完整藏文原文 · 德格版页 当前仅加载第 13 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་བཀའ་སྩལ་པ། ཐམས་ཅད་ཀྱིས་མ་བགྲང་བར་དགེ་འདུན་གྱི་གནས་བརྟན་དང་། གཙུག་ལག་ཁང་སྐྱོང་གཉིས་ཀྱིས་གྲོངས་ཤིག །དགེ་འདུན་གྱི་གནས་བརྟན་དང་། ཁང་སྐྱོང་གཉིས་ཀྱིས་ཀྱང་མ་དྲན་ནས་དེ་དག་ཉེས་པའི་
D7a.013.0072a01.01དམིགས་སུ་གྱུར་པ་དང་། དེ་ལྟར་གྱུར་པ་དགེ་སློང་དག་གིས། བཅོམ་ལྡན་འདས་ལ་གསོལ་པ་དང་། འཇིམ་པའི་རིལ་བུ་བཅོ་ལྔ་བྱོས་ལ་སྲད་བུ་ལ་བརྒྱུས་ཏེ་ཞོག་ལ་ཉིན་རེ་རེ་ཞིང་དྲང་བར་གྱིས་ཤིག །སྲད་བུ་འཕྱོངས་པར་གྱུར་པ་དང་། བཅོམ་ལྡན་འདས་ཀྱིས་འོད་
D7a.013.0072a02.01མའི་བྱང་བུ་བཅོ་ལྔ་བྱོས་ལ་སྲད་བུ་ལ་བརྒྱུས་ཏེ་ཞོག་ལ་དེ་ལ་ཉིན་གཅིག་རེ་རེ་བཞིན་དྲོངས་ཤིག་ཅེས་གསུངས་པ་དང་། དགེ་སློང་ཐམས་ཅད་ཀྱིས་དེ་བཞིན་དྲངས་པ་དང་། དྲན་པ་ཉམས་པར་གྱུར་ཏེ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་གནས་བརྟན་
D7a.013.0072a03.01གྱིས་དྲང་བར་གྱིས་ཤིག །བྲམ་ཟེ་དང་ཁྱིམ་བདག་དག་གིས་ཀྱང་དེར་འོངས་ནས་འཕགས་པ་དེ་རིང་ཚེས་གྲངས་དུ་ཞེས་དྲིས་པ་དང་། དགེ་སློང་དག་གིས་དགེ་འདུན་གྱི་གནས་བརྟན་དང་། ཁང་སྐྱོང་གིས་ཤེས་སོ་ཞེས་དེར་གཏད་པ་དང་། དེ་དག་གིས་སྨྲས་པ།
D7a.013.0072a04.01འཕགས་པ་དེ་དག་ཁྱེད་ཀྱི་ཚེས་གྲངས་ཀྱི་མཛོད་པ་ཡིན་ནམ། ཁྱེད་ལ་དྲིས་ན་ཅིའི་ཕྱིར་གཞན་ལ་གཏོད། ཁྱེད་ཅག་ཉིད་ཀྱིས་སྨྲོས་ཤིག །དེ་དག་ལ་ལན་མེད་ནས་ཅང་མི་ཟེར་བར་འཁོད་དོ། །བྲམ་ཟེ་དང་ཁྱིམ་བདག་རྣམས་འཕྱ་ཞིང་གཙུག་ལག་ཁང་ནས་བྱུང་
D7a.013.0072a05.01སྟེ་དོང་ངོ་། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། བྲམ་ཟེ་དང་ཁྱིམ་བདག་དག་འཕྱ་བ་ནི་ཡུས་ཏེ། དེ་བས་ན་དགེ་འདུན་གྱི་ནང་དུ་ཚེས་གྲངས་བརྗོད་པར་བྱའོ་སྙམ་དུ་དགོངས་ནས། དགེ་
D7a.013.0072a06.01སློང་རྣམས་ལ་བཀའ་སྩལ་པ། བྲམ་ཟེ་དང་ཁྱིམ་བདག་རྣམས་འཕྱ་བ་ནི་ཡུས་ཀྱིས། དེ་ལྟ་བས་ན་དགེ་འདུན་གྱི་ནང་དུ་ཚེས་གྲངས་བརྗོད་པར་གྱིས་ཤིག །བཅོམ་ལྡན་འདས་ཀྱིས་དགེ་འདུན་གྱི་ནང་དུ་ཚེས་གྲངས་བརྗོད་པར་གྱིས་ཤིག་ཅེས་བཀའ་སྩལ་པ་དང་།
D7a.013.0072a07.01