完整藏文原文 · 德格版页 当前仅加载第 13 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
སེན་མོའི་མཆོད་རྟེན་ལ་མཆོད་པ་དང་། བཀུར་སྟི་བྱོས་ཤིག་ཅེས་གསུངས་ན། དགེ་སློང་དག་གིས་མཆོད་རྟེན་ལ་མཆོད་པ་བྱེད་པ་ན་ཕུར་བུ་བཏབ་ནས་མེ་ཏོག་གི་ཕྲེང་བ་བཏགས་པ་དང་། བྲམ་ཟེ་དང་ཁྱིམ་བདག་དད་པ་དག་གིས་མཐོང་ནས་ཅིའི་ཕྱིར་འདི་ལྟར་
D7a.013.0120a01.01དགེ་སློང་དག་གིས་སྟོན་པའི་མཆོད་རྟེན་ཕུར་བུ་མེད་པ་ལ་ཕུར་བུ་བཏབ་ཅེས་ཕྱས་འདོགས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་དང་ཁྱིམ་བདག་འཕྱ་བ་ནི་ཡུས་ཏེ། དེ་ལྟ་བས་
D7a.013.0120a02.01ན་མཆོད་རྟེན་ལ་ཕུར་བུས་མ་བཏབ་པར་བ་ལང་གི་སོ་ལྟ་བུ་ཆུང་ངུས་ཐོབ་ཤིག །བཅོམ་ལྡན་འདས་ཀྱིས་བ་ལང་གི་སོ་ལྟ་བུ་ཆུང་ངུས་ཐོབ་ཤིག་ཅེས་བཀའ་སྩལ་པ་དང་། དགེ་སློང་དག་གིས་མཆོད་རྟེན་ལ་ཁུང་བུ་བརྐོས་ཏེ་བ་ལང་གི་སོ་ལྟ་བུ་འཛུགས་པ་ལ་ཞུགས་པ་
D7a.013.0120a03.01དང་། བཅོམ་ལྡན་འདས་ཀྱིས་མཆོད་རྟེན་ལ་ཁུང་བུ་བརྐོས་ཏེ་བ་ལང་གི་སོ་ལྟ་བུ་མ་གཟུགས་པར་མཆོད་རྟེན་རྩིག་པའི་ཚེ་ན་ཚུགས་ཤིག་ཅེས་བཀའ་སྩལ་ཏོ། །དགེ་སློང་དག་མཆོད་པ་བྱེད་པ་ན་མཆོད་རྟེན་ལ་འཛེགས་ནས་མེ་ཏོག་གི་ཕྲེང་བ་རྣམས་མགུར་ཆུའི་བྲེ་ལ་
D7a.013.0120a04.01འདོགས་པ་དང་། བྲམ་ཟེ་དང་ཁྱིམ་བདག་དག་གིས་མཐོང་ནས་ཅིའི་ཕྱིར་འདི་ལྟར་དགེ་སློང་དག་གིས་འདི་ལྟར་སྟོན་པའི་མཆོད་རྟེན་ལ་རྡོག་པས་རྫི་ཞིང་འདོང་ཞིང་འདོང་ཞེས་འཕྱས་འདོགས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་
D7a.013.0120a05.01ལྡན་འདས་ཀྱིས་བཀའ་སྩལ་པ། བྲམ་ཟེ་དང་ཁྱིམ་བདག་རྣམས་འཕྱ་བ་ནི་ཡུས་ཏེ། དེ་ལྟ་བས་ན་དགེ་སློང་དག་གིས་སྟོན་པའི་མཆོད་རྟེན་ལ་རྡོག་པས་རྫི་ཞིང་མ་འདོང་ཤིག །དེ་སྟེ་མཆོད་པའི་ཕྱིར་ན་ནི་ཁྱིམ་པས་འཛེགས་ཤིག །དེ་མེད་ན་དགེ་ཚུལ་པས་རྐང་པ་གཉིས་
D7a.013.0120a06.01ཁྲུས་ལ་དྲིས་བྱུག་གམ་གོས་ཀྱིས་དཀྲིས་ཏེ་འཛེགས་ཤིག །དེ་དག་ཀྱང་མེད་ན་དགེ་སློང་གིས་སྟོན་པར་འདུ་ཤེས་ཞོག་ལ་དུས་ལ་བབ་པར་སོམས་ཏེ་དེ་ལྟར་དེ་བཞིན་དུ་འཛེགས་ལ་དྲིའི་རི་མོ་བྱོས་ཤིག །མཆོད་རྟེན་ཆེ་སྟེ་འཛེག་མི་ནུས་པ་དང་། བཅོམ་ལྡན་འདས་ཀྱིས་བཀའ་
D7a.013.0120a07.01