完整藏文原文 · 德格版页 当前仅加载第 13 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
གཅོད་པ་བརྒྱད་ཀྱི་ནང་ནས་གང་ཡང་རུང་བ་བྱུང་བ་སྟེ། དགེ་སློང་བཏིང་བའི་གནས་ནས་དམིགས་བཞིན་དུ་བྱུང་སྟེ་སོང་ན་ཡང་གཏན་པ་མ་ཕྱུང་བ་ཞེས་བྱ་སྟེ། དེ་ལྟར་ན་གཏན་པ་མ་ཕྱུང་བ་ཞེས་བྱའོ། །ལྕི་བའི་ཡོ་བྱད་གང་ཞེ་ན། གང་བགོ་བར་མི་རིགས་པའོ། །
D7a.013.0249a01.01ཡང་བའི་ཡོ་བྱད་གང་ཞེ་ན། གང་བགོ་བར་རིགས་པའོ། །བགོ་བར་རིགས་པའི་ཡོ་བྱད་གང་ཞེ་ན། གང་དགེ་སློང་ཤི་བའི་རྫས་རྣམས་བགོ་བར་བྱ་སྟེ། དེ་ཡང་གང་ཞེ་ན། གང་ཤི་བའི་ཆོས་གོས་མ་གཏོགས་པར་གང་དེ་ལས་གཞན་པ་ཡང་བའི་ཡོ་བྱད་རྣམས་ཏེ། འདི་ནི་བགོ་བར་
D7a.013.0249a02.01རིགས་པའི་ཡོ་བྱད་ཅེས་བྱའོ། །བགོ་བར་མི་རིགས་པའི་ཡོ་བྱད་གང་ཞེ་ན། གང་དགེ་སློང་ཤི་བའི་རྫས་མི་བགོ་བར་བྱ་བ་རྣམས་ཏེ། དེ་ཡང་གང་ཞེ་ན། ཤི་བའི་ཆོས་གོས་མ་གཏོགས་པར་གང་དེ་ལས་གཞན་པའི་ལྕི་བ་རྣམས་ཏེ། འདི་ནི་བགོ་བར་མི་རིགས་པའི་ཡོ་བྱད་ཅེས་
D7a.013.0249a03.01བྱའོ། །དེ་ལས་ཆོས་གོས་ཀྱི་སྨོད་པས་ལྕི་བའི་ཡོ་བྱད་དུ་གཞག་པ་ནི་ནད་གཡོག་གི་ཆོས་གོས་ཏེ། གང་དེ་ལས་གཞན་པའི་ཡོ་བྱད་ཡང་བ་ལྕགས་ལས་བྱས་པའི་སྣོད་ལྷུང་བཟེད་དང་། ལྷུང་བཟེད་ཆུང་ངུ་དང་། ལྷུང་བཟེད་མ་ཡིན་པ་རྣམས་ཀྱང་བགོ་བར་རིགས་པའི་ཡོ་བྱད་དོ། །ཁར་
D7a.013.0249a04.01བ་ལས་བྱས་པ་དང་། ཆོལ་ཟངས་དང་། ལྡེ་མིག་དང་། གྲི་ཁབ་དང་། སེན་མོ་གཅད་པ་དང་། ནལ་ཟེ་དང་། ཞུགས་ལིང་དང་། སྟ་རེ་དང་། ཐལ་ཕྱགས་དང་། ཆུ་ཚགས་དང་འདི་རྣམས་ནི་བགོ་བར་རིགས་པའི་ཡོ་བྱད་དོ། །གང་ཡང་དེ་བས་ཡང་བའི་ཡོ་བྱད་དེ་དག་
D7a.013.0249a05.01ཀྱང་བགོ་བར་རིགས་པའོ། །གང་ཡང་དེ་ལས་གཞན་པའི་ལྕི་བའི་ཡོ་བྱད་དེ་དག་ནི་བགོ་བར་མི་རིགས་པ་སྟེ། དེ་ཐམས་ཅད་ཕྱོགས་བཞིའི་དགེ་འདུན་གྱི་ཕྱིར་གཞག་པར་བྱའོ། །ཤིང་གི་སྣོད་རྣམས་ལས་ཡང་མིག་དང་། ཆོས་ཀྱི་ཆུ་ཚགས་དང་། ཕོར་བུ་ཆེན་པོ་དང་།
D7a.013.0249a06.01ཁམ་པའི་ཕོར་བུ་དང་། འདི་རྣམས་ཀྱང་བགོ་བར་རིགས་པའི་ཡོ་བྱད་དོ། །གང་དེ་ལས་གཞན་པའི་ཡོ་བྱད་ཡང་བ་རྣམས་དེ་དག་ཀྱང་བགོ་བར་རིགས་པའོ། །གང་དེ་ལས་གཞན་པའི་ཡོ་བྱད་ལྕི་བ་རྣམས་དེ་དག་ནི་བགོ་བར་མི་རིགས་པ་སྟེ། ཐམས་ཅད་ཕྱོགས་བཞིའི་དགེ་འདུན་
D7a.013.0249a07.01