完整藏文原文 · 德格版页 当前仅加载第 13 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
བརྟག་པར་བྱ་སྟེ། བཅུ་དྲུག་གང་ཞེ་ན། ལུང་དང་། ལུང་བསྒོ་བ་དང་། དངོས་པོ་དང་། རྣམ་པར་འབྱེད་པ་དང་། སྤྱོད་པ་དང་། སྤྱོད་ཡུལ་དང་། ཉུང་ངུ་འདོད་པ་དང་། མང་དུ་འདོད་པ་དང་། མགུ་བ་དང་། མི་མགུ་བ་དང་། དགང་དཀའ་བ་
D7a.013.0067a01.01དང་། དགང་སླ་བ་དང་། གསོ་དཀའ་བ་དང་། གསོ་སླ་བ་དང་། རབ་ཏུ་གཅེས་པ་དང་། ཆོག་ཤེས་པ་སྟེ། ཨུ་པཱ་ལི་གནས་འདི་བཅུ་དྲུག་གིས་འདུལ་བ་ལ་བརྟག་པར་བྱའོ། །ཨུ་པཱ་ལི་གཟུ་བོ་འདུལ་བ་འཛིན་པ་རྣམ་པ་ལྔ་དང་ལྡན་ན་ཉེས་པ་འབྱིན་མི་ནུས་
D7a.013.0067a02.01པར་འགྱུར་ཏེ། ལྔ་གང་ཞེ་ན། བྱུང་བ་མི་ཤེས། བཅས་པ་མི་ཤེས། རྗེས་སུ་བཅས་པ་མི་ཤེས། གནང་བར་མི་ཤེས། རྗེས་སུ་གནང་བར་མི་ཤེས་པའོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་དེ་ལྔ་དང་ལྡན་ན་ཉེས་པ་འབྱིན་མི་ནུས་པར་འགྱུར་
D7a.013.0067a03.01རོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་ལྔ་དང་ལྡན་ན་ཉེས་པ་འབྱིན་ནུས་པར་འགྱུར་ཏེ། ལྔ་གང་ཞེ་ན། བྱུང་བ་ཤེས་པ་དང་། བཅས་པ་ཤེས་པ་དང་། རྗེས་སུ་བཅས་པ་ཤེས་པ་དང་། གནང་བ་ཤེས་པ་དང་། རྗེས་སུ་གནང་བ་ཤེས་པའོ། །
D7a.013.0067a04.01ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་དེ་ལྔ་དང་ལྡན་ན་ཉེས་པ་འབྱིན་ནུས་པར་འགྱུར་རོ། །ཨུ་པཱ་ལི་གཟུ་བོ་འདུལ་བ་འཛིན་པས་གནས་བཅུ་དྲུག་གིས་འདུལ་བ་ཤེས་པར་བྱས་ལ་གནས་བཅུ་དྲུག་གིས་ཉེས་པ་བརྗོད་པར་བྱ་སྟེ། བཅུ་དྲུག་གང་ཞེ་ན། ལྕི་བ་
D7a.013.0067a05.01དང་། ཡང་བ་དང་། ལྷག་མ་ཡོད་པ་དང་། ལྷག་མ་མེད་པ་དང་། གནས་ངན་ལེན་དང་། ལུས་ཀྱི་དང་། ངག་གི་དང་། མི་དགེ་བ་དང་། ལུང་དུ་མི་སྟོན་པ་དང་། བཅས་པ་དང་། མ་བཅས་པ་དང་། མཐོལ་བར་བྱེད་པ་དང་། སྡོམ་པར་བྱེད་པ་དང་། འདུལ་
D7a.013.0067a06.01བ་ལས་འདས་པར་བྱེད་པ་དང་། ངན་དུ་སྨྲ་བར་འགྲོ་བ་སྟེ། ཨུ་པཱ་ལི་གནས་བཅུ་དྲུག་པོ་འདིས་འདུལ་བ་ཤེས་པར་བྱས་ལ་གནས་བཅུ་དྲུག་གིས་ཉེས་པ་བརྗོད་པར་བྱའོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་ལྔ་དང་ལྡན་ན་ཉེས་པ་བརྗོད་མི་ནུས་པར་
D7a.013.0067a07.01