完整藏文原文 · 德格版页 当前仅加载第 13 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
མི་རུང་ངོ་། །ཐལ་བར་རུང་བར་བྱས་ཏེ། ཟོས་ན་ཉེས་པ་མེད་དོ། །བཙུན་པ་མི་རུང་བའི་སྨན་ལས་འབྲུ་མར་བཙོས་པ་འཚལ་དུ་རུང་ངམ། ཨུ་པཱ་ལི་མི་རུང་སྟེ། མིག་གམ། རྣ་བའམ། སྣ་ལ་བསྐུས་ན་ཉེས་པ་མེད་དོ། །དགེ་སློང་རང་གིས་མེའམ་མཚོན་ནམ་སེན་མོས་ས་
D7a.013.0222b01.01བོན་དུ་འགྱུར་བ་རྣམ་པ་ལྔ་པོ་རུང་བར་བགྱིས་ན་རུང་བར་བགྱིས་པ་ཞེས་བགྱི་འམ། འཚལ་དུ་རུང་ངམ་རུང་སྟེ་མེས་རུང་བར་བྱ་བ་མ་གཏོགས་ཏེ། གང་རུང་བར་བྱེད་པ་དེ་ལ་ནི་ས་བོན་མ་རུང་བར་བྱས་པའི་ཉེས་པ་འབྱུང་བར་འགྱུར་རོ། །མི་རུང་བའི་སར་ཤིང་སྐྱེས་ལ་རུང་བའི་སར་འབྲས་བུ་
D7a.013.0222b02.01ལྟུང་ན་འཚལ་དུ་རུང་ངམ། ཨུ་པཱ་ལི་མི་རུང་ངོ་། །རུང་བའི་སར་ཤིང་སྐྱེས་ལ་མི་རུང་བའི་སར་འབྲས་བུ་ལྟུང་ན་འཚལ་དུ་རུང་ངམ། ཨུ་པཱ་ལི་རུང་སྟེ། ཞག་མ་ལོན་པར་གྱུར་པའོ། །མདོར་ན། རུང་བར་འགྱུར་བའི་ས་གཉིས་ཏེ། །བཟའ་བར་བྱ་བ་མ་ཡིན་དང་། །མི་ཡི་འོ་མར་རིག་
D7a.013.0222b03.01པ་དང་། །སྐྱུར་པོ་ཁུ་བར་གྱུར་པའོ། །རུང་བའི་ས་ན་ས་བོན་རྣམ་པ་ལྔ་པོ་དང་མི་མཆིས་ལ་མི་རུང་བའི་སར་རུང་བ་བགྱིད་པ་མཆིས་ཏེ། མེའམ་མཚོན་ཏམ་སེན་མོས་རུང་བར་བགྱིས་ན་རུང་བར་བགྱིས་པ་ཞེས་བགྱིའམ་མ་བགྱིས་པ་ཞེས་བགྱི། བྱས་པ་ཞེས་བྱའོ། །འཚལ་དུ་རུང་ངམ།
D7a.013.0222b04.01ཨུ་པཱ་ལི་མི་རུང་ངོ་། །རུང་བའི་ས་ན་དགེ་སློང་མཆིས་ཏེ། རུང་བའི་སར་ས་བོན་རྣམ་པ་ལྔ་པོ་ལ་མེའམ་མཚོན་ཏམ་སེན་མོས་རུང་བར་བགྱིས་ན་བགྱིས་པ་ཞེས་བགྱིའམ། མ་བགྱིས་པ་ཞེས་བགྱི། བྱས་པ་ཞེས་བྱའོ། །འཚལ་དུ་རུང་ངམ། ཨུ་པཱ་ལི་མི་རུང་སྟེ། མེས་མི་རུང་བར་བྱས་པ་མ་
D7a.013.0222b05.01གཏོགས་ཏེ། གང་རུང་བར་བྱེད་པ་ལ་ས་བོན་གྱི་གྲོང་བཤིག་པའི་ཉེས་པར་འགྱུར་རོ། །ཁུར་བླང་ངམ། མ་བསྲེགས་པའམ། ཁྲེའུའམ། སློ་མའི་ནང་དུ་བཞག་སྟེ་འཚལ་དུ་རུང་ངམ། ཨུ་པཱ་ལི་རུང་ངོ་། །མིའི་འོ་མ་འཚལ་དུ་རུང་ངམ། ཨུ་པཱ་ལི་མི་རུང་སྟེ། མིག་སྨན་དུ་དགོས་པ་ནི་
D7a.013.0222b06.01མ་གཏོགས་སོ། །དུས་མ་ལགས་པར་སྐྱུར་པོའི་ཁུ་བ་འཚལ་དུ་རུང་ངམ། ཨུ་པཱ་ལི་རུང་ངོ་། །མདོར་ན། མི་ཡི་ཤ་དང་ཆེད་དུ་ནི། །བསད་པར་གྱུར་པར་ཤེས་པ་དང་། །མི་རུང་བ་ཡི་ཤ་རྣམས་དང་། །འདི་རྣམས་ཀུན་ནི་བཟའ་མི་བྱ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་
D7a.013.0222b07.01