完整藏文原文 · 德格版页 当前仅加载第 13 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
འཚོའི་བར་དུ་ལས་ཀྱི་རེས་སུ་མི་བསྐོ་སྟེ། ལས་གསར་གྱི་རབ་ཏུ་ལྡན་པ་དེ་ཡང་ཆོས་ལྔ་དང་ལྡན་པའི་དགེ་སློང་ལས་གསར་ལ་མ་བསྐོས་ན་ནི་མ་བསྐོ་ཤིག །བསྐོས་ན་ནི་ཕྱུང་ཤིག །ལྔ་གང་ཞེ་ན། མི་བརྩོན་པ་དང་། ལེ་ལོ་ཅན་དང་། ནན་ཏན་དུ་མི་བྱེད་པ་དང་། མྱུར་དུ་མི་བྱེད་པ་
D7a.013.0271b01.01དང་། ལས་གསར་པ་བྱས་པ་དང་མ་བྱས་པ་མི་ཤེས་པའོ། །ཆོས་རྣམ་པ་ལྔ་དང་ལྡན་པའི་དགེ་སློང་ལས་གསར་པ་བྱེད་པར་མ་བསྐོས་ན་ནི་བསྐོས་ཤིག །བསྐོས་ན་ནི་མ་ཕྱུང་ཤིག །ལྔ་གང་ཞེ་ན། བརྩོན་པ་ཅན་དང་། ལེ་ལོ་མེད་པ་དང་། ནན་ཏན་དང་ལྡན་པ་དང་།
D7a.013.0271b02.01མྱུར་བར་བྱེད་པ་དང་། ལས་གསར་པ་བྱས་པ་དང་མ་བྱས་པ་ཤེས་པའོ། །ལས་གསར་པ་བྱེད་པའི་དགེ་སློང་གིས་ཀྱང་གཙུག་ལག་ཁང་དུས་དུས་སུ་བྱུལ་ཅིག །ཅི་ནས་གཙུག་ལག་ཁང་ལས་བྱེད་པ་དེས་ཀུན་ཏུ་སྤྲོ་བར་བྱ་བ་ནི་ཇི་ལྟར་གཙུག་ལག་ཁང་ཐམས་ཅད་ལ་ལས་གསར་
D7a.013.0271b03.01པ་བྱས་པ་ཉམས་པར་མི་འགྱུར་བ་དེ་ལྟ་བུར་སྤྲོ་བ་བསྐྱེད་པར་བྱ་སྟེ། དེ་ལྟར་བྱས་ན་ནི་ལེགས། དེ་ལྟར་མ་བྱས་ན་འདས་པ་དང་བཅས་པར་འགྱུར་ཏེ། དེ་ལྟ་བུ་ནི་ལས་གསར་དུ་བྱེད་པ་དང་རབ་ཏུ་ལྡན་པ་ཞེས་བྱའོ། །ཕྱག་འཚལ་བའི་རབ་ཏུ་ལྡན་པ་གང་ཞེ་ན། བཅོམ་
D7a.013.0271b04.01ལྡན་འདས་ཀྱིས་དགེ་སློང་རྣམས་ལ་ཕྱག་འཚལ་བ་རྣམ་པ་གཉིས་གནང་སྟེ། དགེ་སློང་ལ་ཕྱག་བྱ་བ་དང་། སྟོན་པ་ལ་ཕྱག་བྱ་བའོ། །དགེ་སློང་གིས་ནི་ཇི་ལྟར་རྒན་རིམས་ཀྱི་དགེ་སློང་ལ་མངོན་དུ་ཚིག་སྙན་པ་དང་། ཕྱག་བྱ་བ་དང་། མངོན་དུ་ལྡང་བ་དང་། ཐལ་མོ་སྦྱར་བ་དང་།
D7a.013.0271b05.01ཕྱག་བྱ་བར་བྱ་སྟེ། མགོས་རྐང་པ་ལ་ཕྱག་བྱ་བ་དང་། ལག་པ་གཉིས་ཀྱིས་རྐང་པ་གཉིས་ནས་བཟུང་ཞིང་བཙིར་བའོ། །དེ་བཞིན་གཤེགས་པ་ལ་ནི་དཀྱིལ་འཁོར་ལྔས་ཕྱག་བྱ་སྟེ། དེ་ནི་ཕྱག་བྱ་བའི་རབ་ཏུ་ལྡན་པ་ཞེས་བྱའོ། །ཁུ་བ་སྐྱུར་པོའི་རབ་ཏུ་ལྡན་པ་གང་ཞེ་ན། ཁུ་བ་
D7a.013.0271b06.01སྐྱུར་པོ་ནི་དགེ་སློང་ན་བ་དང་། རླུང་ནད་ཅན་རྣམས་ལ་སྟེ། ཇི་ལྟར་ཚེ་དང་ལྡན་པ་ཤཱ་རིའི་བུ་ལ་གནང་བ་བཞིན་ནོ། །རྫས་གང་ལ་ཁུ་བ་སྐྱུར་པོ་བྱ་ཞེ་ན། རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། སྨན་དང་། ས་བོན་ཐམས་ཅད་དེ་དག་གཅིག་ཏུ་སྦངས་ནས་ནམ་སྐྱུར་བར་གྱུར་པ་དེ་ན་
D7a.013.0271b07.01