完整藏文原文 · 德格版页 当前仅加载第 13 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། ལྔ་གང་ཞེ་ན། ཕྲོགས་པ་དང་། ཤོར་བ་དང་། བོར་བ་དང་། སླར་བབས་པ་དང་། དུས་བྱས་པའོ། །ཀླུའི་རང་བཞིན་ལྔ་སྟེ། ལྷག་མ་རྣམས་ནི་སྤྲུལ་པ་ཡིན་ཏེ། རང་བཞིན་འབྱུང་བ་དང་། རང་བཞིན་གྱིས་འཆི་བ་དང་། རང་བཞིན་གྱིས་ཉལ་བ་དང་།
D7a.013.0052b01.01རང་བཞིན་གྱིས་ཁྲོ་བ་དང་། རང་བཞིན་གྱིས་མི་ཚངས་པར་སྤྱོད་པ་འཁྲིག་པའི་ཆོས་བྱེད་པའོ། །ཉེས་པ་ལྔ་སྟེ། ཕས་ཕམ་པ་དང་། དགེ་འདུན་གྱི་ལྷག་མ་དང་། ལྟུང་བ་དང་། སོ་སོར་བཤགས་པ་དང་། ཉེས་བྱས་སོ། །ཉེས་པ་བྱུང་བ་རྣམ་པ་ལྔ་སྟེ།
D7a.013.0052b02.01ལུས་ལས་ཉེས་པ་འབྱུང་གི་ངག་ལས་མ་ཡིན་པ་ཡང་ཡོད། ངག་ལས་ཉེས་པ་འབྱུང་གི་ལུས་ལས་མ་ཡིན་པ་ཡང་ཡོད། ལུས་དང་སེམས་ལས་ཉེས་པ་འབྱུང་གི་ངག་ལས་མ་ཡིན་པ་ཡང་ཡོད། ངག་དང་སེམས་ལས་ཉེས་པ་འབྱུང་གི་ལུས་ལས་མ་ཡིན་པ་ཡང་ཡོད།
D7a.013.0052b03.01ལུས་དང་སེམས་དང་ངག་ལས་ཉེས་པ་འབྱུང་བ་ཡང་ཡོད་དོ། །ཉེས་པ་ལས་འབྱུང་བ་ཡང་ལྔ་སྟེ། མཐོང་བས་འབྱུང་བ་དང་། བསྒྲགས་པས་འབྱུང་བ་དང་། ཐོག་མ་ནས་མ་བྱས་པས་འབྱུང་བ་དང་། བྱིན་གྱིས་བརླབས་པས་འབྱུང་བ་དང་། བཤགས་པས་
D7a.013.0052b04.01འབྱུང་བ་དང་ལྔའོ། །མ་ནིང་ཕོ་ལ་རྣམ་པ་ལྔ་སྟེ། རང་བཞིན་གྱི་མ་ནིང་དང་། ཟླ་བ་ཕྱེད་ཀྱི་མ་ནིང་དང་། ཕྲག་དོག་གི་མ་ནིང་དང་། ཆགས་པའི་མ་ནིང་དང་། ཉམས་པའི་མ་ནིང་ངོ་། །རང་བཞིན་གྱི་མ་ནིང་གང་ཞེ་ན། རང་བཞིན་གྱིས་མ་ནིང་དུ་གྱུར་པའོ། །
D7a.013.0052b05.01ཟླ་བ་ཕྱེད་ཀྱི་མ་ནིང་གང་ཞེ་ན། ཟླ་བ་ཕྱེད་ནི་ཕོར་འགྱུར། ཟླ་བ་ཕྱེད་ནི་མོར་འགྱུར་བའོ། །ཕྲག་དོག་གི་མ་ནིང་གང་ཞེ་ན། གཞན་ལོག་པར་ཞུགས་པ་མཐོང་ནས་དེ་ཡང་གདོད་ལོག་པ་བྱེད་པར་གྱུར་པའོ། །ཆགས་པའི་མ་ནིང་གང་ཞེ་ན། དེ་ལ་གཞན་གྱིས་སྤྱོད་
D7a.013.0052b06.01ཅིང་བཙིར་ན་གདོད་བྱེད་པའོ། །ཉམས་པའི་མ་ནིང་གང་ཞེ་ན། གང་གིས་ཕོ་མཚན་སྲོག་ཆགས་ཀྱིས་ཟོས་པའམ་མཚོན་གྱིས་ཆོད་པའོ། །མ་ནིང་མོ་ཡང་རྣམ་པ་ལྔ་སྟེ། མཚན་གཉིས་ཀ་ཡོད་པ་དང་། སྒོ་གཉིས་འབྲེལ་བ་དང་། རྒྱུན་དུ་ཟག་པ་དང་། ཟླ་
D7a.013.0052b07.01