完整藏文原文 · 德格版页 当前仅加载第 13 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་རྗེས་སུ་འབྲང་བ་དང་། དད་པས་རྣམ་པར་གྲོལ་བ་དང་། ལྟ་བས་ཐོབ་པ་དང་། གོང་ནས་གོང་དུ་འགྲོ་བ་དང་། ཚེ་གཅིག་གིས་ཐོགས་པ་དང་། བར་མ་དོར་མྱ་ངན་ལས་འདའ་བ་དང་། སྐྱེས་མ་ཐག་ཏུ་མྱ་ངན་ལས་འདའ་བ་མངོན་པར་འདུ་བྱེད་པ་དང་བཅས་
D7a.013.0089b01.01པས་ཡོངས་སུ་མྱ་ངན་ལས་འདའ་བ་དང་། མངོན་པར་འདུས་མ་བྱས་པས་ཡོངས་སུ་མྱ་ངན་ལས་འདའ་བ་དང་། གོང་དུ་འཕར་བ་རྣམས་ཏེ་འདི་དག་ནི་སློབ་པ་{བཅྭ་,བཅོ་}བརྒྱད་ཅེས་བྱའོ། །མི་སློབ་པ་དགུ་གང་ཞེ་ན། ཆོས་འགྲིབས་པ་དང་། ཆོས་མ་འགྲིབས་པ་
D7a.013.0089b02.01དང་། གསང་བའི་ཆོས་དང་། རྗེས་སུ་སྲུང་བའི་ཆོས་དང་། མི་གཡོ་བར་འདུག་པ་དང་། སོ་སོར་རྟོགས་ནས་སྐལ་བ་ཅན་དུ་མི་འགྱུར་བ་དང་། མི་བསྐྱོད་པའི་ཆོས་དང་། ཤེས་རབ་ཀྱིས་རྣམ་པར་གྲོལ་བ་དང་། གཉིས་ཀའི་ཆ་ལས་རྣམ་པར་གྲོལ་བ་འདི་
D7a.013.0089b03.01དག་ནི་མི་སློབ་པ་དགུ་ཞེས་བྱའོ། །བཅོམ་ལྡན་འདས་ཀྱིས་དེ་སྐད་ཅེས་གསུངས་སོ། །བདེ་བར་གཤེགས་པས་དེ་སྐད་གསུངས་ནས། སྟོན་པས་ཡང་གསུངས་པ། ལུས་དང་ངག་ཡིད་དྲང་པོར་གྱུར་པ་ཡི། །སློབ་དང་མི་སློབ་འཇིག་རྟེན་འདི་ན་བཞུགས། །
D7a.013.0089b04.01དེ་དག་སྦྱིན་ཞིང་མཆོད་པར་འོས་པ་སྟེ། །མཆོད་པའི་ཞིང་རབ་དེར་བྱིན་འབྲས་བུ་ཆེ། །དེ་ནས་ཁྱིམ་བདག་མགོན་མེད་ཟས་སྦྱིན་རྒན་རིམས་ཀྱི་མདུན་དུ་འདུག་སྟེ། བརྗོད་པ་བསྐོས་ནས་འཕགས་པ་བརྗོད་པའི་ཚེ་འདི་སྐད་དུ་གང་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་
D7a.013.0089b05.01ལ་སྦྱིན་པར་རིགས་པ། རབ་ཏུ་སྦྱིན་པར་རིགས་པ། ཐལ་མོ་སྦྱར་བར་རིགས་པ། ཕྱག་བྱ་བར་རིགས་པ། བླ་ན་མེད་པའི་བསོད་ནམས་ཀྱི་ཞིང་འཇིག་རྟེན་གྱི་ཡོན་གནས་སུ་གྱུར་པ་གང་ཡིན་པ་དེ་དག་ལ་གོས་འདི་དག་འབུལ་གྱིས་ཅི་བདེར་བཞེས་ཤིག་ཅེས་གསུང་
D7a.013.0089b06.01ཤིག །དེ་ནས་དགེ་སློང་རྗོད་པར་བྱེད་པ་དེས་རྒན་རིམས་ཀྱི་མདུན་དུ་འདུག་ལ་འདི་སྐད་དུ་གསོན་ཅིག །བཙུན་པའི་དགེ་འདུན་རྣམས་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་སྦྱིན་པར་རིགས་པ། རབ་ཏུ་སྦྱིན་པར་རིགས་པ། ཐལ་མོ་སྦྱར་བར་རིགས་པ། ཕྱག་བྱ་
D7a.013.0089b07.01