完整藏文原文 · 德格版页 当前仅加载第 13 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
གོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཐེག་ཤིག་དགེ་ཚུལ་ཕ་དག་ངལ་ནས་ཕོག་སྟེ་སླང་ཞེས་སྨྲས་པ་དང་། དགེ་སློང་དག་གིས་མ་ཕོག་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་
D7a.013.0188b01.01འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕོག་ཤིག་དགེ་ཚུལ་ཕས་མ་བཟུང་བཞིན་གདེག་པ་དང་། དབབ་པ་དག་བྱས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་ཚུལ་ཕས་མ་གཟུང་བར་གདེག་པ་དང་། དབབ་པ་མ་བྱེད་ཅིག །དགེ་
D7a.013.0188b02.01ཚུལ་ཕ་དག་གིས་བདག་ཅག་ཆད་དེ་ངལ་བསོས་ཁྱེད་ཀྱིས་ཅུང་ཞིག་ཁྱེར་ཅིག་ཅེས་སྨྲས་པ་དང་། དགེ་སློང་དག་གིས་མ་ཁྱེར་བ་དང་། བཅོམ་ལྡན་འདས་ཀྱིས་བཀའ་སྩལ་པ། ཐ་གུས་བཅིངས་ལ་ཐ་གུའི་རྩེ་མོ་དགེ་ཚུལ་ཕས་ཟུང་སྟེ་ཕྱི་བཞིན་འབྲང་དུ་ཆུག་ལ་དགེ་སློང་གིས་
D7a.013.0188b03.01ཁྱེར་ཅིག །དགེ་སློང་དག་ཐེ་ཚོམ་སྐྱེས་ནས་དེ་ལ་མི་ཟ་བ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལ་ཐེ་ཚོམ་དུ་མ་བྱེད་པར་ཟོ་ཤིག །དགེ་སློང་འགྲོན་པ་མང་པོ་དང་ལྷན་ཅིག་ཏུ་འགྲོགས་ཏེ་ལམ་དུ་ཞུགས་པ་དང་། འགྲོན་པ་མང་པོ་དག་རྐུན་པོས་བཅོམ་པ་དང་།
D7a.013.0188b04.01དགེ་ཚུལ་གྱིས་རྒྱགས་རྣམས་བོར་ནས་བྲོས་ཏེ་དོང་ངོ་། །དགེ་སློང་དག་གི་རྒྱགས་མ་ཁྱེར་ནས་དེ་ཉིད་ན་བོར་ཞིང་འདུག་པ་དང་། འགྲོན་པ་མང་པོ་དག་གིས་འཕགས་པ་ཁྱེད་ཀྱི་རྒྱགས་ནི་རྐུན་པོས་མ་ཁྱེར་རོ་ཞེས་སྨྲས་པ་དང་། དགེ་སློང་དག་དགེ་ཚུལ་ཕ་དག་ལ་དེང་ལ་རྒྱགས་
D7a.013.0188b05.01ལོང་སྟེ་ཤོག་ཤིག་ཅེས་སྨྲས་པ་དང་། དེ་དག་སྐྲག་ནས་འདོང་དུ་མ་བཏུབ་སྟེ་ཁྱེད་ཉིད་ཅིའི་ཕྱིར་མི་འདོང་། ངེད་ཅག་རྐུན་པོས་གསད་མེད་ཅེས་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D7a.013.0188b06.01ལོང་ལ་གཟོད་དགེ་ཚུལ་ཕས་བྱིན་ཅིག །དགེ་སློང་དག་གིས་ཐེ་ཚོམ་སྐྱེས་ནས་དེ་དག་མ་ཟོས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལ་ཐེ་ཚོམ་དུ་མ་བྱེད་པར་ཟོ་ཤིག །ཀླུང་རྒལ་བར་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་ཚུལ་ཕ་དག་
D7a.013.0188b07.01