完整藏文原文 · 德格版页 当前仅加载第 13 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དགེ་སློང་ཇི་སྙེད་ལས་ལ་ཕྱིན་པར་བྱེད་པ་དེ་ཐམས་ཅད་མ་འདུས་མངོན་སུམ་དུའང་མ་གྱུར། དད་པ་བླང་བའི་རིགས་པའང་མ་བླངས། དགེ་སློང་གང་གིས་བཟློག་པ་བརྩན་པ་དེ་དག་ཀྱང་མངོན་སུམ་དུ་གྱུར་ཅིང་འགོག་པ་ཟློག་པ་འདི་ནི་ཆོས་བཞིན་གྱི་ལས་
D7a.013.0232a01.01ཡིན་ལ་འདུས་པའི་ལས་མ་ཡིན་ནོ། །འདུས་པའི་ལས་ལགས་ལ་ཆོས་བཞིན་གྱི་ལས་མ་ལགས་པ་གང་ལགས། གསུངས་པ། མངོན་སུམ་དུ་མ་གྱུར་པར་དེ་ལ་བྱེད་ཅིང་མ་གླེངས། དྲན་པར་མ་བྱས། དངོས་པོ་མ་ཡིན། དམ་འཆར་མ་བཅུག་པར་བྱེད་པ་དང་། དགེ་སློང་ཇི་
D7a.013.0232a02.01སྙེད་ལས་ལ་ཕྱིན་པར་བྱ་བ་དེ་ཐམས་ཅད་འདུས་ཤིང་མངོན་སུམ་དུ་གྱུར་ལ་དད་པ་བླང་བའི་རིགས་པ་ལས་དད་པའང་བླངས། དགེ་སློང་གང་མངོན་སུམ་དུ་གྱུར་ན་བཟློག་པ་བརྩན་པ་དེ་དག་ཀྱང་མི་འགོག་མི་ཟློག་པ་འདི་ནི་འདུས་པའི་ལས་ཡིན་ལ་ཆོས་བཞིན་མ་ཡིན་པའི་ལས་སོ། །གང་
D7a.013.0232a03.01སུ་ལ་དགེ་འདུན་གྱི་དབུས་སུ་ལན་གསུམ་གྱི་བར་དུ་བསྒོ་ན་དེ་ཐམས་ཅད་ནོངས་པར་འགྱུར་རམ། གསུངས་པ། འགྱུར་བ་ཡང་ཡོད། མི་འགྱུར་བ་ཡང་ཡོད་དེ། གང་ལ་དགེ་འདུན་གྱི་དབུས་སུ་ལན་གསུམ་གྱི་བར་དུ་བསྒོ་ན་དེ་ཐམས་ཅད་ཉེས་པར་འགྱུར་རོ། །ནོངས་པར་འགྱུར་
D7a.013.0232a04.01ལ་དགེ་འདུན་གྱི་ནང་དུ་ལན་གསུམ་གྱི་བར་དུ་བསྒོ་མི་འཚལ་བ་མཆིས་སམ། གསུངས་པ། བསྒོ་བ་རྣམས་མ་གཏོགས་པར་ཉེས་པ་གཞན་བྱུང་བའོ། །ཇི་ཙམ་གྱིས་ན་ཐ་མར་གྱུར་པ་ལ་ཡི་དམ་བརྗོད་པ་ཞེས་བགྱི། གསུངས་པ། གང་ལ་ཕས་ཕམ་པ་བཞི་ལས་གང་ཡང་རུང་
D7a.013.0232a05.01ཉེས་པ་བྱུང་ནས་དགེ་འདུན་གྱི་དབུས་སུ་ལན་གསུམ་དུ་ཁས་ལེན་པའི་ཐ་མའི་དངོས་པོ་ལ་དམ་འཆའ་བར་བྱེད་པ་ཞེས་བྱའོ། །ཆད་པས་བཅད་པའི་བསྒོ་བ་དེ་དགེ་སློང་གིས་སྤངས་ན་སྤངས་པ་ཞེས་བགྱིའམ། གསུངས་པ། མངོན་སུམ་དུ་གནས་པའི་སྡོམ་པ་མ་གཏོགས་པར་གཞན་
D7a.013.0232a06.01ཐམས་ཅད་ཀྱི་ལས་སུ་བྱས་པ་ཞེས་བྱའོ།། །།འདུལ་བ་གཞུང་དམ་པ། བམ་པོ་བཞི་བཅུ་རྩ་བདུན་པ། མདོར་ན། དང་པོར་རྗེས་སུ་བསྒོ་བ་དང་། །དད་པ་བདག་ཉིད་ཡི་དམ་འཆའ། །བཞི་ལ་བསླབ་པ་སྦྱིན་པ་དང་། །ཚུལ་ཤིང་ལེན་པར་བྱས་པ་དང་། །སོ་སོར་
D7a.013.0232a07.01