完整藏文原文 · 德格版页 当前仅加载第 13 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
ཕས་ཕམ་པའི་ཉེས་པ་མེད་དེ། ཅི་ནས་ཀྱང་བག་ཡོད་པར་བྱས་ཏེ་བརྣངས་པ་ཡང་བྱུང་བར་གྱུར་ལ་དུས་ལས་ཀྱང་འདས་པར་མི་འགྱུར་བ་དེ་ལྟར་བསྣུན་པར་བྱའོ། །མདོར་ན། སྟན་གཉིས་པ་དང་ཕ་གཉིས་དང་། །གཞན་ཡང་བཏང་བ་གཉིས་པ་དང་། །འདྲ་བར་གྱུར་
D7a.013.0012b01.01པ་སྤྲེའུ་དང་ནི། །རྐུན་པོ་རྣམས་ལ་བསྡིགས་པའོ། །ཚེ་དང་ལྡན་པ་འཆར་ཀ་ནག་པོས་མ་བརྟགས་པར་སྟན་ལ་འདུག་པར་ནི་རྣམ་པར་འབྱེད་པ་ལས་ཇི་སྐད་དུ་རྒྱས་པར་འབྱུང་བ་བཞིན་ནོ། །སྦོམ་མོ་དགའ་ལྡན་མོ་ཡང་དེ་བཞིན་དུ་སྦྱར་རོ། །དགེ་སློང་ཞིག་གིས་
D7a.013.0012b02.01ཕ་ལམ་དུ་ཕུལ་ནས་དུས་ལས་འདས་པ་ཡང་རྣམ་པར་འབྱེད་པ་ལས་ཇི་སྐད་འབྱུང་བ་བཞིན་ནོ། །དགེ་སློང་རྒན་ཞུགས་ཕ་སྤད་གཉིས་ཤིག་ལྷན་ཅིག་ཏུ་ཛེ་ཏའི་ཚལ་དུ་དོང་བ་ལས་གཙུག་ལག་ཁང་གི་གྲོང་དུ་ཕྱིན་པ་དང་། ཕས་བུ་ལས་འདིར་གཟིག་རྣམས་ཀྱིས་འཇིགས་
D7a.013.0012b03.01པར་འགྱུར་གྱི་ནང་དུ་འཁོད་དོ་ཞེས་སྨྲས་པ་དང་། བུས་དེ་ལ་རྒན་ཞུགས་དེང་ཁྱིམ་པ་དང་ལྷན་ཅིག་ཏུ་འཁོད་ན་དེ་དག་དང་བདག་ཅག་ཏུ་བྱེ་བྲག་ཅི་ཡོད་ཅེས་སྨྲས་པ་དང་། བུ་ཁྱོད་ནི་མེལ་ཚེ་བྱོས་ཤིག་ཁོ་བོ་ཉལ་ལོ་ཞེས་སྨྲས་སོ། །དེ་ནས་རྒན་ཞུགས་དེ་ཉལ་བ་དང་།
D7a.013.0012b04.01དགེ་སློང་དེ་ཡང་ཉལ་ལོ། །རྒན་ཞུགས་དེ་སྔུར་པ་ཅན་ཞིག་སྟེ། དེའི་སྒྲས་གཟིག་འོངས་ནས་དེས་དེའི་མགོ་བོ་ནས་བཟུང་བ་དང་། དེས་སྒྲ་ཕྱུང་ནས་གཟིག་གིས་བཏང་སྟེ་བྲོས་སོ། །དགེ་སློང་དེས་མེ་མར་བླངས་ནས་བརྟགས་ན་དུས་ལས་འདས་ཏེ་འདི་སྙམ་
D7a.013.0012b05.01དུ་དེས་ནང་དུ་འཁོད་དོ་ཞེས་ཟེར་ན་ཡང་བདག་གིས་དེའི་ཚིག་མ་མཉན་པས་གང་ཅུང་ཟད་འདི་དུས་ལས་འདས་པར་གྱུར་པ་དེ་ཐམས་ཅད་ནི་བདག་གིས་ཉེས་སོ་སྙམ་སྟེ། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ།
D7a.013.0012b06.01མེལ་ཚེ་བྱོས་ཤིག །དགེ་སློང་ཞིག་གིས་གསད་སེམས་ཀྱིས་དགེ་སློང་ཞིག་འཇིགས་པ་དང་བཅས་པའི་གནས་སུ་བཏང་བ་དང་། དེ་དུས་ལས་འདས་ན་ཕས་ཕམ་པར་འགྱུར་རོ། །དུས་ལས་མ་འདས་ན་ཉེས་པ་སྦོམ་པོར་འགྱུར་རོ། །བཅོམ་ལྡན་འདས་གྲོང་ཁྱེར་
D7a.013.0012b07.01