完整藏文原文 · 德格版页 当前仅加载第 13 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
བཟེད་བསྡུ་བ་དང་། ཆོས་གོས་བསྡུ་བ་དང་། སྨན་བསྡུ་བ་དང་། ཟང་ཟིང་བསྡུ་བ་དང་། མལ་སྟན་བསྡུ་བ་དང་། མདོ་སྡེ་བསྡུ་བ་དང་། འདུལ་བ་བསྡུ་བ་དང་། མ་ལྟ་བུ་བསྡུ་བ་དང་། ཡོངས་སུ་དག་པ་བསྡུ་བ་དང་། ཉེས་པ་ལས་ལྡང་བ་བསྡུ་བའོ། །སྦྱིན་པ་བཅུ་སྟེ།
D7a.013.0042b01.01ལྷུང་བཟེད་སྦྱིན་པ་དང་། ཆོས་གོས་སྦྱིན་པ་དང་། སྨན་སྦྱིན་པ་དང་། ཟང་ཟིང་སྦྱིན་པ་དང་། མལ་སྟན་སྦྱིན་པ་དང་། མདོ་སྡེ་སྦྱིན་པ་དང་། འདུལ་བ་སྦྱིན་པ་དང་། མ་ལྟ་བུ་སྦྱིན་པ་དང་། ཡོངས་སུ་དག་པ་སྦྱིན་པ་དང་། ཉེས་པ་ལས་ལྡང་བ་སྦྱིན་པ་སྟེ། འདི་དག་
D7a.013.0042b02.01ཀྱང་བསྡུ་བའི་དངོས་པོ་བཅུ་པོར་ཤེས་པར་བྱའོ། །འདུལ་བ་འཛིན་པའི་གང་ཟག་ལ་ཡོན་ཏན་བཅུ་སྟེ། བྱུང་བ་ཤེས་པ་དང་། བཅས་པ་ཤེས་པ་དང་། རྗེས་སུ་བཅས་པ་ཤེས་པ་དང་། མི་གནང་བར་ཤེས་པ་དང་། རྗེས་སུ་གནང་བར་ཤེས་པ་དང་། ངའི་ཕྱོགས་
D7a.013.0042b03.01དེར་སྣང་བར་གྲགས་པ་དང་། སྣང་བར་གྱུར་པ་དང་། རབ་ཏུ་སྣང་བར་གྱུར་པ་དང་། ངའི་ཕྱོགས་དེ་མ་སྟོངས་པར་གྲགས་པ་དང་། འདུལ་བ་འཛིན་པའི་གང་ཟག་དེ་ལྟ་བུ་ཕྱོགས་གང་ན་གནས་པ་དེའི་ཕྱོགས་སུ་དེ་བཞིན་གཤེགས་པ་ཕྲིན་ལས་ཆུང་བར་འགྱུར་རོ། །མདོར་
D7a.013.0042b04.01ན། ཆད་པའི་ལས་དང་མངོན་སུམ་དུ། །བར་ཆད་བསྙེན་པར་རྫོགས་པ་དང་། །གླེང་བ་དག་དང་བཞི་པ་དང་། །ཡིད་དུ་འོང་དང་རྣམ་དྲུག་གོ། །ཆད་པའི་ལས་བཅུ་སྟེ། བསྡིགས་པ་དང་། སྨད་པ་དང་། བསྐྲད་པ་དང་། བསྡུམ་པ་དང་། མ་མཐོང་ཞེས་བྱ་བའི་
D7a.013.0042b05.01གཞི་ནས་བསླང་བའི་ཆད་པ་དང་། གནས་ནས་དབྱུང་བ་དང་། གསོ་སྦྱོང་གཞག་པ་དང་། དགག་དབྱེ་གཞག་པ་དང་། གསོལ་བར་བརྗོད་པ་གཞག་པ་དང་། ཡིད་མགུ་བ་དང་བཅུའོ། །མངོན་སུམ་དུ་གྱུར་ནས་བསྙེན་པར་རྫོགས་པར་འགྱུར་བ་བཅུ་སྟེ། སྟོན་པ་
D7a.013.0042b06.01མངོན་སུམ་དུ་གྱུར་ནས་བསྙེན་པར་རྫོགས་པར་འགྱུར་བ་དང་། སངས་རྒྱས་མངོན་སུམ་དུ་གྱུར་པ་དང་། ཆོས་མངོན་སུམ་དུ་གྱུར་པ་དང་། མཁན་པོ་མངོན་སུམ་དུ་གྱུར་པ་དང་། སློབ་དཔོན་མངོན་སུམ་དུ་གྱུར་པ་དང་། བསྙེན་པར་རྫོགས་པར་འདོད་པ་མངོན་སུམ་དུ་གྱུར་
D7a.013.0042b07.01