完整藏文原文 · 德格版页 当前仅加载第 13 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
ཐག་པ་དང་བཅས། ཁ་ལྕགས་དང་བཅས་པས་གནོད་པ་དང་བཅས་ནས་བཏགས་ཏེ་བོར་བ་ལྟ་བུ་འདི་ནི་ཚིག་འཇེབས་པའི་ལས་ཞེས་བྱའོ། །ལུང་མི་བསྒོ་བ་གང་ཞེ་ན། གང་ལུང་དུ་མི་བསྒོ་བ་དེ་ནི་ཚིག་ཏུ་མི་བརྗོད་པ་སྟེ། མཐོང་བའམ་ཐོས་པའམ། དོགས་
D7a.013.0244a01.01པའི་ཕྱིར་མི་སྨྲ་བ་སྟེ། དེ་ནི་ལུང་དུ་མི་བསྒོ་བ་ཞེས་བྱའོ། །ལུང་བསྒོ་བ་ལ་འགོག་པ་གང་ཞེ་ན། གང་ལུང་དུ་མི་བསྒོ་བ་དེ་ལ་བརྩོན་པའོ། །ལུང་དུ་བསྒོ་བ་ཡོངས་སུ་རྫོགས་པར་མི་བྱ་བ་གང་ཞེ་ན། གང་དེས་ལུང་དུ་མི་བསྒོ་བ་ལ་ཕྱལ་བར་བོར་བའོ། །སྐབས་འབྱེད་པ་གང་ཞེ་ན།
D7a.013.0244a02.01སྐབས་ཕྱེ་ནས་བཟོད་པར་གླེང་བར་བྱ། དྲན་པར་བྱ་བ་འདི་ནི་སྐབས་འབྱེད་པ་ཞེས་བྱའོ། །སྐབས་དབྱེ་བའི་ལས་གང་ཞེ་ན། སྐབས་དབྱེ་བའི་ལས་ལྔ་སྟེ། འདི་སྐད་དུ་ཁྱོད་ཀྱིས་ང་ལ་སྐབས་ཕྱེ་ཤིག་དང་། ངས་ཁྱོད་ལ་སྨྲའོ། །ཁྱོད་ལ་བརྗོད་དོ། །ཁྱོད་ལ་གླེང་ངོ་། །ཁྱོད་ལ་
D7a.013.0244a03.01དྲན་པར་བྱའོ་ཞེས་ཟེར་བ་འདི་ནི་སྐབས་འབྱེད་པ་ཞེས་བྱའོ། །སྐབས་འབྱེད་པའི་ལས་དང་གསོལ་བ་གང་ཞེ་ན། སྐབས་འབྱེད་པའི་ལས་དེ་དག་གིས་གཞན་ལ་གསོལ་བའོ། །གསོ་སྦྱིན་འགོག་པ་གང་ཞེ་ན། ཆོས་བཞིན་མ་ཡིན་པ་བཅུ་ནི་གསོ་སྦྱིན་འགོག་པའོ། །ཆོས་བཞིན་པ་
D7a.013.0244a04.01ཡང་བཅུའོ། །ཆོས་བཞིན་མ་ཡིན་པས་གསོ་སྦྱིན་འགོག་པ་བཅུ་གང་ཞེ་ན། ཕས་ཕམ་པར་གྱུར་པ་མ་ཡིན། ཕས་ཕམ་པར་གཏམ་དུ་བརྗོད་པ་མ་ཡིན། བསླབ་པ་ཕུལ་བ་མ་ཡིན། བསླབ་པ་ཕུལ་བར་གཏམ་དུ་བརྗོད་པ་མ་ཡིན། དགེ་འདུན་ལ་སྨོད་པ་མ་ཡིན། དགེ་
D7a.013.0244a05.01འདུན་ལ་སྨོད་པར་གཏམ་དུ་བརྗོད་པ་མ་ཡིན། ཚུལ་ཁྲིམས་ཉམས་པ་མ་ཡིན། ལྟ་བ་ཉམས་པ་མ་ཡིན། སྤྱོད་པ་ཉམས་པ་མ་ཡིན། འཚོ་བ་ཉམས་པ་མ་ཡིན་པའོ། །ཇི་ལྟར་ན་ཕས་ཕམ་པར་གྱུར་པ་མ་ཡིན་པ་གང་ཞེ་ན། གང་གི་རྣམ་པ་དང་། གང་གི་མཚན་
D7a.013.0244a06.01མ་དང་། གང་གི་རྟགས་ཀྱིས་དགེ་སློང་དེ་ཕས་ཕམ་པ་བྱེད་པར་འགྱུར་བ་དེ་ལྟ་བུའི་རྣམ་པ་དང་། མཚན་མ་དང་། རྟགས་ཀྱིས་དགེ་སློང་དེ་ཕས་ཕམ་པའི་ཉེས་པར་མ་མཐོང་ན། དེས་དེ་ལ་གསོ་སྦྱིན་འགོག་པ་ནི་ཆོས་བཞིན་མ་ཡིན་པར་འགོག་པ་སྟེ། དེ་ལྟར་ན་ཕས་ཕམ་པའི་མ་ཡིན་
D7a.013.0244a07.01