完整藏文原文 · 德格版页 当前仅加载第 13 函德格 307b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་ཡོན་ཏན་ལྔ་སྟེ། ཞག་གཅིག་གིས་བྲལ་བ་མེད། ཞག་བཅུའི་འདའ་བ་མེད། ཟླ་བ་གཅིག་གིས་འདའ་བ་མེད། ཇི་སྙེད་དུ་དགོས་པའི་གོས་རྣམས་བྱིན་གྱིས་མ་བརླབས་ཀྱང་འཆང་དུ་རུང་། སྟོད་གཡོགས་དང་མཐང་གོས་ཀྱིས་ལྗོངས་རྒྱུ་བར་རུང་ངོ་། །
D7a.013.0307b01.01གཞན་ཡང་གཏན་པ་ལ་ཡོན་ཏན་རྣམ་པ་ལྔ་སྟེ། འདུས་ཤིང་ཟ་བ་མེད། ཡང་ཡང་ཟ་བ་མེད། ཕྱི་མ་ལ་མ་བསྒོ་བར་འགྲོ་བ་མེད་ཆོས་གོས་ཇི་དགོས་པ་ཚོལ་དུ་རུང་། སྟོན་ཟླ་ཐ་{ཆུངས་,ཆུང་}ནས་དཔྱིད་ཟླ་ར་བའི་བར་དུ་དབྱར་ཚུལ་དུ་ཞུགས་པའི་དགེ་སློང་དགེ་འདུན་གྱི་རྙེད་
D7a.013.0307b02.01པ་མ་བགོས་ཤིང་བཞག་པ་དེ་ཡང་གཏན་པ་བཏིང་བ་རྣམས་ཀྱིས་མ་དད་ན་གཞན་ལ་མི་སྦྱིན་ནོ། །དེ་ནི་གཏན་པའི་བྱ་བ་ཞེས་བྱའོ། །ཆུ་ཚགས་ཀྱི་བྱ་བ་གང་ཞེ་ན། དགེ་སློང་ཆུ་ཚགས་མེད་ན་ལམ་དུ་ཞུགས་ཤིང་འགྲོ་བར་མི་བྱའོ། །དེ་སྟེ་ཆུ་རྒྱུན་དུ་འབབ་ལ་དེ་ཡང་རུང་བར་གྱུར་
D7a.013.0307b03.01དེ་ཆུ་གཞན་དང་མ་འདྲེས་པ་ཞིག་གམ། ཁྲོན་པ་རུང་བ་ཞིག་གམ། རྒྱང་གྲགས་ཕྱེད་ཕྱེད་དུ་གཙུག་ལག་ཁང་རྒྱུན་ཆགས་པར་ཡོད་པ་མ་གཏོགས་ཏེ་དེ་ནི་ཆུ་ཚགས་ཀྱི་བྱ་བ་ཞེས་བྱའོ། །འཆག་སའི་བྱ་བ་གང་ཞེ་ན། བཅོམ་ལྡན་འདས་ཀྱིས་འཆག་ས་རྣམ་པ་གཉིས་
D7a.013.0307b04.01རྗེས་སུ་གནང་སྟེ། བསམ་གཏན་ལ་ཞུགས་པ་དང་། ཁ་ཏོན་ལ་ཞུགས་པའོ། །བསམ་གཏན་ལ་ཞུགས་པའི་འཆག་ས་ནི་ཁྲུ་བཅོ་བརྒྱད་དོ། །ཁ་ཏོན་ལ་ཞུགས་པའི་འཆག་ས་ནི་ཁྲུ་བཅུ་གཉིས་ཏེ་དེ་ནི་འཆག་སའི་བྱ་བ་ཞེས་བྱའོ། །འཆག་པའི་བྱ་བ་གང་ཞེ་ན།
D7a.013.0307b05.01དགེ་སློང་འཆག་པར་འདོད་ན་དེས་དྲག་ཏུ་ཡང་མ་ཡིན། དལ་ནས་འཆག་པར་བྱ། ཤེས་བཞིན་དུ་འཆག་པར་བྱ། དྲན་པ་ཉེ་བར་གཞག །དབང་པོ་ནང་དུ་གཞག །ཡིད་ཕྱིར་མི་དབྱུང་བར་བྱ། རྡེག་མི་འཆོས་པར་བྱ། ཕན་ཚུན་མི་འཁྱོར་བར་བྱ། དྲང་པོར་འཆག་པར་
D7a.013.0307b06.01བྱ། དེ་སྟེ་དྲང་པོར་འཆག་མི་ནུས་ན་སྲད་བུ་བྲེ་བར་བྱ། སྲད་བུ་བྲེས་པ་ལ་(སྔུ་,སྡུ་)བུ་བཅུག་ནས་དེ་ལ་འཇུ་ཞིང་འཆག་པར་བྱ་སྟེ། འདི་ནི་འཆག་པའི་བྱ་བ་ཞེས་བྱའོ། །འཕྱེན་གྱི་བྱ་བ་གང་ཞེ་ན། སྟོན་པའི་མདུན་དུ་མི་གཏང་། མཆོད་རྟེན་གྱི་དྲུང་དུ་མ་ཡིན། མཁན་པོ་དང་སློབ་
D7a.013.0307b07.01