完整藏文原文 · 德格版页 当前仅加载第 13 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ལ་ནི་མི་དགོས་པར་བྱེད་ལ་རང་བཞིན་དུ་གནས་པ་མ་ཡིན་པ་ལ་ཚིག་ཏུ་སྨྲས་ཀྱང་བསླབ་པ་ཕུལ་བ་མ་ཡིན་ཏེ་འདི་ནི་བསླབ་པ་མ་ཕུལ་བ་ཞེས་བྱའོ། །བསླབ་པ་ཕུལ་བ་གང་ཞེ་ན། འདི་ལྟ་སྟེ། དགེ་སློང་དེ་ཆགས་པར་གྱུར་ལ་མི་དགའ་བའམ།
D7a.013.0238a01.01འདོད་དམ། དགེ་སྦྱོང་གི་ལ་མི་དགོས་པར་གྱུར་ཏམ། དགེ་སློང་གི་གཏོང་བར་བྱེད་དམ། སྨོད་དམ། ངོ་ཚ་བའམ། ཁྲེལ་ལམ། འགྱོད་ཀྱང་རུང་སྟེ། དེ་དགེ་སློང་གི་དྲུང་དུ་སོང་ནས་བསླབ་པ་འབུལ་ལོ་ཞེས་སྨྲས་ན་བསླབ་པ་ཕུལ་བ་ཞེས་བྱའོ། །སངས་
D7a.013.0238a02.01རྒྱས་དང་། ཆོས་དང་། དགེ་འདུན་དང་། མདོ་སྡེ་དང་། འདུལ་བ་དང་། མ་ལྟ་བུ་དང་། མཁན་པོ་དང་། སློབ་དཔོན་རྣམས་དང་། བདག་ལ་ཁྱིམ་པར་ཟུང་ཤིག །དགེ་ཚུལ་དང་། མ་ནིང་དང་། ཟ་མ་དང་། དགེ་སློང་མ་སུན་ཕྱུང་བ་དང་།
D7a.013.0238a03.01ཕ་དང་། མ་དང་། དགྲ་བཅོམ་པ་བསད་པ་དང་། དགེ་འདུན་གྱི་དབྱེན་བགྱིས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་།
D7a.013.0238a04.01མི་གནས་པར་ཟུང་ཤིག་ཅེས་ཟེར་རམ། ཆུང་ངུ་ནི་འདི་སྐད་དུ་ཁྱོད་ཅག་དང་ཆོས་མཚུངས་པ་དང་། ཚངས་པ་མཚུངས་པར་སྤྱད་པས་ཆོག་གོ་ཞེས་སྨྲས་ན་ཡང་བསླབ་པ་ཕུལ་བ་ཞེས་བྱ་སྟེ། གང་དེ་ལྟར་ཆགས་ཤིང་མི་དགའ་འམ་འབབ་པར་འདོད་ཀྱང་རུང་སྟེ།
D7a.013.0238a05.01དེས་ངག་དང་། ཚིག་དང་། བརྗོད་པ་དང་། སྐད་དང་། དབྱངས་དང་། ངེས་པའི་ཚིག་དང་། ངག་གི་ལམ་དང་། ངག་གི་སྒྲ་དང་། ངག་གི་ལས་དང་། ངག་གི་དམིགས་པས་བརྗོད་པ་འདི་ནི་བསླབ་པ་ཕུལ་བ་ཞེས་བྱའོ། །ཚུལ་ཁྲིམས་ཉམས་པར་བརྗོད་པ་གང་ཞེ་ན།
D7a.013.0238a06.01འདི་ལྟ་སྟེ་དགེ་སློང་དེ་ཆགས་པར་གྱུར་པ་ནས། འགྱོད་པའི་བར་དུ་སྔ་མ་བཞིན་ཏེ། དེ་དགེ་སློང་གི་དྲུང་དུ་སོང་ནས་འདི་སྐད་ཅེས་ཚངས་པར་སྤྱོད་པ་ནི་སྤྱད་དཀའོ། །རབ་ཏུ་དབེན་པ་ནི་ཤིན་ཏུ་དཀའོ། །གཅིག་པུ་མངོན་པར་དགའ་བའང་དཀའོ། །ནགས་དང་ཚལ་ན་
D7a.013.0238a07.01