完整藏文原文 · 德格版页 当前仅加载第 13 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དེ་དུས་ཀྱི་མཐའ་ཞིག་ཏུ་ཅི་ཞིག་གིས་འདས་པ་དང་། དགེ་སློང་དེ་དག་གིས་སྔ་མ་བཞིན་དུ་ལྷུང་བཟེད་དང་ཆོས་གོས་བཙོངས་ནས་དེ་ལ་བྱིན་ནོ། །ཁྱིམ་བདག་གིས་སྨྲས་པ། འཕགས་པ་དེར་བདག་ལས་འདི་ཙམ་ཞིག་འཚལ་ཏེ། བདག་ལ་ནི་འདི་ལས་
D7a.013.0133a01.01མ་སྩལ་གྱིས། གཞན་ཡང་སྩོལ་ཅིག་ཅེས་སྨྲས་པ་དང་། དེ་ལྟ་བུར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལ་དེའི་ལྷུང་བཟེད་དང་ཆོས་གོས་ནི་འདི་ལས་མེད་དོ་ཞེས་སྒོ་ཤིག །དེ་སྟེ་ཡིད་མི་ཆེས་ན་
D7a.013.0133a02.01གོ་བར་གྱིས་ཤིག །གོ་བར་བསྒོ་ཡང་མི་བཏུབ་ན་དེ་ལ་དགེ་འདུན་གྱིའམ། གང་ཟག་གཞན་གྱི་ལས་ནི་མ་སྦྱིན་ཅིག །རིགས་ཀྱི་གཟུ་བོ་རྣམས་ཀྱིས་གོ་བར་བསྒོ་ལ་ཐོང་ཤིག །གླེང་གཞི་ནི་མཉན་དུ་ཡོད་པ་ན། དགེ་སློང་ཞིག་གིས་གོས་འཚོང་བ་ལས་རས་ཤིག་རིན་མ་
D7a.013.0133a03.01བྱིན་པར་བླངས་པ་ལས་དགེ་སློང་དེ་དུས་འདས་ནས། དགེ་སློང་དེ་དུས་འདས་སོ་ཞེས་གོས་ཀྱི་བདག་པོ་དེས་ཐོས་ནས། དེ་གཙུག་ལག་ཁང་དུ་འོངས་ཏེ་ཤེས་བཞིན་དུ་དགེ་སློང་རྣམས་ལ་འཕགས་པ་དགེ་སློང་མིང་འདི་ཞེས་བགྱི་བ་འདི་ག་ལ་མཆིས་ཞེས་དྲིས་པ་དང་། དེ་དག་གིས་
D7a.013.0133a04.01སྨྲས་པ། བཞིན་{བཟངས་,བཟང་}དུས་འདས་སོ། །འཕགས་པ་དེས་བདག་ལས་རས་ཤིག་རིན་སྦྱིན་པར་བྱས་ཏེ་ཁྱེར་རོ། །བཞིན་{བཟངས་,བཟང་}དེ་དུར་ཁྲོད་དུ་བསྐྱལ་གྱིས་དེར་སོང་ལ་དོས་ཤིག །འཕགས་པ་དེའི་ཆོས་གོས་དང་ལྷུང་བཟེད་ནི་ཁྱེད་རྣམས་ཀྱིས་བགོས་ན། བདག་ཅིའི་ཕྱིར་དུར་
D7a.013.0133a05.01ཁྲོད་དུ་སོང་སྟེ་བདའ། ཁྱེད་རྣམས་ཀྱིས་བྱིན་ཅིག་དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་གོས་འཚོང་བ་འདི་སྨྲ་བ་ནི་བདེན་གྱིས་དེ་ནི་བྱིན་ཅིག །དགེ་སློང་རྣམས་ཀྱིས་དེའི་རས་ཉིད་བྱིན་པ་
D7a.013.0133a06.01དང་དེས་འཕགས་པ་རྣམས་བདག་ལ་དེས་རིན་ཐང་འདི་ཙམ་དུ་འཚལ་ཏོ་ཞེས་སྨྲས་པ་དང་། བཅོམ་ལྡན་འདས་ཀྱིས་དེ་ཉིད་ཚོངས་ལ་བྱིན་ཅིག་ཅེས་བཀའ་སྩལ་པ་དང་། དགེ་སློང་རྣམས་ཀྱིས་དེ་བཙོང་བར་བརྩམས་པ་དང་སྔ་མའི་རིན་ཐང་དུ་མ་ལོན་ནས། བཅོམ་ལྡན་འདས་ཀྱིས་
D7a.013.0133a07.01