完整藏文原文 · 德格版页 当前仅加载第 13 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་ཏེ་སོང་ནས་དེ་ལ་བསྒོ་བ་དང་། དེ་ཡང་རྒྱན་ཐོགས་ཏེ་ཆས་མ་ཐག་ཏུ་ཁྱོ་འོངས་ནས་དེ་གཉིས་ཀྱི་དོན་མ་གྲུབ་བོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་སྦོམ་པོར་འགྱུར་རོ། །ཁྱིམ་བདག་གཉིས་ཤིག་མཛའ་སྟེ་དེ་གཉིས་ཀྱི་
D7a.013.0020b01.01ཆུང་མ་སྦྲུམ་པར་གྱུར་པ་དང་། དེ་སྟེ་ཁྱོད་ལས་བུ་མོ་ཞིག་བཙས་ཏེ་ཁོ་བོ་ལས་ཁྱེའུ་ཞིག་བཙས་ན་ཁྱོད་ཀྱི་བུ་མོ་ཁོ་བོའི་ཁྱེའུ་ལ་བྱིན་ཅིག །འོན་ཏེ་ཁོ་བོའི་བུ་མོ་ལ་ཁྱོད་ཀྱི་ཁྱེའུ་བཙས་ན་ནི་ཁྱོད་ཀྱི་ཁྱེའུ་ལ་སྦྱིན་ནོ། །དེ་ནས་གཅིག་ལ་ནི་ཁྱེའུ་ཞིག་བཙས། གཅིག་ལ་ནི་བུ་མོ་
D7a.013.0020b02.01ཞིག་བཙས་པ་དང་ཁྱིམ་བདག་དེ་དུས་ལས་འདས་སོ། །དེ་དུས་ལས་འདས་པས་ཁྱིམ་སྲིད་ཀྱང་དམས་པར་གྱུར་ཏེ། ཁྱིམ་བདག་དེས་བུ་མོ་མི་སྦྱིན་ནོ་སྙམ་དུ་བསམས་པ་དང་། ཁྱེའུ་དེས་ཐོས་ནས་དེ་ན་དགེ་སློང་ཞིག་གྲོང་གཞན་དུ་ཉེ་བར་འགྲོ་བ་ཡིན་ཏེ། གྲོང་དེར་ཕྱིན་པ་
D7a.013.0020b03.01དང་། དེ་ལ་ཁྱེའུས་སྨྲས་པ། འཕགས་པ་བུ་མོ་འདི་ཞེས་བགྱི་བ་ལ་ཁྱོད་བདག་གི་མ་དང་ཕ་གཉིས་ཀྱིས་མ་བཙས་པར་བདག་ལ་བྱིན་ན་བདག་ཀྱང་ལས་སྨིན་པས་ལོངས་སྤྱོད་དམས་པར་གྱུར་ཏེ། ལོངས་སྤྱོད་ལྟ་ད་རུང་ཡང་རྙེད་པར་འགྱུར་གྱིས་ད་ཡང་ཁོ་བོ་མ་བཏང་
D7a.013.0020b04.01ཤིག་ཅེས་ཕྲིན་བགྱི་བར་སྤྱོད་དམ། དེས་ནུས་སོ་ཞེས་སྨྲས་ནས་དེ་སོང་སྟེ་བསྒོ་བ་དང་། བུ་མོ་དེ་མ་དང་ཕའི་དྲུང་ནས་བྲོས་ཏེ་དེའི་དྲུང་དུ་སོང་ནས་དེ་གཉིས་འདུས་པར་གྱུར་ཏོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ལྷག་མའི་
D7a.013.0020b05.01ཉེས་པ་མེད་དེ། ཉེས་པ་སྦོམ་པོར་འགྱུར་རོ། །ཁྱིམ་བདག་ཅིག་གིས་བུད་མེད་ལ་ཁོ་མོ་ལ་འདི་བདག་གི་སྐབས་ཕྱེ་ཤིག་ཅེས་སྨྲས་པ་ན། དེས་བདག་མི་ཁོམ་མོ་ཞེས་སྨྲས་པ་དང་། ཁྱོད་ཇི་ཙམ་ན་ཁོམ་པ་བདག་གིས་ཇི་ལྟར་རྟོགས་པར་བྱ། ཁོ་མོ་ལ་གྲོང་དུ་ཉེ་བར་འགྲོ་
D7a.013.0020b06.01བའི་དགེ་སློང་ཞིག་ཡོད་ཀྱིས་དེར་རྒྱབ་ཏུ་ཁུ་ཚུར་ཅིག་བརྒྱབ་པ་ན་ཤེས་པར་མཛོད་ཅིག །དགེ་སློང་དེ་ཡང་གྲོང་དེར་འོངས་པ་དང་། བུད་མེད་དེས་སྨྲས་པ། འཕགས་པ་ཁྱིམ་བདག་འདི་ཞེས་བགྱི་བའི་རྒྱབ་ཏུ་ཁུ་ཚུར་ཅིག་མཛད་པར་སྤྱོད་དམ། དེས་ནུས་སོ་ཞེས་སྨྲས་ཏེ་སོང་
D7a.013.0020b07.01