་སྦྱོང་ཤཱཀྱའི་བུ་ནི་མི་གཙང་
D7a.013.0102b02.01བ་སྟེ། རྐང་པ་ལ་རེག་པ་ཁ་དང་མགོ་བོ་ལ་རེག་ཅིང་གོས་ངན་པས་སྨད་གཡོགས་ནས་སྒྲེན་མོར་འདུག་གོ་ཞེས་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རབ་ཏུ་
D7a.013.0102b03.01དད་པ་དག་ནི་དུགས་ཁང་གི་ནང་དུ་ཐོང་ཤིག །དད་པ་ཆུང་བ་ནི་མ་གཏང་ཤིག། །།འདུལ་བ་གཞུང་དམ་པ། བམ་པོ་སུམ་བཅུ་རྩ་བཞི་པ། གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་ཁྱིམ་བདག་གཞན་ཞིག་གིས་སངས་རྒྱས་ལ་སོགས་པ་དགེ་སློང་
D7a.013.0102b04.01གི་དགེ་འདུན་དག་དུགས་ཁང་དུ་སྤྱན་དྲངས་ཏེ། དགེ་སློང་དག་ནང་དུ་ཞུགས་པ་དང་། དེ་ན་དགྲ་བཅོམ་པའི་དགེ་སློང་ཞིག་གིས་ཚུལ་ཁྲིམས་ཉམས་པའི་དགེ་སློང་ཞིག་ལ་ལས་བྱེད་ཅིང་འདུག་པ་དང་། བཅོམ་ལྡན་འདས་ཀྱང་ནང་དུ་གཤེགས་ནས་དེས་ལས་བྱེད་པ་
D7a.013.0102b05.01གཟིགས་ནས། བཅོམ་ལྡན་འདས་ཀྱིས་དགེ་སློང་དག་ལ་བཀའ་སྩལ་པ། དགེ་སློང་ཁྱེད་ཅག་གིས་དགེ་སློང་འདི་ལ་དགེ་སློང་འདིས་ལས་བྱེད་པ་མཐོང་ངམ། བཙུན་པ་མཐོང་ངོ་ཞེས་གསོལ་པ་དང་། དགེ་སློང་ལས་བྱེད་པ་འདི་ནི་དགྲ་བཅོམ་པ་ཟག་པ་ཟད་པའོ། །
D7a.013.0102b06.01གང་ལ་ལས་བྱ་བ་འདི་ནི་ཚུལ་ཁྲིམས་ཉམས་པ་སྡིག་པའི་ཆོས་ཅན། ཁོང་རུལ་བ། ཟགས་པ། གསོག་ཏུ་གྱུར་པ། དུང་དགྲ་ལྟ་བུར་སྤྱོད་པ། དགེ་སྦྱོང་མ་ཡིན་པ་དགེ་སྦྱོང་དུ་ཡི་དམ་འཛིན་པ། ཚངས་པར་སྤྱོད་པ་མ་ཡིན་པ་ཚངས་པར་སྤྱོད་པར་ཡི་དམ་འཛིན་
D7a.013.0102b07.01