完整藏文原文 · 德格版页 当前仅加载第 13 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བཞིན་བགོ་ཞིང་སྦྱིན་པར་བྱ། དེས་ཟས་ཀྱི་འོག་ཏུ་འོངས་ན་བཏུང་བ་དང་། བུ་རམ་དང་། ཤ་ཁ་ར་དང་། ཧྭགས་དང་། ཧ་སེ་རྣམས་ཅི་འབྱོར་པ་སྦྱིན་ཞིང་ཚིམ་པར་བྱ། ནུབ་མོ་མལ་སྟན་ཀྱང་བགོ་ཞིང་སྦྱིན་པར་བྱ། རྐང་པ་བཀྲུ་བ་དང་། རྐང་པ་བསྐུ་བ་
D7a.013.0289a01.01ཡང་སྦྱིན་པར་བྱ། ཀུན་དགའ་ར་བའི་ཕྱིར་འབྱུང་བ་དང་། ནང་དུ་འཇུག་པ་དང་། ཉེ་འཁོར་དང་། བཤང་བའི་ས་དང་། གཅི་བའི་ས་དང་། སྐས་ཀ་དང་། ཐེམ་སྐས་དང་། གཅད་པ་དང་། དབྱེ་བའི་རྣམས་སོ་སོར་སྟོན་ཅིག །དགེ་འདུན་གྱི་བྱ་བ་བཅས་པ་རྣམས་
D7a.013.0289a02.01ཀྱང་སྒྲོགས་ཤིག །དེ་སྟེ་བསོད་སྙོམས་པ་ཞིག་ཡིན་ན་ཡང་སྤྱོད་ཡུལ་རྣམས་རིག་པར་སྟོན་ཅིག །འོངས་པ་ལ་ཡང་ཁ་ཟས་དང་སྐོམ་རྣམས་སྦྱར་བར་བྱ། དེ་སྟེ་འདུག་པར་གྱུར་ན་དེ་ལ་དྲིས་ཏེ་གནས་པར་གྱུར་ན། གནས་ཁང་དང་། ཁང་བུ་བརྩེགས་པ་ཡང་རུང་དབེན་
D7a.013.0289a03.01པར་རུང་བ་བྱིན་ཅིག །དེ་སྟེ་འགྲོ་བར་གྱུར་ན་རབ་ཏུ་མགུ་བར་བྱས་ལ་ཕྱི་བཞིན་དུ་བསྐྱལ་བར་གྱིས་ཤིག །དེ་སྟེ་ཁྱིམ་པ་དག་ལྷགས་ན་ཡང་གྲོང་འདབ་པའི་དགེ་སློང་གིས་མགུ་བའི་བཞིན་དང་། ཁྲོ་གཉེར་མེད་པར་གྱིས་ལ་མདུན་དུ་བསུ་སྟེ་ཚིག་སྙན་པར་གྱིས་ཤིག །སྟན་ཐིང་
D7a.013.0289a04.01ཤིག །དེ་སྟེ་ཁ་ཟས་དང་སྐོམ་དགོས་ན་ཡང་བྱིན་ཅིག །ཉལ་ན་ཡང་མལ་སྟན་བྱིན་ཅིག །དེ་སྟེ་ཆོས་ཉན་པར་འདོད་ན་དེས་ནུས་ན་བདག་ཉིད་ཀྱིས་ཆོས་ཀྱི་གཏམ་བྱོས་ཤིག །དེ་སྟེ་བདག་ཉིད་ཀྱིས་མི་ནུས་ན་དགེ་སློང་གཞན་སྐོས་ཏེ་ཆོས་ཀྱི་གཏམ་སྒྲོགས་ཤིག །གྲོང་
D7a.013.0289a05.01མཐའི་དགེ་སློང་གིས་བྲམ་ཟེ་དང་ཁྱིམ་བདག་གི་རྣམས་འོངས་ཤིང་ལྷགས་པ་ལ་སྦྱིན་པ་དང་། སྦྱིན་པ་ལ་འཇུག་པ་དང་། སྐྱབས་སུ་འགྲོ་བ་དང་། བསླབ་པའི་གཞི་འཛིན་པར་བསྟབས་པར་བྱོས་ཤིག །སྤོས་དང་། དྲི་དང་། མེ་ཏོག་ཀྱང་སྦྱིན་པར་བྱོས་ཤིག །མཆོད་
D7a.013.0289a06.01རྟེན་ལ་སྐོར་ཞིང་ཕྱག་འཚལ་དུ་ཆུག་ཤིག །ཅི་ནུས་སུ་བསླབས་བསྟན་ཏེ་གཏང་བར་བྱས་ཏེ་འདི་ནི་གྲོང་འདབ་ཀྱི་བྱ་བ་ཞེས་བྱའོ། །གྲོང་འདབ་ཀྱི་གནས་བརྟན་གྱི་བྱ་བ་གང་ཞེ་ན། གྲོང་འདབ་ཀྱི་གནས་བརྟན་གྱིས་བྱ་བ་དེ་འདི་ལྟ་བུ་ལ་འཇུག་པར་བྱའོ། །དགེ་སློང་གསར་བུ་དེ་ན་གང་
D7a.013.0289a07.01