完整藏文原文 · 德格版页 当前仅加载第 13 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པར་བྱས་ཀྱང་ཉེས་པར་མི་འགྱུར་རོ། །ལས་རྣམ་པ་དུས་ན་ཐམས་ཅད་འདུས་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རྣམ་པ་གསུམ་སྟེ། གསོལ་བ་དང་། གསོལ་བ་དང་གཉིས་དང་། གསོལ་བ་དང་བཞིའི་ལས་སོ། །བཙུན་པ་བཅོམ་ལྡན་འདས་ཀྱིས་
D7a.013.0219b01.01ལས་བརྒྱ་རྩ་གཅིག་གོ་ཞེས་བཀའ་སྩལ་ན། དེ་དག་ལས་གསོལ་བའི་ལས་ཀྱིས་ནི་དུ་བསྡུས། གསོལ་བ་དང་གཉིས་པས་དུ། གསོལ་བ་དང་བཞི་པས་དུ། བཅོམ་ལྡན་འདས་ཀྱིས་བཀའ་སྩལ་པ། གསོལ་བའི་ལས་ཀྱིས་ནི་ཉི་ཤུ་རྩ་བཞིའོ། །གསོལ་བ་དང་གཉིས་ཀྱིས་ནི་
D7a.013.0219b02.01བཞི་བཅུ་རྩ་བདུན་ནོ། །གསོལ་བ་དང་བཞིས་ནི་སུམ་བཅུའོ། །ཚིག་ཏུ་ཡང་མི་སྨྲ། ལུས་ཀྱིས་ཀྱང་མ་སྩལ་ཀྱང་། དགེ་སློང་དུ་མི་རུང་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་དགེ་སློང་མས་དགེ་སློང་མའི་ཕས་ཕམ་པའི་ལྟུང་བ་བྱུང་
D7a.013.0219b03.01བར་མཐོང་ལ་བཅབས་ཏེ་སྐྱ་རེངས་ཤར་ན་ཕས་ཕམ་པར་འགྱུར་རོ། །དགེ་སློང་གིས་ཉེས་པའི་ཕུང་པོ་བཞི་བྱུང་ལ་མ་བཤགས། སླར་ལས་མ་བགྱིས་པར་ཕྱིན་ཅིང་ནོངས་པ་མ་མཆིས་པར་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། མཚན་འཕོས་པའོ། །
D7a.013.0219b04.01དགེ་སློང་མས་ཉེས་པ་སྡེ་ལྔ་བྱུང་ལ་མ་བཤགས་སམ། སླར་ལས་མ་བགྱིས་ཀྱང་ཕྱིན་ཅིང་ནོངས་པར་མི་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། མཚན་འཕོས་པའོ། །དགེ་སློང་གིས་མིའི་འཚོ་བ་དང་ཕྲལ་ན་ཕས་ཕམ་པའི་ནོངས་པར་མི་འགྱུར་
D7a.013.0219b05.01བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་གཉིས་ལྷན་ཅིག་འཁོད་པ་ལས་གཅིག་གསད་དོ་སྙམ་པ་ལས་གཞན་བསད་པའོ། །མི་ཚངས་པ་སྤྱད་པ་གཞན་གྱིས་བགྱིས་ལ་ཕས་ཕམ་པར་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་
D7a.013.0219b06.01སྩལ་པ། ཡོད་དེ། དེ་འདི་ལྟར་དགེ་སློང་མ་མི་ཚངས་པར་སྤྱད་པ་མཐོང་ལ་བཅབས་ན་སྐྱ་རེངས་ཤར་བ་དང་ཕས་ཕམ་པར་འགྱུར་རོ། །དགེ་སློང་མི་ཚངས་པར་སྤྱོད་པ་ལས་ཕས་ཕམ་པའི་ནོངས་པར་འགྱུར་བ་དང་། མི་ཚངས་པར་སྤྱོད་པ་བགྱིས་ཀྱང་ཕས་ཕམ་པའི་ནོངས་པར་མི་
D7a.013.0219b07.01