完整藏文原文 · 德格版页 当前仅加载第 13 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྟེ། དེ་བས་ན་དགེ་སློང་དག་སེང་གེ་ལྟ་བུས་ཝ་འདྲ་བའི་ལས་མ་བྱེད་ཅིག །བྱས་ན་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་སེང་གེ་འདྲ་བས་ཝ་ལྟ་བུའི་ལས་མ་བྱེད་ཅིག་ཅེས་བཀའ་སྩལ་པ་དང་། མཉན་དུ་ཡོད་པ་ན་ཁྱིམ་
D7a.013.0103a01.01བདག་གཞན་ཞིག་དེ་དང་རིགས་མཉམ་པ་ལས་ཆུང་མ་ཞིག་བླངས་ཏེ། དེ་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེས་རྩེ་དགའ་ཡོངས་སུ་སྤྱད་པ་ལས་དུས་ཕྱི་ཞིག་ན་ཆུང་མ་སེམས་ཅན་དང་ལྡན་པར་གྱུར་ནས། དེ་ལ་ཟླ་བ་བརྒྱད་དམ་དགུ་འདས་པ་དང་བུ་བཙས་
D7a.013.0103a02.01ནས་བུ་ཕོ་ཞིག་བྱུང་སྟེ། དེ་གཟུགས་ལེགས་པ་བལྟ་ན་སྡུག་ཅིང་མཛེས་པ་ཡན་ལག་ཐམས་ཅད་དང་ལྡན་པ་ཞིག་ནས་དེ་བཙས་པའི་བཙས་སྟོན་ཆེན་པོ་བྱས་ནས་མིང་བཏགས་སོ། །དེ་བསྲིངས་བསྐྱེད་ནས་ཆེར་གྱུར་པ་དང་། དེ་དུས་ཕྱི་ཞིག་ན་ཛེ་ཏའི་ཚལ་དུ་སོང་སྟེ།
D7a.013.0103a03.01ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་དེ་མཛོད་གསུམ་དང་ལྡན་པར་གྱུར་ཏེ། དེས་འདི་སྙམ་དུ་བཅོམ་ལྡན་འདས་ཀྱིས་དགེ་སློང་དག་བུའི་ཕ་མ་ནི་དཀའ་བར་བྱ་བ་བྱེད་དེ། ཕན་པར་བྱེད་པའོ། །གསོ་བར་བྱེད་པའོ། །སྐྱེད་པར་བྱེད་པའོ། །ནུ་མ་སྣུན་
D7a.013.0103a04.01པར་བྱེད་པའོ། །འཛམ་བུའི་གླིང་སྣ་ཚོགས་པ་སྟོན་པར་བྱེད་པ་ཡིན་ཏེ། བུས་ཕྲག་པ་གཅིག་ལ་ནི་མ། གཉིས་པ་ལ་ནི་ཕ་ཁྱེར་ཏེ་ལོ་བརྒྱ་ཚང་གི་བར་དུ་ཁྱེར་རམ། ཡང་ན་ས་གཞི་ཆེན་པོ་ནོར་བུ་དང་། མུ་ཏིག་དང་། བཻ་ཌཱུརྱ་དང་། དུང་དང་། ཤེལ་དང་། གསེར་
D7a.013.0103a05.01དང་། དངུལ་དང་། ཨ་སྨ་གར་བ་དང་། སྤུག་དང་། གཡས་ཕྱོགས་སུ་འཁྱིལ་བ་དེ་ལྟ་བུ་དག་གིས་དབང་པོར་བཅུག་གམ་དབང་ཕྱུག་ཏུ་བཅུག་ཀྱང་དེས་ནི་ཕ་དང་མ་ལ་བུས་ཕན་བཏགས་པའམ་ཉེ་བར་ཕན་བཏགས་པར་མི་འགྱུར་གྱི། གང་གིས་ཕ་མ་དད་པ་
D7a.013.0103a06.01མེད་པ་དད་པ་ཕུན་སུམ་ཚོགས་པར་བྱས་སམ། ཡང་དག་པར་བསྐུལ་ཏམ། དུལ་བར་བྱས་སམ། འཇུག་པར་བྱས་སམ། སོ་སོར་བཀོད་དམ། ཚུལ་ཁྲིམས་ངན་པ་ལས་ཚུལ་ཁྲིམས་ཕུན་སུམ་ཚོགས་པར། སེར་སྣ་ཅན་ལས་གཏང་བ་ཕུན་སུམ་ཚོགས་པར།
D7a.013.0103a07.01