完整藏文原文 · 德格版页 当前仅加载第 13 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
བླངས་པ་ཞེས་བགྱི། ཨུ་པཱ་ལི་མ་བླངས་པ་སྟེ། གདོད་ལོང་ཤིག །བཙུན་པ་མཚམས་སྔ་མ་མ་བཀྲོལ་བར་སླད་མ་དགུམ་དུ་རུང་ངམ། ཨུ་པཱ་ལི་མི་རུང་ངོ་། །གླེང་གཞིའི་ནང་ནས་སྒོ་དང་པོའི་མདོའི་ཚིགས་སུ་བཅད་པ་གསུམ་པའོ།། །།
D7a.013.0074b01.01འདུལ་བ་གཞུང་དམ་པ། བམ་པོ་སུམ་བཅུ་རྩ་གཅིག་པ། མདོར་ན། བསྐོར་བ་དང་ནི་འཇིག་པ་དང་། །ཤིང་དང་ས་ཡི་སྐྱེ་བ་དང་། །མི་འབྱུང་བ་དང་འབྱུང་བ་དང་། །འཆི་བ་ཡང་ནི་དེ་བཞིན་ནོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་
D7a.013.0074b02.01ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་པའི་ཚེ་ན། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་མཚམས་ལ་མཚམས་ཀྱིས་བསྐོར་དུ་རུང་ངམ། ཨུ་པཱ་ལི་དཀྱིལ་འཁོར་དང་། ཆུས་བསྐོར་བ་དང་། དགེ་སློང་མའི་
D7a.013.0074b03.01དབྱར་མོ་ཁང་མ་གཏོགས་པར་གཞན་མི་རུང་ངོ་། །མཚམས་ལ་མཚམས་ཀྱིས་གཞིག་ཏུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་རྣམ་པ་དུས་མཚམས་གཞིག་པར་འགྱུར། །ཨུ་པཱ་ལི་ལྔ་སྟེ། དགེ་འདུན་ཐམས་ཅད་ཀྱིས་བོར་ཏེ་དོང་བ་དང་། དགེ་འདུན་ཐམས་
D7a.013.0074b04.01ཅད་མཚན་འཕོས་པ་དང་། དགེ་འདུན་ཐམས་ཅད་སླར་བབས་པ་དང་། དགེ་འདུན་ཐམས་ཅད་དུས་བྱས་པ་དང་། གསོལ་བའི་ལས་དང་ལྔའོ། །བཙུན་པ་ཤིང་གཅིག་ལས་གཙུག་ལག་ཁང་གཉིས་ཀྱི་མཚམས་དགུམ་དུ་རུང་ངམ། ཨུ་པཱ་ལི་རུང་ངོ་། །དེ་བཞིན་
D7a.013.0074b05.01དུ་གཙུག་ལག་ཁང་གསུམ་མམ་བཞི་ཡང་རུང་སྟེ། ཤིང་ཉིད་ནི་གཅལ་བར་བྱོས་ཤིག །སངས་རྒྱས་བཅོམ་ལྡན་འདས་གཞོངས་ཀ་ཤིར་སྤྱད་པ་སྤྱོད་པ་ན་གནས་གཞན་ཞིག་ཏུ་འཛུམ་པ་མཛད་དོ། །ཆོས་ཉིད་ཀྱིས་ནམ་སངས་རྒྱས་བཅོམ་ལྡན་འདས་འཛུམ་པ་མཛད་པ་
D7a.013.0074b06.01དེའི་ཚེ་འོད་སྔོན་པོ། སེར་པོ། དམར་པོ། དཀར་པོའི་རྣམས་ཞལ་ནས་འབྱུང་སྟེ། ཁ་ཅིག་ནི་འོག་ཏུ་འགྲོ། ཁ་ཅིག་ནི་སྟེང་དུ་འགྲོ། འོག་ཏུ་སོང་བ་དེ་རྣམས་ནི་སེམས་ཅན་དམྱལ་བ་ཡང་འཚོ་དང་། ཐིག་ནག་པོ་དང་། ཀུན་དམྱལ་དང་། འོ་དོད་འབོད་པ་དང་།
D7a.013.0074b07.01