完整藏文原文 · 德格版页 当前仅加载第 13 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
བཞག་ནས་ལྡང་བར་ཤེས་བཞིན་དུ་འདུ་ཤེས་བཞག་ནས་ཡིད་ལ་བྱེད་བཞིན་མཚན་མོ་ཟད་པའི་ཐོ་རངས་ཀྱི་ཚེ་རིངས་ཤིང་མྱུར་བར་ལོངས་ལ་དེ་ནས་སྐྱིལ་མོ་ཀྲུང་བཅས་ཤིང་ལུས་དྲང་པོར་བསྲངས་ཏེ་འདུག་ལ་སེམས་དྲན་པ་མངོན་དུ་བྱས་ཏེ་ལུས་འདིས་རེག་པར་བྱ་བ་བརྒྱད་སྤང་
D7a.013.0291a01.01བར་བྱ་སྟེ། འདི་ལྟ་སྟེ། ནད་དོ། །སྐྲན་ནོ། །དུག་གོ། །མཚོན་ནོ། །མི་རྟག་པའོ། །སྡུག་བསྔལ་བའོ། །སྟོང་པ་ཉིད་དོ། །བདག་མེད་པའོ་སྙམ་དུ་སོམས་ཏེ། དེ་ནས་ནམ་ནངས་ན་སོ་ཤིང་ཟོ་ལ་འོར་ཅིག །དེ་ནས་བྱ་བ་རྣམས་བྱོས་ལ་ཅི་དེང་དགེ་འདུན་གྱི་བཤོས་མགྲོན་དུ་
D7a.013.0291a02.01བཞུད་དམ། འོན་ཏེ་བསོད་སྙོམས་ལ་འཇུག་ཅེས་དྲིས་ཤིག །དེ་སྟེ་དགེ་འདུན་གྱི་བཤོས་མགོན་དུ་བཞུད་ན་དགེ་བའི་ཕྱོགས་ཅི་བདེར་སྤྱོད་ལ་བསོད་སྙོམས་གྱིས་ཤིག །དེ་སྟེ་བསོད་སྙོམས་ལ་འཇུག་ན་དེ་ནས་གྲོང་དང་། སྤྱོད་ཡུལ་དང་། དད་པའི་རིགས་གང་ཡིན་པ་དང་།
D7a.013.0291a03.01མ་དད་པའི་རིགས་གང་ཡིན་པ་དང་། རིགས་འདིར་བསླབ་པ་བྱིན་པ་མ་ཡིན་ནམ་ཞེས་དྲིས་ཤིག །ལྷུང་བཟེད་ཁས་ཕུབ་མ་ཡིན་ནམ་ཞེས་དྲིས་ཤིག །རྟ་མ་རུངས་པ་དང་། བ་ལང་མ་རུངས་པ་མེད་དམ་ཞེས་དྲིས་ཤིག །དེ་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཁྱེར་ཏེ།
D7a.013.0291a04.01ཤེས་བཞིན་དུ་བསོད་སྙོམས་ལ་འཇུག་པར་བྱའོ། །བསོད་སྙོམས་བསྐོར་ནས་ཟས་ཀྱི་བྱ་བ་བྱས་ཏེ། ཕྱིས་བསོད་སྙོམས་བླང་བ་དང་། ཟས་ཀྱི་བྱ་བ་སྤངས་ནས་ཆོས་གོས་དང་ལྷུང་བཟེད་བཞག་ནས་ཅི་བདེར་འདུག་པར་བྱ་བ་འདི་ནི་གློ་བུར་དུ་འོངས་པའི་བྱ་བ་ཞེས་བྱའོ། །གློ་བུར་དུ་འོངས་པའི་གནས་
D7a.013.0291a05.01བརྟན་གྱི་བྱ་བ་གང་ཞེ་ན། གློ་བུར་དུ་འོངས་པའི་དགེ་སློང་གནས་བརྟན་གྱིས་གློ་བུར་དུ་ལྷགས་པའི་དགེ་སློང་རྣམས་རིག་པར་བྱ། དེ་དག་ལའང་མདངས་བཟང་བར་བྱ། ཁྲོ་གཉེར་མེད་པར་བྱ། ཚིག་སྙན་པས་སྔར་དགེ་སློང་རྣམས་ལ་མགུ་བར་བྱ། གློ་བུར་དུ་ལྷགས་པའི་དགེ་སློང་རྣམས་
D7a.013.0291a06.01ཀྱི་ཕྱིར་མལ་སྟན་བརྙ་བར་བྱ། འདུག་འདུག་པ་ལས་མགྲོན་རྣམ་པ་ལྔར་བསྒོ་བར་བྱ་སྟེ། གཙུག་ལག་ཁང་དུ་གནས་ཁང་འདི་ཡིན་གྱིས་ལྟོས་ཤིག་ཅེས་བསྒོ་བ་དང་མལ་སྟན་འདི་ཡིན་ན་སྟན་ལྟོས་ཤིག་ཅེས་པ་དང་། ལྡེ་མིག་འདི་ཡིན་ནོ། །ཞེས་བསྒོ་ཞིང་གཏད་པ་དང་ལྔ་སྟེ། འདི་
D7a.013.0291a07.01