完整藏文原文 · 德格版页 当前仅加载第 13 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་བསྡིགས་པའི་ལས་བགྱིས་པས་བཟོད་པ་གསོལ་ཅིག་ཅེས་གསུངས་ན། གང་དུ་
D7a.013.0093b01.01བཟོད་པ་གསོལ་བར་བགྱི། ཨུ་པཱ་ལི་དེ་ནི་མཚམས་ཀྱི་ནང་དུའོ། །ཇི་ལྟར་བཟོད་པ་གསོལ་བར་བགྱི། སྤུ་ལངས་ཤིང་རབ་ཏུ་ལངས་པ་ལས་དགེ་འདུན་ལ་སྤུ་ཉལ་བར་བྱེད་པ་བྱུང་བར་སྩོལ། ཕྱག་འཚལ་བ་མངོན་དུ་སྟོན་ཅིང་། ཐབ་མོ་རྒོད་པ་དེ་
D7a.013.0093b02.01ཡང་སླར་གཏོང་བའོ། །བཙུན་པ་བཅོམ་ལྡན་འདས་ཀྱིས་ཐབ་མོ་རྒོད་པའི་དགེ་སློང་དག་ལ་བསྡིགས་པའི་ལས་བྱོས་ཤིག་ཅེས་གསུངས་ན། དེ་སྟེ་བཙུན་པ་དེ་ལ་བསྡིགས་པའི་ལས་བགྱིད་པའི་ཚེ་མ་རངས་པར་གྱུར་ན། དེ་ལ་ཐབས་ཇི་ལྟར་བགྱི། ཨུ་པཱ་ལི་དེའི་ཡོ་
D7a.013.0093b03.01བྱད་དང་རྫས་ལས་ཁ་ཅིག་གིས་ལྷུང་བཟེད་དང་ཆོས་གོས་ཁྱེར་ཅིག །ཁ་ཅིག་གིས་ནི་བར་བུར་གྱི་སྣོད་དག་ཁྱེར་ལ་ཕྱི་རོལ་དུ་ཕྱུང་སྟེ་བོར་ཅིག །དེ་སྟེ་ཀ་བ་ལ་འཇུས་ན་ཡང་ཀ་བ་ཆོད་ཅིག །དེ་སྟེ་སྒོ་སྐྱེས་ལ་འཇུས་ན་ཡང་སྒོ་སྐྱེས་ཕྱུང་ལ་དེ་ལ་ངོ་ཟློག་མི་ཕོད་པ་
D7a.013.0093b04.01མ་བྱེད་ཅིག །དེ་སླར་སུས་བཅོས་པར་བགྱི། དགེ་འདུན་གྱིས་སོ། །སུ་ལ་བཅོས་པའི་ཡོ་བྱད་དགུག །སྦྱིན་བདག་ལ་སློངས་ལ་དེ་སྟེ་མ་འབྱོར་ན་དགེ་འདུན་ཐམས་ཅད་ཀྱི་ནོར་ལས་བྱོས་ཤིག །དེ་ལ་ཐེ་ཚོམ་དུ་མ་བྱེད་ཅིག །དེ་སྟེ་བཙུན་པ་དགེ་སློང་
D7a.013.0093b05.01མ་ཞིག་ཐབ་མོ་རྒོད་པར་གྱུར་ན་དེ་ལ་ཡང་བསྡིགས་པའི་ལས་བགྱིའམ། ཨུ་པཱ་ལི་དེ་ལ་ཡང་བསྡིགས་པའི་ལས་བྱའོ། །དེ་སྟེ་མ་རངས་པར་གྱུར་ན་ཞེས་པ་ནས། ཐེ་ཚོམ་མ་བྱེད་ཅིག་ཅེས་བྱ་བའི་བར་དུ་སྔ་མ་བཞིན་ནོ། །བཙུན་པ་དེ་སྟེ་དགེ་སློབ་མ་དང་། དགེ་
D7a.013.0093b06.01ཚུལ་ཕ་དང་། དགེ་ཚུལ་མ་ཞིག་ཐབ་མོ་རྒོད་པར་གྱུར་པ་དང་། དེ་དག་ལ་ཡང་བསྡིགས་པར་བགྱིའམ། དེ་ལ་ཐེ་ཚོམ་དུ་མ་བྱེད་ཅིག་ཅེས་བྱ་བའི་བར་དུ་སྔ་མ་བཞིན་ནོ། །བཙུན་པ་བཅོམ་ལྡན་འདས་ཀྱིས་རིགས་སུན་པའི་དགེ་སློང་ལ་བསྐྲད་པའི་ལས་
D7a.013.0093b07.01