完整藏文原文 · 德格版页 当前仅加载第 13 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱིན་པར་བྱེད་པ་ལས་སོ། །མ་བཤགས་པ་ནི་དངོས་པོའོ། །གཏན་པ་ནི་གང་ལགས། གཏན་པ་གདིང་བ་ནི་གང་ལགས། གཏན་པ་དབྱུང་བ་ནི་གང་ལགས། གསུངས་པ། ཨུ་པཱ་ལི་གོས་དེའི་མིང་ནི་གཏན་པ་ཞེས་བྱའོ། །དེར་སེམས་
D7a.013.0216a01.01བསྐྱེད་པ་ནི་གཏན་པ་བཏིང་བའོ། །རྣམ་པ་བརྒྱད་དུ་བསམས་པ་ནི་གཏན་པ་ཕྱུང་བའོ། །དགེ་སློང་མ་ལགས་པར་ནོངས་པ་བྱུང་ལ་དགེ་སློང་དུ་གྱུར་ན་ཚངས་པར་འགྱུར་བ་མཆིས་སམ། དགེ་སློང་གི་ཚེ་ནོངས་པ་བྱུང་ལ་དགེ་སློང་མར་གྱུར་ན་ཚངས་པར་འགྱུར་བ་མཆིས་སམ། བཅོམ་
D7a.013.0216a02.01ལྡན་འདས་ཀྱིས་བཀའ་སྩལ་པ། ཡོད་དེ། ཇི་ལྟར་དགེ་སློང་མ་ཡིན་པ་ན་ཉེས་པ་བྱུང་ལ་དགེ་སློང་དུ་གྱུར་ན་ཚངས་པར་འགྱུར་ཞེ་ན། དེ་འདི་ལྟར་དགེ་སློང་མའི་ཚེ་ཐུན་མོང་མ་ཡིན་པའི་དགེ་འདུན་གྱི་ལྷག་མའི་ཉེས་པ་བྱུང་བ་ལས་དེ་མཚན་འཕོས་ཏེ་མཚན་འཕོས་ནས་དགེ་སློང་ཕའི་ནང་
D7a.013.0216a03.01དུ་འོངས་ན་ཉེས་པ་ཚངས་པ་ཞེས་བྱའོ། །ཇི་ལྟར་ན་དགེ་སློང་གི་ཚེ་ནོངས་པ་བྱུང་ལ་དགེ་སློང་མ་ལགས་པའི་ཚེ་ཚངས་པ་ཞེས་བགྱི། དེ་འདི་ལྟར་དགེ་སློང་གི་ཚེ་མི་འདྲ་བ་དགེ་འདུན་གྱི་ལྷག་མའི་ཉེས་པ་བྱུང་བ་ལས་དེ་མཚན་འཕོས་ཏེ་མཚན་འཕོས་ནས་དགེ་སློང་མར་གྱུར་ན་དེ་ཉེས་པ་
D7a.013.0216a04.01ཚངས་པ་ཞེས་བྱའོ། །མ་འཚལ་བཞིན་དུ་ནོངས་པ་བྱུང་ལ་འཚལ་བཞིན་དུ་ཚངས་པར་འགྱུར་བ་མཆིས་སམ། འཚལ་བཞིན་དུ་ནོངས་པ་བྱུང་ལ་མ་འཚལ་བཞིན་དུ་ཚངས་པར་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་ཇི་ལྟར་མི་ཤེས་བཞིན་
D7a.013.0216a05.01དུ་ཉེས་པ་བྱུང་ལ་ཤེས་བཞིན་ཚངས་པར་འགྱུར་ཞེ་ན། དེ་འདི་ལྟར་དགེ་སློང་གཉིད་ལོག་པ་ལས་བཏེག་སྟེ་མལ་སྟན་ཆེན་པོ་མཐོན་པོ་སྟེང་དུ་བཞག་པའོ། །ཡང་ན་གཉིད་ཀྱིས་ལོག་པ་ལས་བུད་མེད་ཀྱི་མལ་དུ་བཞག་པའོ། །བསྙེན་པར་མ་རྫོགས་པ་ཕྱིར་ཕྱུང་སྟེ་ཉལ་བ་དང་། དེའི་
D7a.013.0216a06.01འོག་ཏུ་བསྙེན་པར་མ་རྫོགས་པ་དེ་སླར་འོངས་ཏེ་འདུག་ནས་བདག་སད་ནས་ཉེས་པ་དེ་ཉིད་ཇི་ལྟར་ཆོས་བཞིན་སླར་བྱེད་པ་དེ་ནི་མི་ཤེས་བཞིན་དུ་ཉེས་པ་བྱུང་སྟེ་ཤེས་ནས་ཚངས་པར་གྱུར་པའོ། །ཤེས་བཞིན་ཉེས་པ་བྱུང་ལ་མི་ཤེས་བཞིན་ཚངས་པར་འགྱུར་བ་གང་ཞེ་ན། དེ་འདི་ལྟར་དགེ་
D7a.013.0216a07.01