完整藏文原文 · 德格版页 当前仅加载第 13 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
ནུས་པ་ཞིག་ཏུ་གྱུར་ན་དགེ་སློང་དེ་དག་གིས་དགེ་སློང་དེ་ཕྲག་པའམ་ཁུར་དུ་ཁྱེར་ཏེ། དགོན་པ་དེ་ལས་ཕྱུང་ལ་གྲོང་འདབ་ཏུ་ཕྱིན་པར་གྱིས་ཤིག །དགེ་སློང་དེ་ལ་ཉེ་གནས་ཀྱི་དགེ་སློང་དེ་ཡང་བྱིན་ཅིག །ཉེ་གནས་དགེ་སློང་དེས་ཀྱང་དེའི་ཟན་དང་སྨན་
D7a.013.0293a01.01གཞན་ལས་ཚོལ་ཅིག །དེ་སྟེ་ལམ་དེ་འཇིགས་པ་དང་བཅས་པར་གྱུར་ན་རིངས་ཤིང་མྱུར་བར་དོང་སྟེ། དེ་ནས་བྱུང་བ་དང་ངལ་བསོ་བར་གྱིས་ཤིག །དེ་སྟེ་ཡང་ནུས་པར་གྱུར་ན་ནི་གང་ན་ཆུ་འགྲམ་མམ། ནགས་མཐའའམ། གསང་མ་སྔོན་པོའམ། ས་ཕྱོགས་
D7a.013.0293a02.01གར་དགའ་བ་ཞིག་ཏུ་རྟོགས་ཏེ་དགེ་སློང་རྣམས་ངལ་བསོར་གཞུག་པར་བྱ། ངལ་བསོས་ནས་ཀྱང་འདོང་བར་བྱ་སྟེ། དགེ་སློང་གནས་བརྟན་གྱིས་དེ་དག་ཀུན་ལ་ཀྱེ་ཐམས་ཅད་ཀྱིས་ཀྱང་འདིར་སྦྱིན་པའི་ཡོན་ཏན་རེ་རེ་རྗོད་ཅིག་ཅེས་བསྒོ་བར་བྱ། དགེ་སློང་ཐམས་ཅད་ཀྱིས་
D7a.013.0293a03.01སྦྱིན་པའི་ཡོན་ཏན་གྱི་ཚིགས་བཅད་བཀླགས་ཟིན་པ་དང་། དགེ་སློང་གནས་བརྟན་གྱིས་མཇུག་ཏུ་བྱིན་པའི་ཡོན་ཏན་གྱི་ཚིགས་བཅད་ལྷོགས་ཏེ་ས་ཕྱོགས་སུ་ལན་གཉིས་སམ་གསུམ་བརྟགས་ཏེ་འགྲོ་བར་བྱའོ། །གྲོང་འདབ་ཏུ་ཕྱིན་ན་ཡང་དེས་དགེ་སློང་རྣམས་ཀྱི་ཕྱིར་གནས་
D7a.013.0293a04.01བཙལ་བར་བྱ། མལ་སྟན་བཙལ་བར་བྱ། ཡང་ན་རྩྭ་དང་ལོ་མ་བཙལ་ཏེ། དེ་སྟེ་ཡང་འབྱོར་པར་གྱུར་ན་རྐང་པ་བཀྲུ་བ་དང་། རྐང་པ་བསྐུ་བ་དང་། བཙགས་པའི་བཏུང་བ་དང་། བུ་རམ་དང་། ཁན་ད་ལ་སོགས་པ་བསླང་བར་བྱའོ། །གཅི་བ་དང་བཤང་བའི་ས་
D7a.013.0293a05.01ཡང་དྲིས་བརྟགས་ལ་མཚན་མོ་གནས་པར་བྱའོ། །ཁྱིམ་གྱི་ལྷ་རྣམས་ཀྱི་ཕྱིར་ཡང་རྐྱང་པ་གསུམ་དང་། སྦྱིན་པའི་ཡོན་ཏན་བརྗོད་པར་བྱ། དེར་གནས་ན་ཡང་དགེ་སློང་གནས་བརྟན་གྱིས་དེ་དག་གི་ཟན་དང་ཐུག་པ་དང་སྐྱོ་མ་རྣམས་བསྟབས་ཤིང་བཙལ་ནས་དགེ་སློང་རྣམས་ལ་
D7a.013.0293a06.01བསྙོད་པར་བྱ། དེ་ན་དགེ་སློང་གསར་བུ་འཁོད་པ་རྣམས་ལ་སྨྲ་བར་བྱ། ཡང་དག་པར་སྨྲ་བར་བྱ། ཀུན་ཤེས་པར་བྱ། རྟོགས་པར་བྱ། བསྟན་པར་བྱ། རྗེས་སུ་བསྟན་པར་བྱ་སྟེ། ཅི་ནས་དེ་དག་དྲེགས་པ་ཅན་དང་། མི་རིགས་པ་དང་། རྩེད་མོ་ལས་བཟློག་པར་བྱ།
D7a.013.0293a07.01