完整藏文原文 · 德格版页 当前仅加载第 13 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
བཀང་ངོ་། །དེ་དག་ཡིད་རབ་ཏུ་དགའ་ནས་མྱུར་ཞིང་{རིངས་སུ་,རིང་དུ་}དོང་སྟེ་ཡང་ཐོག་གི་སྟེང་དུ་འཛེགས་ཏེ་འཁོད་ནས་དེང་བདག་ཅག་བདེ་བར་འཁོད་དོ། །དགེ་སྦྱོང་གཽ་ཏ་མ་མེའི་དོང་གི་ནང་དུ་ཇི་ལྟར་ཚིག་པ་དང་། དུག་རྣོན་པོས་རབ་ཏུ་ཞེན་པ་དང་། ཡན་
D7a.013.0171a01.01མན་དུ་ས་ལ་ཇི་ལྟར་འགྱེལ་བ་དག་བལྟའོ། །དཔལ་སྦེད་ཀྱིས་གདན་བཏིང་ནས་བཅོམ་ལྡན་འདས་སྤྱན་འདྲེན་པས་དུས་གསོལ་ཏེ། གཽ་ཏ་མ་བཤོས་ཀྱང་སྦྱར་ལགས་ཀྱིས། ཀྱེ་གཽ་ཏ་མ་དུས་ལ་བབ་པར་དགོངས་ཤིག །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་
D7a.013.0171a02.01བོ་ལ་བཀའ་སྩལ་པ། ཀུན་དགའ་བོ་ཁྱོད་སོང་ལ་དགེ་སློང་དག་ལ་འདི་སྐད་དུ་དཔལ་སྦེད་ཀྱི་ཁྱིམ་དུ་དེ་བཞིན་གཤེགས་པ་མ་གཤེགས་པར་དགེ་སློང་སུ་ཡང་སྔར་མ་འདོང་ཤིག །བཙུན་པ་དེ་བཞིན་དུ་བགྱིའོ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ཏེ། དགེ་
D7a.013.0171a03.01སློང་དག་ལ་ཚེ་དང་ལྡན་པ་དག་བཅོམ་ལྡན་འདས་ཀྱིས་དཔལ་སྦེད་ཀྱི་ཁྱིམ་དུ་དེ་བཞིན་གཤེགས་པ་མ་གཤེགས་པར་སྔར་དགེ་སློང་སུ་ཡང་མ་འདོང་ཤིག་ཅེས་བཀའ་སྩལ་ཏོ་ཞེས་བསྒོའོ། །དེ་ནས་བཅོམ་ལྡན་འདས་སྔ་དྲོའི་དུས་ན་ཤམ་ཐབས་མནབས། ལྷུང་བཟེད་དང་། ཆོས་གོས་བསྣམས་
D7a.013.0171a04.01ཏེ། དགེ་སློང་མང་པོས་བསྐོར་ནས་དགེ་སློང་གི་དགེ་འདུན་གྱིས་མདུན་དུ་བྱས་ཏེ་དཔལ་སྦེད་ཀྱི་ཁྱིམ་གང་ན་བ་དེ་ལོགས་སུ་གཤེགས་སོ། །དེ་ནས་འོད་མའི་ཚལ་ན་གནས་པའི་ལྷ་བྲན་རྣམས་སྡུག་བསྔལ་ཞིང་ཡིད་མི་དགའ་བས་གཟིར་ཏེ། མྱུར་ཞིང་རིངས་པར་བཅོམ་ལྡན་འདས་གང་ན་
D7a.013.0171a05.01བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་གཏུགས་ཏེ་སྙིང་རྗེའི་ཚིག་གིས་འདི་སྐད་དུ་བཅོམ་ལྡན་འདས་དཔལ་སྦེད་ཀྱི་ཁྱིམ་དུ་གཤེགས་པའི་མི་རིགས་སོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལྷ་དེ་ན་གནོད་པ་ཅི་ཞིག་ཡོད། བཅོམ་
D7a.013.0171a06.01ལྡན་འདས་དཔལ་སྦེད་ནི་བཅོམ་ལྡན་འདས་ལ་མ་རུང་བར་བགྱི་བའི་སླད་དུ་བཤམས་སོ་ཞེས་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལྷ་དེ་བཞིན་གཤེགས་པ་ནི་གནོད་པ་ཐམས་ཅད་དང་བྲལ་ན་དེས་ང་ལ་གནོད་པ་ཅི་ཞིག་བྱར་ཡོད། ལྷ་བྲན་གྱིས་གསོལ་པ།
D7a.013.0171a07.01