完整藏文原文 · 德格版页 当前仅加载第 13 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་ལས་བྱུང་བ་གཉིས་ཏེ་མི་དགེ་བ་དང་། ལུང་དུ་མི་སྟོན་པའོ། །གཞན་ཡང་ལུས་ལས་བྱུང་བ་གཉིས་ཏེ། དམིགས་པ་དང་། མི་དམིགས་པའོ། །ངག་ལས་བྱུང་བའང་གཉིས་ཏེ། ལྷག་མ་དང་བཅས་པ་དང་། ལྷག་མ་མ་ལུས་པའོ། །གཞན་ཡང་ངག་ལས་
D7a.013.0023b01.01བྱུང་བ་གཉིས་ཏེ། མི་དགེ་བ་དང་། ལུང་དུ་མི་སྟོན་པའོ། །གཞན་ཡང་ངག་ལས་བྱུང་བ་གཉིས་ཏེ། དམིགས་པ་དང་། མི་དམིགས་པའོ། །ཉེས་པ་ནི་གཉིས་ཏེ། ལུང་དུ་སྟོན་པ་དང་། ལུང་དུ་མི་སྟོན་པའོ། །གཞན་ཡང་ཉེས་པ་གཉིས་ཏེ། བསྒྲིབས་པ་དང་།
D7a.013.0023b02.01མ་བསྒྲིབས་པའོ། །མདོར་ན། གསོལ་བ་གཞག་པར་འོས་པ་དང་། །མ་གཞག་སླར་བསླང་དེ་བཞིན་ཏེ། །དབྱེ་བ་རྣམ་པ་ལྔར་བྱས་ནས། །ནར་མ་དག་དང་སྨྲ་བའོ། །ཉེས་པ་གཉིས་ཏེ། གསོལ་བར་བྱ་བ་དང་། གསོལ་བ་མེད་པའོ། །གཞན་ཡང་ཉེས་པ་གཉིས་
D7a.013.0023b03.01ཏེ། གཞག་པར་འོས་པ་དང་། མི་གཞག་པར་འོས་པའོ། །གཞན་ཡང་ཉེས་པ་གཉིས་ཏེ། གནང་བའི་ཁ་ན་མ་ཐོ་བ་དང་། མ་གནང་བའི་ཁ་ན་མ་ཐོ་བའོ། །གཞན་ཡང་ཉེས་པ་གཉིས་ཏེ། སླར་བསླང་དུ་ཡོད་པ་དང་། བསླང་དུ་མེད་པའོ། །གཞན་ཡང་ཉེས་པ་
D7a.013.0023b04.01གཉིས་ཏེ། འབྱེད་པར་བྱེད་པ་དང་། མི་འབྱེད་པར་བྱེད་པའོ། །འབྱེད་པར་བྱེད་པ་ཡང་གཉིས་ཏེ། ལྷག་མ་དང་བཅས་པ་དང་། ལྷག་མ་མ་ལུས་པའོ། །མི་འབྱེད་པར་བྱེད་པ་ལ་ཡང་གཉིས་ཏེ། མི་དགེ་བ་དང་། ལུང་དུ་མི་སྟོན་པའོ། །གཞན་ཡང་འབྱེད་པར་མི་བྱེད་
D7a.013.0023b05.01པ་ཡང་གཉིས་ཏེ། ལྷག་མ་དང་བཅས་པ་དང་། ལྷག་མ་མ་ལུས་པའོ། །གཞན་ཡང་ཉེས་པ་གཉིས་ཏེ། ནར་མ་དང་། སྐད་ཅིག་མའོ། །གཞན་ཡང་ཉེས་པ་གཉིས་ཏེ། སྨྲ་བ་དང་། མི་སྨྲ་བའོ། །མདོར་ན། ཀུན་ཏུ་དཀྲིས་དང་བསྒྲིབས་པ་མེད། །ཐུན་མོང་བ་དང་
D7a.013.0023b06.01བདུན་པོ་དང་། །སངས་རྒྱས་དུས་དང་ཡུལ་དག་དང་། །ཤིན་ཏུ་ཆགས་དང་ཕྱོགས་རྣམས་སོ། །ཉེས་པ་གཉིས་ཏེ། ཀུན་ཏུ་དཀྲིས་པ་དང་། མ་དཀྲིས་པའོ། །བསྒྲིབས་པར་འགྲོ་བ་དང་། མ་བསྒྲིབས་པར་འགྲོ་བའོ། །ཐུན་མོང་བ་དང་། ཐུན་མོང་མ་ཡིན་པའོ། །
D7a.013.0023b07.01