完整藏文原文 · 德格版页 当前仅加载第 13 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱའོ། །གཞན་ཡང་དགེ་སློང་གླེང་བ་ཞིག་གླེང་བར་འདོད་པས་ཆོས་ལྔས་ནང་དུ་དྲན་པ་ཉེ་བར་གཞག་ལ་གླེང་བར་བྱའོ། །ལྔ་གང་ཞེ་ན། འདི་ལྟར་བདག་གཞན་ལ་གླེང་བར་འདོད་པ་དེ་ཅི་བདེན་པས་སམ་འོན་ཏེ་མི་བདེན་པས་དོན་དུ་གཟུང་བ་འདི་དུས་ལས་
D7a.013.0048a01.01བབ་བམ་འོན་ཏེ་དུས་ལས་མ་བབ། ཅི་དོན་བཟུང་བ་སྐབས་སུ་བབ་བམ་འོན་ཏེ་སྐབས་སུ་མ་བབ། ཅི་དོན་བཟུང་བ་འདི་དོན་དང་ལྡན་པའམ་འོན་ཏེ་དོན་དང་ལྡན་པ་མ་ཡིན། དེ་ལ་མཐོང་བས་སམ། ཐོས་པས་སམ། དོགས་པས་སྨྲ་བར་བྱའམ་ཞེས་གླེང་བའི་དགེ་སློང་
D7a.013.0048a02.01གིས་གཞན་ལ་གླེང་བར་འདོད་པས། ཆོས་དེ་ལྔས་ནང་དུ་དྲན་པ་ཉེ་བར་གཞག་ལ་གཞན་ལ་གླེང་བར་བྱའོ། །གླེང་བར་བྱེད་པའི་དགེ་སློང་གིས་གླེང་བའི་དགེ་སློང་ལ་རྣམ་པ་ལྔས་སྐབས་འབྱེད་དུ་གཞུག་པར་བྱའོ། །ལྔ་གང་ཞེ་ན། འདི་ལྟར་ཁྱོད་ལ་གླེང་གིས་ཤེས་པར་གྱིས་
D7a.013.0048a03.01ཤིག །ཚེ་དང་ལྡན་པ་ཁྱོད་ལ་སྨྲའོ། །ཚེ་དང་ལྡན་པ་ཁྱོད་ལ་གླེང་ངོ་། །ཚེ་དང་ལྡན་པ་ཁྱོད་ལ་དྲན་པར་བྱའོ། །ཚེ་དང་ལྡན་པ་ཁྱོད་ཀྱིས་བདག་ལ་སྐབས་དབྱེ་བར་བྱོས་ཤིག །ཕས་ཕམ་པ་དང་། དགེ་འདུན་གྱི་ལྷག་མ་དང་། ལྟུང་བ་དང་། སླར་བཤགས་པ་དང་།
D7a.013.0048a04.01ཉེས་བྱས་རྣམས་ལས་གང་ཁྱོད་ལ་སྨྲ། གང་ཁྱོད་ལ་བརྗོད། གང་ཁྱོད་ལ་གླེང་། གང་ཁྱོད་ལ་དྲན་པར་བྱ། གང་ཁྱོད་ལ་སྐབས་སུ་འབྱེད་དུ་གཞུག །ཉེས་བྱས་སུ་གྱུར་ན་ཕས་ཕམ་པ་ལས་བྱུང་བའམ། དགེ་འདུན་གྱི་ལྷག་མ་ལས་བྱུང་བའམ། ལྟུང་བ་ལས་བྱུང་
D7a.013.0048a05.01བའམ། སོ་སོར་བཤགས་པ་ལས་བྱུང་བའམ། བསླབ་པ་ལས་བྱུང་བ་རྣམས་གང་ཁྱོད་ལ་བརྗོད་པར་བྱ། བཤགས་པར་བྱ་བའམ། བསྡམ་པར་བྱ་བའམ། འདུལ་བ་ལས་ཤིན་ཏུ་འདས་པའམ། ངན་དུ་སྨྲ་བ་ལས་བྱུང་བའམ། མངོན་དུ་སྤྱོད་པ་རྣམས་ཀྱི་ཉེས་བྱས་
D7a.013.0048a06.01གང་ཁྱོད་ལ་བརྗོད་པར་བྱ། ཁྱོད་ལ་མཐོང་བའམ། ཐོས་པའམ། དོགས་པ་གང་སྨྲ་བར་བྱ། ལུས་ཀྱི་འདས་པ་དང་། ངག་གི་འདས་པ་གང་ཁྱོད་ལ་སྨྲ་བར་བྱ། ལྟུང་བ་ལྕི་བའམ། ཡང་བའམ། ལྷག་མ་དང་བཅས་པའམ། ལྷག་མ་མ་ལུས་པའམ། ཐམས་
D7a.013.0048a07.01