完整藏文原文 · 德格版页 当前仅加载第 13 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་པ་ཆོས་རྣམ་པ་འདི་ལྔ་དང་ལྡན་ན་རྩོད་པ་ཞི་བར་བྱེད་མི་ནུས་པར་འགྱུར་རོ། །ལྔ་གང་ཞེ་ན། རྩོད་པ་མི་ཤེས་པ་དང་། རྩོད་པ་འབྱུང་བ་མི་ཤེས་པ་དང་། རྩོད་པ་ཡང་དག་པར་གཟུང་བ་མི་ཤེས་པ་དང་། རྩོད་པ་ཞི་བར་བྱེད་མི་ཤེས་པ་དང་། རྩོད་
D7a.013.0064a01.01པ་ཞི་ནས་ཕྱིས་མི་འབྱུང་བར་བྱེད་མི་ཤེས་པ་སྟེ། ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་དེ་ལྔ་དང་ལྡན་ན་རྩོད་པ་ཞི་བར་བྱེད་མི་ནུས་པ་ཡིན་ནོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་འདི་ལྔ་དང་ལྡན་ན་རྩོད་པ་ཞི་བར་བྱེད་ནུས་པ་ཡིན་ནོ། །ལྔ་གང་
D7a.013.0064a02.01ཞེ་ན། རྩོད་པ་ཤེས་པ་དང་། རྩོད་པ་བྱུང་བ་ཤེས་པ་དང་། རྩོད་པ་ཡང་དག་པར་གཟུང་བར་ཤེས་པ་དང་། རྩོད་པ་ཞི་བར་བྱ་བ་ཤེས་པ་དང་། རྩོད་པ་ཞི་བར་གྱུར་ནས་ཕྱིས་རྩོད་པ་མི་འབྱུང་བར་བྱེད་ཤེས་པའོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་
D7a.013.0064a03.01པ་དེ་ལྔ་དང་ལྡན་ན་རྩོད་པ་ཞི་བར་བྱེད་ནུས་པ་ཡིན་ནོ། །དེ་ལ་ཨུ་པཱ་ལི་གཟུ་བོ་འདུལ་བ་འཛིན་པས་རྩོད་པ་རབ་ཏུ་བཟུང་ལ་གནས་བཅུ་དྲུག་གིས་རྒོལ་བ་དང་ལན་གློན་པའི་དགེ་སློང་བརྟག་པར་བྱ་སྟེ། རྣམ་པ་བརྒྱད་ཀྱིས་ལན་གློན་པའི་དགེ་སློང་བརྟག་པར་བྱའོ། །
D7a.013.0064a04.01རྣམ་པ་བརྒྱད་པོ་གང་གིས་རྒོལ་བའི་དགེ་སློང་བརྟག་པར་བྱ་ཞེ་ན། སྤྱོད་པ་དང་། སྤྱོད་ཡུལ་དང་། མཛའ་བ་དང་། གྲོགས་བྱེད་པ་དང་། ལུས་ཀྱི་ལས་དང་། ངག་གི་ལས་དང་། འཚོ་བ་དང་། མང་དུ་ཐོས་པ་རྣམས་སོ། །དེ་སྟེ་ཨུ་པཱ་ལི་གཟུ་བོ་འདུལ་
D7a.013.0064a05.01བ་འཛིན་པའང་འདི་སྙམ་དུ་གྱུར་ཏེ། ཚེ་དང་ལྡན་པ་འདི་ནི་སྡིག་པ་ཅན་ཏེ་སྡིག་པར་སྤྱོད་པ། མཛའ་བ་སྡིག་པ་ཅན། གྲོགས་པོ་སྡིག་པ་ཅན། ལུས་ཀྱི་ལས་སྡིག་པ་ཅན། ངག་གི་ལས་སྡིག་པ་ཅན། འཚོ་བ་སྡིག་པ་ཅན། ཐོས་པ་སྡིག་པ་ཅན་ཏེ། ཚེ་དང་
D7a.013.0064a06.01ལྡན་པ་འདིས་ནི་དག་པའི་དགེ་སློང་ལ་མ་རུང་བར་བྱེད་ནུས། དགེ་འདུན་ལ་ཡང་དེ་ལྟ་བུར་རྩོད་པ་འབྱིན་པར་ནུས་ཏེ། དེ་སྐད་དུ་མ་སྨྲ་ཤིག་ཅེས་བསྒོ་ཤིག །དེ་སྟེ་ཨུ་པཱ་ལི་གཟུ་བོ་འདུལ་བ་འཛིན་པས་འདི་སྙམ་དུ་གྱུར་ཏེ། ཚེ་དང་ལྡན་པ་འདི་ནི་དགེ་བ་ཅན་ཏེ།
D7a.013.0064a07.01