完整藏文原文 · 德格版页 当前仅加载第 13 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
ཟིན་པས་ལུས་ལ་བྱ་བ་དང་། ལུས་ཀྱིས་ཟིན་པས་ལུས་ཀྱིས་ཟིན་པ་ལ་བྱ་བ་དང་། བོར་བ་དང་། བྱིན་ལེན་བྱས་པ་དང་ལྔ་སྟེ། འདི་ནི་ཕྱོགས་ཀྱི་རུང་བ་ཞེས་བྱའོ། །ལྗོངས་ཀྱི་རུང་བ་གང་ཞེ་ན། ཁ་བ་ཅན་གྱི་ལྗོངས་སུ་ལྷམ་ཡུ་བ་ཅན་དང་། ཡུ་མེད་གནང་བར་གསུངས་ཏེ།
D7a.013.0254b01.01ལྗོངས་གཞན་དུ་ནི་མི་གནང་ངོ་། །ལྗོངས་ཨུ་སྨ་པ་རན་ཏ་ཀར་ནི་པགས་པ་དང་རྟག་ཏུ་ཁྲུས་གནང་བར་གསུངས་ཏེ། ལྗོངས་གཞན་དུ་ནི་མ་ཡིན་ནོ། །མཐའ་འཁོབ་ཀྱི་ལྗོངས་སུ་ནི་དགེ་འདུན་མང་བ་བཅུར་ལོངས་པ་མེད་ན་འདུལ་བ་འཛིན་པ་དང་ལྔས་བསྙེན་པར་རྫོགས་པར་གནང་
D7a.013.0254b02.01བར་གསུངས་ཏེ། ལྗོངས་གཞན་དུ་ནི་མ་ཡིན་ནོ། །འདི་ནི་ལྗོངས་ཀྱི་རུང་བ་ཞེས་བྱའོ། །གོས་ཀྱི་རུང་བ་གང་ཞེ་ན། གོས་རྣམ་པ་བཅུ་མཚོན་གྱིས་བཅད་ཅིང་ཁ་དོག་ངན་པར་བྱས་ཏེ་བཅང་བ་ནི་དགེ་སློང་གིས་རུང་བ་སྟེ། འདི་ལྟ་སྟེ་བལ་དང་། ལྡུམ་བུ་ཤ་ན་ཀ་དང་། ཟར་
D7a.013.0254b03.01མ་དང་། རྩྭ་དུ་ཀུ་ལ་དང་། རས་བལ་དང་། སྲིན་བལ་དང་། གོས་འཇམ་པོ་དང་། ཁ་ཆེ་དར་དང་། རྩྭ་ཀོ་ཏམ་བྷ་ཀ་དང་། ཀེ་ཡུ་ར་ཀ་དང་དེ་བཅུའོ། །གཞན་ཡང་དགེ་སློང་གི་གོས་སུ་རུང་བ་རྣམ་པ་བདུན་རུང་བར་བྱ་མི་དགོས་པར་བཅང་དུ་རུང་བ་ནི་འདི་ལྟ་སྟེ། སྦྱར་མ་དང་།
D7a.013.0254b04.01བླ་གོས་དང་། མཐང་གོས་དང་། སྟེང་གཡོགས་དང་། དབྱར་གྱི་རས་ཆེན་དང་། གཡན་པའི་གཡོགས་མ་དང་། ཡོ་བྱད་ཀྱི་གོས་དང་། འདི་བདུན་ཏེ་འདི་ནི་གོས་ཀྱི་རུང་བ་ཞེས་བྱའོ། །ཁུ་བ་སྐྱུར་པོ་རུང་བ་གང་ཞེ་ན། དགེ་སློང་ན་བར་གྱུར་ནས་སྨན་པ་ལ་དྲིས་པ་དང་། སྨན་པས་ཁུ་བ་
D7a.013.0254b05.01སྐྱུར་པོ་བཏུང་བར་བྱའོ་ཞེས་སྨྲས་པ་དང་། དགེ་སློང་དེ་དག་གིས་ཇི་ལྟར་བསྒྲུབ་པ་མ་ཤེས་ནས། ད་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་ལ་རྗེས་སུ་གནང་བ་ནི་དྲོད་ཆུང་ཞིང་ཡི་ག་འཆུས་
D7a.013.0254b06.01པར་གྱུར་པ་ལ་ཁུ་བ་སྐྱུར་པོ་བྱོས་ཏེ་འཐུང་ཤིག །ཁུ་བ་སྐྱུར་པོ་ཇི་ལྟར་བྱ་ཞེ་ན། འབྲས་ཅན་བཙོས་པའི་ཁུ་བ་དང་། འབྲས་བཀྲུས་པའི་ཁུ་བ་དང་། ཞབས་ཀྱི་ཚིགས་པ་ལྷན་ཅིག་ཏུ་ཆུ་དྲོན་པོའི་ནང་དུ་བསྲེས་ལ་ཇི་ལྟར་རྩབས་བཞིན་དུ་སྐྱུར་བ་ན་བཏུང་བར་བྱ་སྟེ། དེ་ནི་དགེ་སློང་རྣམས་
D7a.013.0254b07.01